W druhej połseriji prěnju poražku poćerpjeli

Montag, 25. März 2019
Artikel bewerten
(0 Stimmen)
 Chrystof Gloxyn, trenar Sokoła Ralbicy/Hórki  Foto: Jörg Stephan  Chrystof Gloxyn, trenar Sokoła Ralbicy/Hórki Foto: Jörg Stephan

Drohotka Ramnow

– Sokoł Ralbicy/Hórki 3:1 (1:0)

Zestawa hosći: Schöne – Hilbich (46. Schultz), Šewc, Bjeńš, Rawš, Matka, Korjeńk, Šołta, Wowčerk, G. Kurjat (65. Gloxyn), M. Kurjat (46. Bejmak)

Prěnje štyri hry druheje połserije njebě­chu koparjo Sokoła Ralbicy/Hórki přěhrali, njedźelu w Ramnowje pak ča­kaše na nich prěnja poražka. Duel třeći pře­ćiwo štwórtemu tabulki bě wot prěnjeje do poslednjeje mjeńšiny wurunana naležnosć, jeno zo domjacy swoje šansy lěpje­ wužiwachu. Skerje pak domino­­wachu dwuboje a małe foule. Při wot­zam­knjenju abo poslednjej přihrawce pobrachowaše na woběmaj stronomaj konsekwentnosć. Tak dopomha hosći­ćelej standard před Ralbičanskej šěsnatku k nawjedowanju. Nico Hilbich foulowaše swojeho přećiwnika, a rutinowany Patrick Herrmann zběhny kulowatu kožu wyše murje do wrotow Willija Schöny. Tón drje bě hišće z porstami při bulu, ale njezamó jón wotwobarać.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND