Swoju wědu na jězbje wobohaćili

Donnerstag, 21. Mai 2015
Artikel bewerten
(0 Stimmen)

Katolske zjednoćenswo kubłarjow Sakskeje (KEG) přeprosy tydźenja na kubłansku jězbu do klóštra Marijineho doła pola Wostrowca a do Žitawy. Hłownu organizaciju měješe městopředsyda zjednoćenstwa Franz-Josef Fischer, wučer na Drježdźanskim Gymnaziju swjateho Bena, na starosći.

Z busom poda so štyrceći kubłarkow a kubłarjow, něhdźe połojca běchu Serbja, najprjedy do klóštra Marijiny doł. Tam swjećachu w klóšterskej cyrkwi, kotraž­ je po žałostnym powodźenju zaso wulkotnje ponowjena, Božu mšu. Ju ce­le­browa­štaj klóšterski farar a čěski duchowny. Po krótkim přechodźowanju po njej a po kló­šterskim arealu podachu so wulětnikarjo po krasnej krajinje njepo­srědnje při Nysy k hłownemu cilej wuprawy,­ do Žitawy. Prěni puć wjedźeše nas hnydom do rustikalneho hosćenca srjedź města k wobjedu. Na to podachmy so z historiskim hejtmanom měšćanskeje straže na puć, kiž wjedźeše nas z wulkej zahoritosću, rozbudźenosću a tójšto humorom po swojim měsće, posrědkujo wjele wědy wo zašłosći a přitomnosći Žitaw­y w třiróžku krajow.

Veröffentlicht in Serbski powěstnik
Bitte anmelden, um einen Kommentar zu posten

Anzeige