Serbske Nowiny

Lejnjanscy dumperowcy su minjenu njedźelu w sakskim Adelsdorfje dosć derje do sezony 2015 startowali. Zawěsće pak běchu sej wjace předewzali. Najlěpši ze skupiny na wobrazu bě Křesćan Grutka (čisło 19). Wón bu třeći a dósta za to 16 dypkow w hódno­ćenskej tabulce. Amtěrowacy němski dumperowy mišter Filip Kral (čisło 23) ze 7. městnom zawěsće spokojom njebě. Dalše wurisa­nje lěta budźe 28. junija w braniborskim Mildenbergu. Foto: Siegbert Grutka

Dienstag, 05 Mai 2015 14:00

Pokiwy (05.05.15)

Porěči wo etaće

Droždźij. Wo hospodarskim planje Swobodneho stata Sakskeje a wo dalšim wuwiću wjesneje kónčiny porěči zapósłanc Sakskeho krajneho sejma Marko Šima­n (CDU) jutře, srjedu, w 19 hodź. w towarstwowym domje kulturneho a domizniskeho towarstwa w Droždźiju pola Wósporka. Wšitcy zajimcy su na to wutrobnje přeprošeni.

Čita z powědančkow

Budyšin. „Heimkehr“ rěka kniha, kotruž je Annelies Schulz w nakładnistwje Lusatia wudała. Ze swojich powědančkow čita awtorka štwórtk, 7. meje, w 19.30 hodź. w Budyskej Smolerjec knihar­ni. Městna měli so rezerwować. Zastup płaći tři eura.

Na zjawny přednošk

Dienstag, 05 Mai 2015 14:00

Policija (05.05.15)

Muža z pokradnjenym awtom lepili

Budyšin. Na awtodróze A 4 njedaloko Budyšina do směra na Zhorjelc je policija wčera dopołdnja muža z pokradnjenym VW Touranom lepiła. Za awtom su hižo mjezynarodnje pytali, dokelž bu wone jenož něšto hodźin do toho w Erfurće pokradnjene. Za wodźidłom sedźeše 53lětny muž, kotrehož zastojnicy nachwilnje zajachu. Nětko pad bliže přepytuja.

Dienstag, 05 Mai 2015 14:00

Dom runje hakle ponowili

Wulkozasadźenje mějachu wohnjowi wobornicy dźensa rano w Čornym Chołmcu. Tam bě z dotal njeznateje přičiny woheń na łubi bydlenskeho domu na Wjesnym puću wudyrił. Wjacore wohnjowe wobory z wokoliny, mjez druhim z Wojerec a Ćiska, běchu zasadźene. Wobsedźerjo běchu twarjenje w minjenych měsacach hakle wobšěrnje ponowili a chcychu tele dźěła lětsa dokónčić. Wo přičinach wohenja njebě hač do kónca redakciskeho časa hišće ničo znate. Foto: Christian Essler

Dienstag, 05 Mai 2015 14:00

Zapósłane (05.05.15)

We wudaću Serbskich Nowin z 13. apryla wozjewje­nemu přinoškej wo dźěle Rěčneho centruma WITAJ za wuwiwanje serbšćiny maja dr. Sonja Wölkowa, dr. Beata Brězanowa, dr. Hauke Bartels slědowace wudospołnjenja:

Montag, 04 Mai 2015 14:00

Krótkopowěsće (04.05.15)

Film ze Serbowku počesćeny

Wien. Hrajny film „Frau Müller muss weg“ ze serbskej dźiwadźelnicu Gabrielu Šmajdźinej w jednej z hłownych rólow su wčera we Wienje w kategoriji „najlěpši kinofilm“ ze Złotej Romy počesćili, najwyšim wuznamjenjenjom Awstriskeje za filmowe a telewizijne produkcije. Film je hižo milion ludźi widźało.

Namócnosće w Pólskej

Knurów. Po ćežkich namócnosćach wo­koło koparskeje hry z jednym smjertnym woporom w pólskim Knurowje (Delnja Šleska) su hooliganojo wčera wječor­ znowa policajsku staciju nadbě­ho­wali a pjeć policajskich jězdźidłow wobškodźili. Policija 30 z nich zaja. Sobotu bě w Knurowje po hrě k namócnosćam dóšło, při čimž bu 27lětny wot gumijoweje kulki policista smjertnje trjecheny.

Němskej łódźi dojěłoj

Montag, 04 Mai 2015 14:00

SerBeat na korčmowym swjedźenju

Tojšto terminow měješe kónc tydźenja kapała SerBeat. Pjatk wječor hrajachu młodźi hudźbnicy na Kukowskim mejemjetanju. 24 hodźin pozdźišo předstajichu swoje štučki we wobłuku Budyskeho korčmoweho swjedźenja w hosćencu „Culinarium“ (na wobrazu). Tak bě tež serbski podźěl na tymle wječoru zaručeny. A spěwar kapały bě wčera připołdnju znowa w Kukowje, hdźež z Chróšćanskimi muzikantami k rańšemu piwku hudźeše. Foto: Carmen Schumann

Montag, 04 Mai 2015 14:00

Muža zbił a wobkradnył

Budyšin (SN). Wulka młodźinska chłostanska komora Budyskeje wotnožki Zhorjelskeho krajneho sudnistwa zaběra su jutře a srjedu z nadpadom, kotryž sta so před lětomaj před Kubšiskim dwórnišćom. Statne rěčnistwo dźensa 35lětnemu wobskorženemu z pólskeje Jelenjeje Góry wumjetuje, zo bě wón hromadźe z dalšim skućićelom, kiž je mjeztym hižo zasudźeny, do připadnje nimoduceho muža bił. Po tym zo bě škodowany padnył, kopaštaj bičkaj swojemu woporej do hło­wy a do brjucha. Na to pokradnychu zbitemu móšeń ze sto eurami, EC-kartku, časnik, zapalak a cigarety.

Wobskorženy je w Němskej wjacekróć předchłostany, jónu tež w Pólskej. Do njeskutka w Kubšicach bě wón alkohol pił. Dokelž je při kóždym z před­chłostanych njeskutkow pod wliwom alko­hola stał, statne rěčnistwo namjetuje, 35lětneho psychisce posudźować dać. K wumjetowanjam je so wón dotal jeno sporadisce wuprajił. Po jutřišim zahajenju jednanja w 9 hodź. je srjedu w samsnym času dalši termin.

Montag, 04 Mai 2015 14:00

Policija (04.05.15)

Harley z garaže pokradnyli

Wojerecy. W času wot minjeneho štwórtka hač do soboty zadobychu so njeznaći do garaže blisko Wojerowskeje industrijoweje přestrjenje. Z njeje pokradnychu motorske typa Harley Davidson FXST z čisłom HY-T 29. Jeho wobsedźer bě mašinu z někotrymi přidatnymi dźělemi wuhotował, tak zo trochuja hódnotu jězdźidła na něhdźe 15 000 eurow.

Donnerstag, 30 April 2015 14:00

Krótkopowěsće (30.04.15)

Šwedska Lěwica za brunicu

Podstupim. Delegacija šwedskeje Lěwicy je wutoru łužiske wuhlowe jamy wopytała. Tam potwjerdźi swoje stejišćo, zo ma koncern Vattenfall we Łužicy wostać a nima łužisku brunicu předać. Nowe­ jamy njesměł Vattenfall wotewrěć a dotalne njeměł rozšěrić. Tole wobkrući předsyda strony Vänsterpartiet Jonas Sjöstedt zawčerawšim w Podstupimje.

Wužiwaja zhromadny labor

Choćebuz. Braniborska techniska uni­wersita Choćebuz-Zły Komorow dóstanje nowy labor, kotryž budźe zhromadnje ze slědźenskim institutom za kompjuterowu wěstotu w Frankobrodźe nad Wódru wužiwać. Zhromadny labor (Joint Lab) chcedźa přichodny tydźeń přepo­dać. Prěni zhromadny projekt zaběra so z wěstosću w „interneće wěcow“.

Žane zrozumjenje za Saksku

Serbska debata

Neuheiten LND