Hochozy (NC/KK). Je z dobrej tradiciju, zo so delnjoserbska premjera Němsko-Serbskeho ludoweho dźiwadła lěto wob lěto w Hochozy wotměwa. Tak tež minjenu sobotu w tamnišim hosćencu „Złoty zmij“. Zdobom bě to jubilej, wšako hraje NSLDź mjeztym 50 lět ducy po Delnjej Łužicy. Madlenka Šołćic, zastupjerka intendanta za serbske dźiwadło, zahaji premjeru wuzběhujo, zo „je rjenje zaso tu być, hdźež so doma čujemy“.
Zastupjer administracije demokratiskeho regiona na wopyće w Budyšinje
Budyšin (SN/MG). Na sewjerje a wuchodźe Syriskeje nasta w lěće 2014 sebjezarjadowany region. Po tym, zo bě so wójsko knježićela Assada zhubiło, wužichu wšelake ludowe skupiny wakuum mocy a wutworichu swójske, decentralne knježerstwo. Khaled Davrisch je najwyši reprezentant „awtonomneje administracije demokratiskeho regiona sewjerowuchodneje Syriskeje“ w Němskej. Zašły tydźeń poby wón na wopyće w Budyšinje.
Nimo rozmołwy w redakciji Serbskich Nowin zetka so wón tež ze zapósłancom Serbskeho sejma Měrćinom Krawcom a jednaćelku towarstwa „Willkommen in Bautzen“ Astrid Riechmann. W rozmołwomaj zwuraznješe, zo chce přichodnje ze Serbami styki nawjazać. Tež Davrisch sam je kurd. Kurdojo bydla bjez swójskeho kraja we wšelakorych statach Bliskeho wuchoda.
FSV Bretnig-Hauswalde –ST Marijina hwězda 0:2 (0:2)Zestawa hosći: Matik – Wróbl, R. Cyž, K. Pakoßnick (46. Zelnak), Hoge, Peschmann (46. Bulank, 90.+2 Zynda), Ch. Cyž, Eldor, Schmidt (58. Ladewig), Kurink, J. Pakoßnick (79. Wünsche)
Spominali su dźensa 25lětnu róčnicu noweho serbskeho zakonja, kotryž běchu 31. měrca 1999 w Budyskim Serbskim muzeju podpisali. Prezident krajneho sejma Matthias Rößler (CDU, 2. wotlěwa) sćěhowaše z wicepředsydu Domowiny Markom Hančikom a zapósłancom Markom Šimanom (CDU, wotprawa) słowam předsydy Domowiny Dawida Statnika (nalěwo). Tomu je wažne, zo so zmylki zašłosće njewospjetuja: Rößler bě 2001 jako kultusowy minister Chróšćansku srjedźnu šulu zawrěł. Foto: SN/Bojan Benić
Bikerojo z něhdźe 170 jězdźidłami su njedźelu do Ralbic k nyšporu přišli. Wosadny farar Šćěpan Delan wšitkich pozbudźi, zo bychu so tež po puću wzajomnje podpěrowali a tak biblisce jedyn brěmjo druheho sobu njesł. Tež před Božim domom, hdźež mějachu bikerojo swoje mašiny stejo, so duchowny z nimi pomodli a potom jich a wšitke jězdźidła ze swjećenej wodu pokrjepi. Ralbičanski młodźinski chór je nyšpor hudźbnje wobrubił. Foto: Rafael Ledźbor
Po cyłej Sakskej so lěto a wjace projektow za demokratiju etablěruje. Jedyn z nich, „DES! demokratisch-engagiert-selbstverwaltet“, je we Sakskej załožbje za młodźinu zakótwjeny. Nawoda tohole projekta, kotryž zarjaduje tež wosebite wubědźowanje za młodźinske kluby, je Julian Koch-Duschek. Milenka Rječcyna je so z nim rozmołwjała.Kotre wuměnjenja maja młodźinske kluby za wubědźowanje spjelnić?J. Koch-Duschek: Sakska załožba za młodźinu zarjaduje zhromadnje ze Sakskej młodźinu na wsy lětsa widejowe wubědźowanje mjez młodźinskimi klubami. Pod titulom clip.Club.Connect (CCC) móža nam młodźi ludźo dwě mjeńšinje dołhe widejowe klipy wo swojim angažemenće w młodźinskim klubje pósłać. Na lěćnym campje DES! počesćimy třoch dobyćerjow z dobropisami w hódnoće 650 eurow za wšelake teamowe eventy.Biskopičanska Syć za dźěći a młodźinu (KiJu) namołwja tež serbskich młodostnych so wobdźělić. Kak narěčiće wy serbske kluby?
Wobmjezowanja za čas korona-pandemije mějachu za skutkowanje Zwjazkoweho předsydstwa Domowiny tež lěpšinu: W zwisku z online přewjedźenymi posedźenjemi poskićeny livestream je tež zajimowanym zmóžnił, zarjadowanje wot doma abo něhdźe druhdźe sćěhować. Kak dołho pak měli paski w interneće přistupne być? Zwjazkowe předsydstwo je dobu nětko přikrótšiło.Choćebuz/Budyšin (SN/at). Natočenja wo posedźenjach Zwjazkoweho předsydstwa Domowiny „měli jedyn měsac online přistupne być a so potom hasnyć“. Tak rěka w nowym dypku 1 paragrafa 3 swojeho jednanskeho porjada, kotryž je zwjazkowe předsydstwo minjeny pjatk w Choćebuzu z hłosawzdaćom schwaliło. Dotal běchu natočenja lěto internetnje přistupne. Wuběrk za zjawnostne a wukrajne dźěło je změnu poručił. Prezidij bě jón prosył, rjadowanje pruwować.
