Zastaranje na wsach zawěsćić

Mittwoch, 25. Mai 2016 geschrieben von:

Demografiske wuwiće tež před strowotnistwom njezastanje

Chrósćicy (JK/SN). Skupina CDU zarjadniskeho zwjazka Při Klóšterskej wodźe zahaji wčera w Chrósćicach rjad zarjadowanjow, na kotrychž chcedźa zhromadnje z wobydlerjemi gmejnow zwjazka rozmyslować, kak měł abo móhł přichod na serbskich wsach wupadać. Wčera wěnowachu­ so wažnej temje strowotniskeho zastaranja na wsy. K tomu witaše Chróšćanski wjesnjanosta Marko Kliman (CDU) před něhdźe dwaceći zajimcami jednaćela Hornjołužiskich klinikow tzwr Reinera E. Rogowskeho, zubneho lěkarja dr. Thomasa Hocha z Wóslinka a nawodu Chróšćanskeho Domu swj. Ludmile Wendelina Brězana.

Reiner E. Rogowski předstaji tuchwilnu a móžnu přichodnu situaciju strowotnistwa w Budyskim wokrjesu. Strowotniske zastaranje zawěsćić je žadanje časa, kotrež mamy hižo nětko přihotować. Demografija tež před strowotnistwom njezastanje. Politika ma wuměnjenja tworić, zo wostanje najebać ze­starjenje wobydlerstwa strowota tež na wsach dale wěsće zastarane kubło.

Apotekarjo starosće a ćeže naličili

Donnerstag, 12. Mai 2016 geschrieben von:

Na přeprošenje zapósłanca CDU w sakskim krajnym sejmje Alojsa Mikławška wobdźěli so sakska statna ministerka za socialne Barbara Klepsch (CDU) wčera­ na Kamjenskim nalětnim swjedźenju­ seniorow. Program sobu wuhotowała je dorostowa skupina Smjerdźečanskich rejwarjow.

W starowni karty placali

Dienstag, 10. Mai 2016 geschrieben von:
Wosebite dopołdnjo dožiwichu minjeny pjatk wobydlerjo Chróšćanskeho Domu swj. Ludmile. Hromadźe ze štyrjomi aktiwnymi hrajerjemi z blišeje wokoliny su předewšěm mužojo ze starownje zhromadnje škot, dwójnu hłójčku a šach hrali. Při tym so wopokaza, zo zamóža tež wobydlerjo starownje dobywać, štož je jich wězo wo­sebje zwjeseliło. Tónle poskitk chcedźa na kóždy pad wospjetować, dokelž je to wšitkich­ wobdźělnikow wulce wobohaćiło. Foto: Mónika Wenclowa

Měli dom bóle na wědomje brać

Mittwoch, 13. April 2016 geschrieben von:

Smochčanski Dom biskopa Bena Serbam­ bóle wuwědomjeć chce Pětr Brězan­. 32lětny Smječkečan je něhdźe poł lěta za zarjadnistwo domu zamołwity. K jeho­ nadawkam słušatej hotelerija­ a gastronomija (Hoga).

Mjeztym poł lěta nawjeduje Smječkečan zarjadnistwo Domu biskopa Bena w Smochćicach. Mjeztym je so wón do swojeho­ dźěła zanurił a sej přehlad stworił.

Z wječornikom w cirkusu byli

Dienstag, 15. März 2016 geschrieben von:

Malešecy (SK/SN). Skupina dźěći azylowych požadarjow z přebywanišća w Delnjej Hórce dožiwichu minjenu sobotu popołdnju w Malešecach předstajenje cirkusa William. Nastork k tomu běchu Serbske Nowiny dali, kotrež přewostajichu swojim čitarjam darmotne zastupne lisćiki.

Mjez dobyćerjemi akcije serbskeho wječornika bě tež Kozelec swójba ze Stróže w Malešanskej gmejnje. Zapósłanc Sakskeho krajneho sejma Hajko Kozel (Lěwica) a jeho staršej, kotřiž maja hižo dlěši čas zwiski k domej za požadarjow azyla, so rozsudźichu swoje zastupne kartki dale dać a nimo toho na swoje kóšty dalše dźěći mjenowaneho domu na cirkusowe předstajenje přeprosyć a jim rjane ­popołdnjo zmóžnić. Pjatnaće dźěći ze ­Syriskeje a Afghanistana a hosćićeljo so tuž w Malešecach zetkachu. Cirkusowe předstajenje so dźěćom jara spodobaše. Na kóncu smědźachu samo w maneži na kamelach a konjach jěchać. Někotre dźěći ćěkancow, ­kotřiž su w Malešanskej gmejnje nowu domiznu namakali, chodźa w Barće do zakładneje šule.

Rotary-club dari

Dienstag, 01. März 2016 geschrieben von:
Budyšin (SN/CoR). Tři domjace apoteki je Budyski Rotary-club wčera ćěkancam Budyskeho „Sprjewineho hotela“ přepodał. Připołožene je wopisanje medikamentow w dźesać rěčach. Dalše apotekowe boksy ma dom ćěkancow na Drježdźanskej kaž tež přijimarnja za njepřewo­dźane dźěći na Lubijskej dróze dóstać. Ze spěchowanjom zwjazuje Rotary-club nadźiju, „realne rany zawobaleć a zo so nam Budyšanam poradźi, tež emocionalne rany hojić“, kaž w nowinskej zdźělence piše. Nastupajo woheń w azylowym domje „su wšitcy Budyšenjo namołwjeni so na bok čłowjeskosće stupić, so hłupych parolow a njeskutkow pasć a njestać so stracha abo lěnjosće dla winowaći.“

Kamjenska tafla zaso na městnje

Freitag, 19. Februar 2016 geschrieben von:

Kamjenska tafla je zaso do swojeho stareho domicila zaćahnyła. Po tym zo bě woheń halu na Garnizonowym naměsće loni w januaru jara wobškodźił, dyrbjachu­ ju wobšěrnje saněrować.

Kamjenc (UM/SN). Nětko je hala znowa wužiwajomna a tafla zaso w njej zaměstnjena. Gabriele Tenne je dźakowna. „Zwólniwosć, nam po wohenju pomhać, bě jara wulka. Wšitcy su za jedyn postronk ćahnyli, sobu zapřimnyli a tež darili“, nawodnica wudawanišća a zastupowaca předsydka towarstwa Kamjenska tafla wujasnja. Při tym njebě po grawoćiwym wohenju scyła jasne, hač a kak dyrbi z wudawanjom zežiwidłow potrěbnym w Kamjencu dale hić. Tola hižo w februaru 2015 je mustwo wokoło Gabriele Tenne alternatiwu namakało a taflu přechodnje w njeposrědnjej bliskosći wobškodźeneje hale zaměstniło. A ludźo běchu za to jara dźakowni.

Dźěći z drastu zawjeselić

Donnerstag, 18. Februar 2016 geschrieben von:
Měnjenska bursa dźěćaceje drasty w Rěčicach je woblubowana. Tak móža starši, čejichž dźěći su z drasty wurostli, druhim holcam a hólcam wot ćěšenka hač k wulkosći 146 wulke wjeselo wobradźić a sej drastu mjez sobu tež měnjeć. Hižo dźesać lět wobsteji projekt „Schlupfwinkel“, kotrehož sydło je na Rěčičanskej Mužakowskej dróze 9. Wotewrjene je socialne zarjadnišćo, wo kotrež so mjez druhim Ramona Titze stara, kóždu wutoru wot 9 do 11 hodź. a pjatk wot 14 do 16 hodź. Foto: Joachim Rjela

Princojo a princesny w radnicy

Dienstag, 09. Februar 2016 geschrieben von:
Budyski wyši měšćanosta Alexander Ahrens (njestronjan) přija na dźensnišej póstniskej wutorje dopołdnja 20 dźěći ćěkancow. Předrasćeni jako princojo a princesny ćehnjechu holcy a hólcy do radnicy. Tam witaše jich Ahrens na póstnisku bjesadu z čerstwymi pampuchami, kiž dźěćom widźomnje zesłodźachu. Małych wopytowarjow radnicy přewodźachu čestnohamtscy pomocnicy, kotřiž ćěkancow w hospodźe na Flincowej wobstaruja. Foto: SN/Maćij Bulank

Młodostni projekty wuzwolili

Mittwoch, 03. Februar 2016 geschrieben von:

Drježdźany (SN/mwe). 80 šulerjow z cyłeje Sakskeje je tele dny rozsudźiło, kotre projekty budu lětsa z programa „genialsocial – twoje dźěło přećiwo chudobje“ spěchowane. Woni su so z wjacorych požadanjow za štyri globalne projekty wuprajili. Kóždy z nich podpěruje so ze spěchowanskej sumu hač do 80 000 eurow.

W lětušej akciji budu šulerjo pjenjezy na dobro tychle projektow nadźěłać. Holcy a hólcy wuzwolichu strowotniski projekt na juhu Madagaskara, z pomocu kotrehož tam samodruhe a žony po porodźe medicinsce zastaruja. Dale podpěruje program „genialsocial“ lětsa twarski projekt w Indiskej, hdźež dóstanje dźěćacy dom nowu kuchnju za warjenje, kubłanski projekt w Ugandźe z nowym centrumom a twar noweje šule z ratarskim profilom za 1. do 7. lětnik w Tansaniji.

Na akciskim dnju „genialsocial – twoje dźěło přećiwo chudobje“ je so loni wjace hač 30 000 sakskich šulerjow wobdźěliło. Woni nadźěłachu 590 000 eurow. Mjez nimi běchu dorosćacy z hornjołužiskich kubłanišćow, kaž z Wojerowskeho gymnazija Johanneum, z Kulowskeje wyšeje šule „Korla Awgust Kocor“ a z wjacorych gymnazijow w Budyšinje a Kamjencu.

Anzeige