Wot wobornikow tójšto nawuknyli

Freitag, 16. September 2016
Artikel bewerten
(0 Stimmen)

Wjace hač 100 wopytowarjow – mjez nimi tójšto dźěći – přichwata minjenu sobotu do gratownje Dźěžnikečanskeje dobrowólneje wohnjoweje wobory na dźeń wotewrjenych duri. W chłódnej garaži poskićachu tykanc a kofej kaž tež dalše napoje. Pozdźišo sydachu tež pražene kołbaski. Njepobrachowaše samo mopedist z připowěšakom, z kotrehož wón dźesać družin lodu poskićeše. Dźěći móžachu so na skakanskim hrodźe zabawjeć a za dołhim blidom sedźo molować a paslić. Wjesnjan Benno Jacob z Lipšćanskeje wohnjowoborneje centrale je zwučowanje młodźinskeje wobory z wosom młodostnymi zajimawje moderěrował. Po alarmowanju přismalichu woni do gratownje, zdrasćichu so, wukładźechu hadźicy, přizamknychu je hydrantej a podusychu­ woheń z třomi sykawami. Wšitko z prawymi komandami zmištrowachu. Přiklesk přitomnych běše jim zasłuženy­ dźak.

Veröffentlicht in Serbski powěstnik
Bitte anmelden, um einen Kommentar zu posten

Anzeige