Skupinu chcedźa zesylnić

Dienstag, 05. Januar 2016
Artikel bewerten
(0 Stimmen)
Na hłownej zhromadźiznje Domowinskeje skupiny Šunow-Konjecy předstajichu wjesne dźěći hru wo wjelku a kózlatkach.  Foto: Marija Maywaldec Na hłownej zhromadźiznje Domowinskeje skupiny Šunow-Konjecy předstajichu wjesne dźěći hru wo wjelku a kózlatkach. Foto: Marija Maywaldec

Kóždolětnje mjez hodami a Nowym lětom schadźuja so sobustawojo Domowinskeje skupiny Šunow-Konjecy k swojej hodowničce a hłownej zhromadźi­znje. Tak bě poslednju wutoru lěta 2015 něhdźe 50 skupinarjow přeprošenje předsydstwa sćěhowało.

Z wulkim lóštom předstajichu so nam naše wjesne dźěći z hru „Wjelk a (samo) dźewjeć kózlatkow“ a z někotrymi hodownymi spěwami. K pomocy při zho­towjenju drastow a kulisow běchu dźěćom jich starši. Na starosći měještej program pilnej čłonce skupiny Erika Maywaldowa a Anke Wowčerkowa. Za po­- radźeny a spodobny kulturny program so předsydka skupiny Kerstin Mauwowa w mjenje wopytowarjow wuhotowarjam programa wutrobnje dźakowaše.

Po słódnej wječeri dachmy so do ­wuradźowanja. W rozprawje předsydka zwěsći, zo su so nam wšitke předwidźane zarjadowanja poradźili. Mjez druhim ­běchu to poradźowanje wo serbskej ­narodnej drasće, přednošk wo dožiwjenjach Chróšćanskeho wandrowskeho Franca Čornaka, kolesowanje po domiznje, wulět do Žitawskich horin, wopyt dźiwadła, adwentne popołdnjo a nałožki, kotrež kóždolětnje hajimy.

Veröffentlicht in Serbski powěstnik
Bitte anmelden, um einen Kommentar zu posten

Anzeige