Znajemy swoju domiznu?

Mittwoch, 22. Juli 2015
Artikel bewerten
(0 Stimmen)
Wjesnjanosta Tomaš Čornak a wjednica pěstowarnje Andreja Hejdušcyna witaštaj Budyskich Domowinjanow do Njebjelčic.  Foto: Jurij Łušćanski, Doroteja Čejkowa Wjesnjanosta Tomaš Čornak a wjednica pěstowarnje Andreja Hejdušcyna witaštaj Budyskich Domowinjanow do Njebjelčic. Foto: Jurij Łušćanski, Doroteja Čejkowa

Na swojim tradicionalnym połdnjowskim kubłanskim wulěće poby Domowinska skupina „Budyšin město“ lětsa w Njebjelčicach a Kamjencu.

Hižo před lětami běchmy w Njebjelčicach serbskeho wuměłca Jana Buka wopytali a sej čistu, rjanu wjes wobhladali. Lětsa dźěše nam wo nowu pěstowarnju a nowy pomnik. Hibićiwy wjesnjanosta Tomaš Čornak nas w pěstowarni přećelnje powita a ju nam zhromadnje z wjednicu knjeni Hejdušcynej po­kaza. Je to wulkomyslny twar ze škleńcy a drjewa, z rjanym dworom a krasnej zahrodu. Zo so dźěćom w nowym přebywanišću lubi, bě widźeć a słyšeć. Ze zapalom zanje­sechu nam wone spěwčk ze serbskimi a němskimi štučkami.

Hnujacy je pomnik za nućenych dźěłaćerjow, kotřiž dyrbjachu za čas Druheje swětoweje wójny w Němskej dźěłać. Gerat­ Korjeńk rozłoži nam zrudny dóńt nućeneje dźěłaćerki Nadje. Sylza ze zornowca połoženje wbohich zawlečenych přeswědčiwje rysuje.

Veröffentlicht in Serbski powěstnik
Bitte anmelden, um einen Kommentar zu posten

Anzeige