Po wotchadźe rutinjejow Roberta Mülle­ra (33) a Dimitara Rangelowa (37) započnje so nowy start prěnjeho koparskeho mustwa FC Energije Choćebuz z jasnje womłodźenej wobsadku. Ze spor­towym direktorom Sebastianom Königom je so Georg Zielonkowski rozmołwjał.

Hdyž přiběži mustwo na trening na sportnišćo, móžeš sej myslić, zo znaješ jenož hišće­ połojcu hrajerjow. Maće tójšto nowych a wosebje młodych mjezwočow.

S. König: Na haj, cyle tak to nětko tež zaso njeje. Nimo Nilsa Stettina a Patricka Storba smy tójšto młodych hrajerjow z našich rjadow do treninga wzali. Nětko 21lětny Mathis Lange je něhdyši hrajer dorosta FC Energije. Pola njeho chcemy hladać, kak so to wšo wuwije. Lange bě so mjenujcy w Burghausenje zranił. Z młodźiny A trenujetaj z prěnim mustwom Jeremy Postelt a Elias Bethke. Kelvin­ Lunga je potajkim jenički, kiž je dospołnje njeznaty. Wón je dotal pola Fortuny Köln hrał a chce so pola nas jako nadběhowar z probowym treningom za zrěčenje poručić.

Tež wo fairplay a respekt šło

Dienstag, 21. Juli 2020 geschrieben von:
Krótko do lětnich prózdnin dožiwi 22 dorostowych koparkow a koparjow mustwa TSV 1859 Wjernarjecy w starobje 8 do 11 lět wosebitu treningowu jednot­ku. Woni wobdźělichu so na koparskim campje něhdyšeho profija Renéja Tretscho­ka. Po tym zo bě wón loni w Kumwałdźe pobył, je wón nětko do Wjernarjec přijěł. W srjedźišću campa pak njestejachu jenož formy přihrawkow a koordinaciske zwučowanja, ale wosebje tež fairplay a mjezsobny respekt na hrajnišću. Foto: Simone Wagner

Njedawny prěni tribunowy běh Budyskeho lochkoatletiskeho sportoweho towarstwa Čerwjeno-běli 90 doby Jakub Čórlich (nalěwo)­ z Němcow před Romanom Měrćinkom (srjedźa) z Baćonja. Rodźeny Sernjančan Matijas Obst wobsadźi 10. městno. Pola­ žonow­ by Budyšanka Katja Žurec (naprawo) na dobyćerskim podesće najwyše stała. Mytowanje pak njejsu žane přewjedli. Na běhu wobdźěliło bě so pjeć žonow­ a pjatnaće muži. Jörg Stephan

Wuslědki (21.07.20)

Dienstag, 21. Juli 2020 geschrieben von:

Tabulce koparskeho dorosta Braniborskeje

E-juniorojo, wokrjesna klasa stafla C Južna Braniborska

1. Brjazki/Zły Komorow II 8 60 : 10 22

2. Šejkow/Serchiń/Murjow 8 50 : 21 21

3. ST Doprědka Krynica 8 34 : 9 18

4. SSV Stara Darbnja 8 55 : 29 14

5. ST Rań 8 34 : 23 10

6. TSG Lubnjow 63 8 24 : 35 9

7. Lok Kalawa/ST Kalawa 8 27 : 59 6

8. HZ Großkmehlen/Frauendorf/Lindenau/Tettau 8 20 : 67 6

9. TSG Lubnjow 63 8 19 : 70 0

E-juniorojo, wokrjesna klasa stafla D Južna Braniborska

1. VfB Lubuš 1912 8 89 : 12 24

2. FC Schradenland 8 66 : 20 21

3. HZ Sängerstadtregion II 8 50 : 22 18

4. HZ Grabin II 8 69 : 38 15

5. HZ Grabin 8 36 : 33 12

6. Módro-žołte Groźišćo 8 48 : 41 9

7. HZ Sängerstadtregion 8 49 : 40 6

8. ST Prusojo Wikow II 8 5 : 105 1

9. ST Natwar Oppelhain 8 14 : 115 1

Přeco hišće přesłapjeny

Montag, 20. Juli 2020 geschrieben von:

Po wjacore tydźenje trajacej zdźeržliwosći smědźa koparjo FC Energije Choćebuz zaso zhromadnje trenować. To jim wočiwidnje wulke wjeselo wobradźa. Tež prezidenta Matthiasa Autha spokoja, zo je čas prózdnoty nětko nimo a zo su koparske zwjazki dalše daty za nowu hrajnu dobu přidźěłali. Z prěnim mužom FC Energije je so Georg Zielonkowski rozmołwjał.

Oficialnje bě rěč wo lěćnej přestawce, we woprawdźitosći pak to žana njebě …

M. Auth: Jasne, dołhi čas bjez hrow je sej­ tójšto sćerpnosće a zrozumjenja žadał­. Tu w domje pak smy jón derje zmištrowali. Nětko móžemy zaso z połnej energiju do wšědneho dnja hić.

Sće poprawom hišće wo wukóncu hraj­neje doby 2019/2020 přesłapjeni?

M. Auth: Sym sprawny, haj běch a sym přeco hišće přesłapjeny. Po rozsudźe, zo smě Lok Lipsk kwocientneho rjadowanja dla do relegaciskeju hrow, sym našemu konkurentej wjele zboža w mocyměrjenju z SC Verlom wupřał. Přeća pak njejsu pomhali. Lok wostanje w našej stafli a je nam dale chutny konkurent.

Kader FCE za nowu sezonu njeje hišće dospołny. Kak budźe so mustwo forměrować?

Před dźesać přihladowarjemi skónči so sobotu w Rakecach testowy duel mjez prěnim mustwom Rakečanskeho ST a rezerwu Bisko­pičanskeho KT ze 6:1 (3:0) za hosćićela. Duel sudźiła bě serbska koparska sudnica Lea Krječmarjec z Wulkeho Wjelkowa. Tule w akciji Dirk Šołta (Rakecy) Foto: Jörg Stephan

Najbóle prašany muž FC Energije Choćebuz je tuchwilu trenar Sebastian Abt. Jeho započatk po wotchadźe trenarja Clausa-Dietera Wollitza njehodźi so runjewon jako­ idealny wopisować. Wšako nadźěłachu sej Choćebuscy koparjo w pjeć hrach pod nawodom noweho šefnazwučowarja jeničce šěsć dypkow. To woznamjenja spad na třeće městno w tabulce regionalneje ligi-sewjero­wuchod.

Po korona-přestawce a ze startom srjedź awgusta měło wšitko lěpje běžeć ...

S. Abt: Wězo chcemy z našim nowym a młodym mustwom optimalnu sezonu hrać. To konkretnje rěka, zo chcemy prěnje městno wobsadźić a tak direktnje do tře­ćeje ligi postupić.

Kak dyrbi so to poradźić, połojca mustwa je nowa?

S. Abt: Chcemy to najprjedy raz z młodymi kadlemi docpěć, kotřiž maja wje­selo na kopańcy. A potom tež z nowymi hrajerjemi, kiž chcedźa so z našim wašnjom hraća spřećelić. Te dyrbi hišće bóle dynamiske a intensiwniše być, porjadnje agresiwne z wulkej kreatiwitu w ofensiwje. Na tym nětko hač do starta hrajneje doby dźěłamy.

Hladaće jenož na nazhonitych koparjow, hdyž nowych hrajerjow angažujeće a na so wjazaće?

Awtor dźensa Tomaš Faska

Za wjetšinu sportowych družin njetrjebaš jenož wotpowědnu a kmanu drastu, ale tež wšelake wosebite nastroje. Bul za kopańcu je hišće poměrnje jednory artikl. Myslimy-li pak na drohe płachtaki abo awtomobile w formuli 1, da so hižo cyle hinaše dimensije wotwě­raja. Njech je, kaž je: Atleća, kotřiž w jednotliwych sportowych družinach přećiwo sebi nastupja, činja to pod jenakimi wuměnjenjemi, znajmjeńša z techniskeho wida. Wosebje wjedro a dalše wonkowne wobstejnosće pak so wo to staraja, zo tele wuměnjenja woprawdźe stajnje wurunane njejsu. Za wuhotowanje nastrojow pak płaća krute postajenja, zo njeby ke „skepsanemu wubědźowanju“ dóšło, kaž so němsce praji: „Wettbewerbsverzerrung“. Tak waži na přikład kula w kulostorku za mu­ži stajnje 7,25 kilogramow, za žony štyri kilogramy. A hlebija za muži je 800 gramow ćežka, za žony 600 gramow. Za spor­towy nastroj hlebiju pak je hišće dalši techniski fakt wažny – jeje ćežišćowy dypk. Tón dyrbjachu před lětami jedno­ho dnja zasadnje změnić, dokelž njebě wěstota sportowcow a přihladowarjow hižo zaručena.

Wuslědki (20.07.20)

Montag, 20. Juli 2020 geschrieben von:

Tabulka koparskeho dorosta

E-juniorojo, wokrjesna klasa stafla B Južna Braniborska

1. Chemija Carny Gózd 8 53 : 15 21

2. FC Łuchow 8 39 : 9 21

3. FC Łuchow II 8 59 : 26 18

4. Złokomorowski FC 8 43 : 36 12

5. Brjazki/Zły Komorow III 8 45 : 20 10

6. Hóznja/Bukow/Tśikojce 8 25 : 31 10

7. Přezjednota Wótrań II 8 22 : 54 9

8. ST Germania Rólany 8 33 : 63 6

9. Chemija Carny Gózd II 8 13 : 78 0

Sport (17.07.20)

Freitag, 17. Juli 2020 geschrieben von:

Dalši jěchanski turněr

Lětuši jěchanski turněr towarstwa Při Kló­šterskej Wodźe w Hórkach chcedźa 5. a 6. septembra přewjesć. Tež tute za­rjadowanje maja bjez přihladowarjow wotměć, dokelž dyrbi zarjadowar pan­demije dla kruty koncept hygieny předpo­łožić a dodźeržeć. Koncentrować chcedźa­ so na wuhotowanje sakskich mišterstwow juniorow U 16 a U 21 w mnohostronskim jěchanju. Nimo toho su pruwowanja w dresurje a skakanju wu­pisane. Popoł­d­niše jězdźenje ze zapřahami a dalše programowe dypki lětsa pobrachowaceho publikuma dla wupadnu.

Přećiwo regionalnemu ligistej

Srjedu, 22. julija, we 18.30 hodź. hraje w Nowym Měsće nad Sprjewju prěnje koparske mustwo FC Energije Choćebuz. Nowe mustwo z Noweho Města chce so přećiwo regionalnemu ligistej prawje droho předać. Za noweho šeftrenarja ho­sći­ćela Enrica Kuntku budźe to zdobom druhi test w přihotach na sezonu.

Koparske testowe hry

18.07. 15:00 Traktor Malešecy –

  HZ Łaz/Běły Chołmc

18.07. 17:00 Sokoł Ralbicy/Hórki –

  FSV Kemnitz

19.07. 14:00 LSV Nowe Město –

  SV Eintracht Sermuth

25.07. 13:00 Budissa Budyšin –

  Traktor Reinhardtsdorf

25.07. 15:00 LSV Nowe Město –

  VfB 1921 Kśišow

25.07. 15:00 VfB Žitawa –

Anzeige