Nowe mjezwočo pola FC Energije

Mittwoch, 19. August 2020 geschrieben von:
Krótko po starće do winowatostnych hrow je FC Energija Choćebuz nutřkowneho škitarja Matthiasa Rahna angažowała. 30lětny přińdźe z MSV Duisburga. W rjadach přiwiska FCE pak je engagement 30lětneho při wšej sympatiji zadźiwanje wubudźił, dokelž rěkaše w lěćnej přestawce, zo chce Energija rady nowy start z młodymi hrajerjemi. Tohodla njeje lubušk publikuma Dimitar Rangelow nowe zrěčenje dóstał. Po ­Maxu Kremeru (31) maja Choćebuženjo z Matthiasom Rahnom nětko dalšeho zastupjerja starobneje klasy „Ü30“ w Choćebuzu. Georg Zielonkowski

Běhać – kolesować– běhać

Mittwoch, 19. August 2020 geschrieben von:
Budyšin. Sedmy Budyski crossowy dua­tlon steji w terminowej protyčce wutrajnostnych wubědźowanjow, a to za njedźelu, 27. septembra. Lochkoatletiske sportowe towarstwo Čerwjeno-běli 90 Budyšin jón zarjaduje. Běhać a kolesować budu zaso po Humboldtowym haju. Wupisanje pod www.bautzener-crossdua­thlon.de SN

Duel dominowali

Mittwoch, 19. August 2020 geschrieben von:

ST Chrjebja-Nowa Wjes – ST 1922 Radwor 1:5 (1:2)

Zestawa hosći: Tausend – Reineke, Jatzwauk, Šěrak, Paška, Omran, Glücklich, Pětšak, Zähr, Schulze, Hantschik, Hain, Wróbl, Sćapan

W druhej testowej hrě nastupichu Radworscy koparjo přećiwo njeznatemu přećiwnikej z Chrjebje-Noweje Wsy. Hosćićeljo hraja tež we wokrjesnej lize. To běše dobra přiležnosć za Radworskeho trenarja wupruwować nowy hrajny system z dwěmaj hrajerjomaj w centrumje a dwěmaj nadběhowarjomaj.

Plan bě, z krótkimi přihrawkami a spěšnymi kombinacijemi před wrota přećiwnika přińdź. Radworčenjo pak zhubichu w prěnich mjeńšinach bul w na­twarje a dóstachu z dołhim bulom konter, kotremuž njemóžachu zadźěwać. Tak steješe hižo zahe 1:0 (4.) za hosćićela. Po tym pak so hra na dobro hosći zwjertny. Po dobrej přihrawce Radworskeho wrotarja běžeše Tom Schulze sam na přećiwni­skeho wrotarja a wotpołoži bul Paulej Hantschikej, kiž dyrbješe jón jenož hišće za wrotowej liniju k 1:1 (11.) zaměstnić.

Naročny test přećiwo Budissy

Dienstag, 18. August 2020 geschrieben von:

Sokoł Ralbicy/Hórki – Budissa Budyšin młodźina A 3:2 (1:1)

Za Ralbicy zasadźeni: Schöne – Šewc, Wałda, Schultz, Matka, Rachela, Šiman, Bejma, Domaška, G. Kurjat, Šołta, Lešawa, Janca, Nuk, M. Kurjat, Budar

Pjatk wječor testowachu Ralbičenjo přećiwo młodźinje A Budissy Budyšin. Tute mustwo hraje w krajnej lize. Młodźi hrajerjo su derje wukubłani nastupajo techniku a maja wulku spěšnosć. Tež Sokoljo, kaž na přikład Tomaš Bejma, Dawid Šołta abo Alexander Wałda, su so mjez druhim w Sprjewinym měsće wukubłać dali, prjed hač zaso kopački za Sokoł šnórowachu. W rjadach Budissy hraješe pjatk tež serbski koparski talent Niclas Ričel. Njebjelčan pokaza dobry wukon, kotryž widźeše Niclasowy nan a trenar Serbskeje koparskeje wubranki muži Frank Ričel.

Treningowu partiju hosćićeljo jasnje dobyli

Dienstag, 18. August 2020 geschrieben von:

ST Marijina hwězda – Hlinowski SC 1931 6:0 (5:0)

Zestawa domjacych: Schmidt, Matik – Langer, Hawš, Zelnak, R. Cyž, Pesch­mann, Ch. Cyž, Pjetaš, Pi. Lugge, D. Jurš, J. Pakoßnick, Pa. Lugge, Lipič, Čornak, T. Jurš, K. Pakoßnick

Na pjatkownu treningowu hru přeprosychu sej koparjo Marijineje hwězdy susoda z Hlinowca. Ju dobychu hosćićeljo wysoko ze 6:0 přećiwo klasu niže hrajacemu wokrjesnemu ligistej. Dokelž domjacy sami žanoho sudnika stajić njemóžachu, wupomhaše we wokrjesu znaty referee Hlinowčan Heiko Göbel.

Dalši test doma w Chrósćicach

Dienstag, 18. August 2020 geschrieben von:

SJ Chrósćicy – Biskopičanske KT II 3:1 (0:0)

Zasadźeni hrajerjo: Králíček – B. Cyž, F. Cyž, Sentivan, Mark, L. Zahrodnik, Zynda, G. Zahrodnik, M. Zahrodnik, F. Zahrodnik, Paška, Handrik

Při horcych temperaturach steješe za Chróšćanow njedźelu tydźenja druhi test na planje. Z hosćom bě rezerwa z Biskopic. Młode mustwo bě po zašłej hrajnej dobje do wokrjesneje wyšeje ligi postupiło. Hnydom wot spočatka wobě mustwje doprědka tłóčeštej. Tak móhło bjezdwěla w prěnjej mjeńšinje hižo 1:0 stać. Přez prawu stronu bě so Bosćij Cyž derje přesadźił. Flanka docpě Luciana Zahrodnika, tola Zahrodnikowa třělwa wrota snadnje misny. K dalšim wulkim šansam pak w spočatnej fazy přišło njebě, dokelž falowaše domjacym dokładnosć a hosćom zaměrnosć w nadběhu. Chróšćenjo spytachu nadběhi přez wonkownych hrajerjow natwarjeć. Tomu pak móžachu hosćo derje zadźěwać. Tak wuwi so wote­wrjena hra bjez wulkich šansow na woběmaj stronomaj.

Nócne hrypod wysokim sakom

Dienstag, 18. August 2020 geschrieben von:
Kulow. Nócny wolejbulowy turněr Žołto-módrych Kulow ma nowy termin, a to 31. oktobra w tamnišej wjacezaměrowej hali. Hrać chcedźa tam runočasnje wo kwalifikaciju za wolejbulowy turněr wo pokal zawoda Maja, kotryž chcedźa 19. januara 2021 na samsnym městnje přewjesć. SN

Treningowe lěhwo SJ Chrósćicy

Dienstag, 18. August 2020 geschrieben von:

Minjeny kónc tydźenja bě sej 16 Chróšćanskich koparjow do treningoweho lěhwa do Pólskeho Raszowa dojěło. To je wjeska w gmejnje Leśnica, kotraž je partnerska gmejna Chróšćanskeje komuny. Mustwo z Chrósćic trenowaše na sportnišću LZS Raszowa, hdźež mějachu dobre wuměnjenja za swoje zwučowanja.

Pjatk steješe za koparjow nimo dweju treningoweju jednotkow tež hišće testowa hra přećiwo domjacemu cyłkej na planje. W zwučowanskich jednotkach dźěłachu wosebje na kondiciji, ale tež na taktiskim polu a na standardnych situacijach. Testowu hru na wječoru móžachu Chróšćenjo 2:1 dobyć. Wrota třělištaj ­Zahrodnikec bratraj Feliks a Gabriel. ­Hosćo hru nimale přez cyłu distancu dominowachu, ale skomdźichu třeće abo samo štwórte wrota třělić. Po hrě běchu koparjo z Łužicy na zhromadne grilowanje při sportnišću přeprošeni.

Struchły jubilej na Łužiskim kole

Montag, 17. August 2020 geschrieben von:

Klěśišća (dpa/SN). Łužiske koło steji před struchłym jubilejom: Swjatočnosće składnostnje 20. róčnicy wobstaća najmłódšeho wubědźowanišća Němskeje 20. awgusta dyrbja koronapandemije dla wupadnyć. „Njeplanujemy ničo. Přetwarimy wšitko hišće raz, ale nochcemy so do srjedźišća tłóčić, předewšěm, dokelž objekt hakle dwě lěće wobhospodarjamy“, zdźěli rěčnik pruwowanskeje organizacije Dekra, kotraž je areal w lěće 2017 přewzała, powěsćerni dpa.

Hižo kónc tydźenja běchu wubědźowansku seriju Němske turowe mišterstwa (DTM) bjez přihladowarjow přewjedli. Runje tak planuja to wot při­chodneho pjatka do njedźele, štož je wězo za wobhospodarjerja z wulkimi pjenježnymi stratami zwjazane. Minjene lěta běchu ze seriju DTM třećinu lětnych dochodow nadźěłali.

Na Łužiskim kole njewotměwaja so ­jenož wubědźowanja jězdźidłow, ale tež prezentacije awtotwarcow, koncerty a šlagrowe partyje abo wubědźowanja w błóće ze zadźěwkami. Nimo toho twari tam Dekra najwjetši slědźenski centrum za awtomatizowane jězdźenje.

Horcy bój wjedli

Montag, 17. August 2020 geschrieben von:

Pokalne finale Delnjołužiskeho koparskeho wokrjesa wotmě so njedźelu ­tydźenja w Grodku. Wo kopańcy tohole wo­krjesa lědma w SN čitamy. Skedźbnić pak chcemy wosebje na finale mjez žónskimaj mustwomaj Viktoria Choćebuz a ST Hochoza. W rjadach wobeju cyłkow su mjenujcy stajnje štyri hra­jerki Serbskeje žónskeje wubranki sobu za bulom honili.

Anzeige