Słowa a zadźerženje trenarja wulku rólu hraja

Montag, 08. März 2021
Artikel bewerten
(0 Stimmen)
Rodźeny Smjerdźečan André Strelow (naprawo, Drježdźany) je z wulkej koncentraciju a trěbnej chutnosću při wěcy, zo by po móžnosći njestronsce rozsudźił. Hdyž pak dźe wo komplikowane rozsudy, potom sudnik Sokoła Ralbicy/Hórki diskusiju zwjetša z posměwkom rjaduje. Jörg Stephan Rodźeny Smjerdźečan André Strelow (naprawo, Drježdźany) je z wulkej koncentraciju a trěbnej chutnosću při wěcy, zo by po móžnosći njestronsce rozsudźił. Hdyž pak dźe wo komplikowane rozsudy, potom sudnik Sokoła Ralbicy/Hórki diskusiju zwjetša z posměwkom rjaduje. Jörg Stephan

Při kopańcy je trenar wažna wosobina, wšako wón wuspěch abo njewuspěch prěnjorjadnje zamołwja. Nimo praweje zestawy a taktiki měł trenar tež přeco prawe słowa namakać. To pak tak lochko njeje. Wšako ma kóždy hrajer swójski charakter. Tuž je jara wažne, kak ze swojimi chowancami komunikuješ, a to hižo na polu juniorow.

Młode koparske talenty přez wotmě­njawy a na starobu wusměrjeny trening motiwować je po měnjenju Tadeja Cyža, nawody koparjow-juniorow Jednoty Kamjenc, jedyn z najwažnišich nadawkow trenarjow dorosta. Při tym měli sej nazwučowarjo tež přeco prawje přemyslić, kak ze swojimi chowancami rěča. Słowa kaž „Jeli dźensa troje wrota docpěješ, dóstanješ pjeć eurow!“ njejsu po jeho měnjenju jara wunošne za dźěći, znajmjeńša dołhodobnje nic. Koparki a koparjow w prawym wokomiku chwalić a při njewuspěchu zhromadnje za móžnosćemi polěpšenja pytać, to je dobry zakład wuspěcha a wjesela při kopańcy.

Veröffentlicht in Sport

Galerie

dalši wobraz (1) Tadej Cyž trenuje a přewodźa hižo dlěši čas koparki a koparjow Serbskeje koparskeje wubranki młodźiny D. Při tym kedźbuje Njebjelčan stajnje na prawu komunikaciju ze swojimi chowancami.
dalši wobraz (2) Chrystof Gloxyn njeje z rozsudom sudnika Maika Rupprechta přezjedny.
Bitte anmelden, um einen Kommentar zu posten

Serbska debata

Neuheiten LND