Šěsćdypkowu hru dobyli

Donnerstag, 08. März 2018 geschrieben von:

ST 1922 Radwor

– ST Zeleno-běli Bukecy 4:1 (2:1)

Zestawa domjacych: Wróbl – Wjeńka, Karwinski von Karwin, Bauer, Zähr, Winar, Zimmermann, Rachel, Bejmak, Kurjat (90. Hančik), Schulze (87. Kubitz)

Wuměnjenja za prěnju koparsku dyp­ko­wu hru w lěće 2018 běchu tež w Ra­dworju poměrnje ćežke. Na twjerdym pódlanskim hrajnišću njemóžachu tam přihladowarjo tuž wyšoklasny bój wočakować.

Do 36. sokołskeho volleyballoweho turněra

Donnerstag, 08. März 2018 geschrieben von:
Za 36. sokołski volleyballowy turněr wo po­kal Domowiny, kotryž budźe za­jutři­šim, 10. měrca, w Budyšinje, su jednotliwe stafle wulosowane. Na dotalnych 35 turněrach wot lěta 1983 wubědźowaše so 101 šestka. W lětomaj 2004 a 2005 je při wysokim saku samo 27 wo požadany pokal wojowało. Choćebuske mustwa su cyłkownje sydom króć pokal dobyli: dwójce gymnaziasća (1997 a 1998), štyri razy Soko­ł-młodźina (1999, 2000, 2002 a 2003) a jónu Sokoł-studenća (2005). Dal­ši dobyćerjo běchu: šěsć króć Přećeljo z pólskeje Tokarnje (2009, 2011, 2012, 2014, 2015 a 2016), trójce Słowjan Budyšin (1985, 1987, 1996) a Přećeljo Smječ­kecy (2008, 2010 a 2013), dwójce Serbski wučerski wustaw Budyšin (1984, 1988), Serbska rozšěrjena wyša šula Budyšin (1989, 1991), NSLDź Budyšin (1990, 2001) kaž tež Serbski dom Budyšin (2004, 2006) a jónu Šula Ćišinskeho Pančicy-Kukow (1983), Šula Ralbicy (1986), Wjesne mustwo Worklecy (1992), Serbscy gymna­ziasća Budyšin (1994), Serbscy studenća (1993), Eksdwanatki Serbskeho gymna­zija Budyšin (1995), Handicap Marijina hwězda Pančicy (2007) a Sokoł Budyšin (2017). Turněry wotměchu so 18 króć w Budyšinje, dźewjeć razow w Radworju, dwójce w Ralbicach (1984, 1987), jónu w Pančicach (1983), Slepom (1986) a Kulowje (1998), přiběraceje ličby wubědźowacych mustwow dla dwójce we Wor­klecach a Ralbicach (1993, 1994), jónu we Worklecach, Pančicach a Chrósćicach (1996). Jurij Nuk

Prěnja domjaca poražka noweho lěta

Donnerstag, 08. März 2018 geschrieben von:

SJ Njebjelčicy – ST Ćisk II 0:2 (0:1)

Zestawa domjacych: Hahn – Hoelzel, Hrjehor, Pawlik, Hanuza, Haška, Kral, Lejnart, Šołta, Čornak (12. Domš, 62. Hommel), Ričel

Za poražku 1:4 w prěnjej partiji hrajneho lěta chcychu so koparjo Njebjel­čan­skeje SJ nětko doma rewanšować. Tola­ znowa měješe cyłk trenarja Handrija Krawčika swoje problemy. W srjedźnym polu njenańdźe so nichtó, kiž by režiju přewzał, a w nadběhu klacaše na zymnokrejnosći. Tak pósła Robert Lejnart Floriana Ričla z niskej přihrawku do směra na wrota, Ričel pak suny kulowatu kožu nimo klětki (11.). Potom bu Sandro Šołta foulowany, ale wólny kop sadźi Lejnart přez klětku hosći (28.). Na tamnej stronje njedósta škit bul w šěsnatce pod kontrolu a hižo ležeše po niskej třělwje hóstneho nadběhowarja w saku (31.). Wurunać móhł w 34. min. Jurij Haška po wólnym kopje Ronyja Hanuzy. Wrotar hosći pak rezolutnje zapřimny. Do přestawki zjewi so Hanuza dwójce před wrotami pře­ćiwnika. Najprjedy bě znowa wrotar na městnje, a druhi raz zleća bul po přihrawce Haški nimo žerdźe.

Hnydom prěni tydźeń po zymskich prózdninach poda so 32 šulerjow 7. lětnika Wyšeje šule Slepo do Oberwiesen­thala, hdźež přewjedźechu swoje hižo tradicionalne sněhakowarske lěhwo. Po nimale štyrjoch hodźinach tam dojědźechu a dyrbjachu zwěsćić, zo knježa při Šmrěčniku temperatury wokoło minus 15 stopnjow. Porjadnje zdrasćenemu pak wone ničo njewučinjeja. Wot wutory do štwórtka wuknjechu šulerjo na sněhakach a snowboardźe jězdźić, abo su so na nich wukmanili. Sněhakowarscy wučerjo jich w dwěmaj kursomaj wuwučowachu. Kóždy wobdźělnik dósta na kóncu znamku za předmjet sport.

Posledni wječor su Slepjanscy šulerjo sněhakowarske lěhwo wuhódnoćili. Tu zhonichu swoju znamku we wobłuku zymski sport. Nimo toho dósta kóždy certifikat a dwaj samo medalju. Šulerjam kaž wučerjam bě to rjane dožiwjenje. By-li móžno było – tak to šulerjo zwěsćichu –, by so wjetšina z nich za lěto zaso rady na sněhakowarskim lěhwje na Šmrěčniku wobdźěliła. Marcel Rjelka

Z wukonamisu spokojom

Mittwoch, 07. März 2018 geschrieben von:

W druhej połojcy hrajneje doby 2017/2018 je dorostowe mustwo blidotenistow Viktorije Worklecy dotal dobry wobraz zawostajiło. Młody cyłk z tójšto nowymi wobličemi je drje ze štyrjoch hrow jenož jeničku dobył, postup pak je pola kóždeho wočiwidny.

Nimo hižo tři a poł lěta aktiwneho ­Benjamina Grutki wosebje tež nowačk Lucas Friedland z Chrósćic přeswědča. ­Jeho lěpšina je, zo móže doma ze swojim nanom, kiž je tohorunja aktiwny blidotenist pola Viktorije, přidatnje zwučować. Tež Jurij Čornak z Hrańcy, Jerome a Laurence Lehmann z Worklec a Marija Rječkec z Pěskec su na so skedźbnić wědźeli a tón jedyn abo tamny dypk za mustwo dobyli. Na swój prěni dypk resp. na prěnje zasadźenje čakataj hišće Titus Kubitz z Miłoćic a Maximilian Krawc z Pančic-Kukowa. Snano so jimaj to w jednej z poslednjeju hrow poradźi. Worklečanski cyłk nastupi hišće přećiwo mustwomaj z Njeswačidła a Kamjenca. Přećiwo Njeswačanam su prěnju hru 6:8 snadnje přěhrali. Wuslědk chcedźa nětko wobroćić spytać. W Kamjencu je serbska šestka 9:5 dobyła a chce to wězo znowa.

Pančičanki doma dwójce podleželi

Dienstag, 06. März 2018 geschrieben von:

Marijine hwězdźički – MSV Budyšin 04 2:3 (25:16, 15:25, 15:25, 25:22, 13:15)

Na poslednim domjacym hrajnym dnju sezony 2017/2018 su volleyballistki ST Marijineje hwězdy dwójce podleželi. W prěnjej hrě přećiwo MSV Budyšinej 04 njedosahachu jim mocy hač do kónca, zo móhli hru za sebje rozsudźić. Po suwerenym starće a jasnym sadźbowym dobyću slědowaštej sadźbowej poražce 15:25. W štwórtej Marijine hwězdźički hišće raz wšitke mocy mobilizowachu a ju z 25:22 dobychu. Rozsudny tiebreak bě wuruna­ny, ale mocy a koncentracija popušća­chu; wone jón přěhrachu a tak partiju.

Marijine hwězdźički – Módro-běłe

Wojerecy 0:3 (22:25, 17:25, 23:25)

W druhej partiji dominowachu wot spočatka Wojerowske volleyballistki. Někotre dobre fazy domjacych, na přikład přez wosebje sylne nadaća a jednotliwe spěšne nadběhi, polěkowachu tomu, zo Pančičanki wotstawk skrótšichu. Tola njetrjebawšich zmylkow w přiwzaću kaž tež w nadběhu dla so Pančičankam njeporadźi ani jeničku sadźbu dobyć.

Jasna wěc za hosći ze srjedźneje Łužicy

Dienstag, 06. März 2018 geschrieben von:

Rakečanske ST – LSV Nowe Město nad Sprjewju 0:5 (0:2)

Za domjacych zasadźeni: Glöckner, Langer – Brosam, Wetzorke, Bejma, Schidun, Zschippang, Prochnow, Hrjehor, Nowotny, Biesold, Kral, Koker, Mwape, Wenzel, Suchy.

Za hosći zasadźeni: Wikolajczuk – Paszlinski, Pereira Rodrigues, Fallant, Gamla, Schneider, de Souza Barros, Liebe, Dolbin, Antkewitz, Kazadi-Leonowic, Panoscha, Lohr.

Na kumštnym trawniku w Kamjencu nastupi wokrjesny koparski wyši ligist z Rakec přećiwo zastupjerjej krajneje klasy, mustwu z Noweho Města. Přihotowanska partija móhła so tež mjezynarodna mjenować, wšako bě wosebje za hosći ze srjedźneje Łužicy tójšto koparjow z wukraja zastupjenych, a to z Pólskeje, Konga a samo Brazilskeje. W Ra­kečanskim mustwje kopaštaj z Feliksom Hrjehorjom a Fabianom Bejmu Serbaj, a sudniski kolektiw běše samo ryzy serbski. Matijas Kral ze Smjerdźaceje duel suwerenje a měrnje nawjedowaše, jemu poboku běštaj asistentaj Jan a Kilian Hrjehor z Róžanta. Wšitcy třo dožiwichu měrny wječor, dokelž hraješe so nimale bjezwuwzaćnje na wrota Ronnyja Glöcknera a Sebastiana Langera.

Test wuspěšnje wobstali

Dienstag, 06. März 2018 geschrieben von:

SV Bannewitz – SJ Chrósćicy 3:4 (2:2)

Zestawa hosći: Stein – L. Zahrodnik (46. Šiman), Cyž, Sentiwan, M. Zahrodnik, Henčl, Runt (72. Šołta), Žur, G. Zahrodnik, Młynk (72. Löschau), Němec

Sobotu podachu so koparjo prěnjeho mustwa Chróšćanskeje SJ na poslednju testowu hru zymskeje přestawki. Přećiwnik rěkaše SV Bannewitz, tohorunja z krajneje klasy.

Worklečenjo z předskokom dobyli

Montag, 05. März 2018 geschrieben von:

PJATY wólnočasny volleyballowy turněr serije „top-šěsć“ skónči so w Ralbičanskej hali z dobyćom Viktorije Worklecy před wučerjemi Serbskeho gymnazija Budyšin (SGB) a Žołto-módrymi Kulow. Po ptačokwasnym volleyballowym turněrje srjedź januara w Kulowje dojědźe sej šěsć wólnočasnych mustwow minjeny štwórtk do Ralbic, zo bychu přewjedli 5. turněr z mjenom „Witamy nalěćo“. Wutrobny dźak słuša hosćićelej, abiturnemu lětnikej 12/96, za wuběrny přihot a wotběh wubědźowanja. Tón njeměješe tónraz najsylnišu zestawu k dispoziciji a wobsadźi 6. městno. Dypk wjace měještej mustwje z Radworja a Chrósćic na konće. Při wuličenju małkich plusowych dypkow běchu Chróšćenjo ći lěpši. ST Radwor nastupi znowa z najmłódšimi hrajerkami a hrajerjemi, mjez kotřiž běchu třo aktualni gymnaziasća a jedyn bywši. W prěnjej sadźbje pokazachu Radworčenjo přećiwo swojim wučerjam SGB z 11:6 solidny wukon. Druhi přechod 9:10 snadnje přěhrachu.

Lodohokejowy turněr w Rumburku

Montag, 05. März 2018 geschrieben von:
Na lodohokejowy turněr sobotu w čěskim Rumburku bě tež serbske ­mustwo přeprošene. Serbja, kotřiž trenuja kóždu druhu njedźelu we Varnsdorfje, njemějachu so runjewon lochko ze sylnymi čěskimi cyłkami. Mustwa z Rumburka a Šluknova, kotrež hraja dwójce abo trójce wob tydźeń, běchu tuž jasnje faworizowane. Pokal wubědźi sej Boston Rumburk, Serbja wobsadźichu na kóncu štwórte městno. Za łužiske mustwo nastupichu Konrad Kral, Bosćij Šnabel, Pětr Šołta, Chrystof Kral, Milan Rječka, Cajus Brězan (zady wotlěwa), Frank Popjela, Stefan Benad, Měrćin Winar a Tilo Žur (prědku wotlěwa). Foto: Pětr Šołta

Serbska debata

Neuheiten LND