Přetwarjeja pěstowarnju

Mittwoch, 08. April 2015
Artikel bewerten
(0 Stimmen)

Zdźěr (HN/SN). W Zdźěri přetwarjeja tuchwilu na kromje wsy pěstowarnju. W 1960tych lětach nastaty objekt hižo dźensnišim twarskim předpisam a normam njewotpowěduje, tak zo je stro­wotniski zarjad Budyskeho wokrjesa jenož hišće jeho wobmjezowane wuži­wanje dowolił. Předewzaće, kotrež płaći 300 000 eurow, Swobodny stat Sakska spěchuje. Dźesać procentow z toho płaći jako nošer přebywanišća towarstwo Zdźěrjanska pěstowarnja. Loni w awgusće su z přetwarom započeli, lětsa chcedźa ponowjeny dom přepodać. Pěstowarnja je přechodnje w něhdyšim krajnym ambu­latoriju we Wulkej Dubrawje zaměstnjena.

Wotkrywanski dźeń

Budyšin (SN). Wobchadny zwjazk Hornje Łobjo (VVO) zarjaduje pjatk, 10. apryla, štwórty raz „wotkrywanski dźeń“. Z dnjowej kartu za šěsć eurow móža so dorosćeni z dwěmaj dźěsćomaj na puć podać. Tak přeproša sakske łódźnistwo na dźěćace akcije na parniku „Drježdźany“. VVO poskića tón dźeń tež wulět z wosebitymi wobchadnymi srědkami. Wšitcy hosćo, kotřiž su z dnjowej kartu po puću, změja za wuskokolijowu železnicu potuńšenu płaćiznu.

Poskićeja njedźelne čitanja

Veröffentlicht in Z městow a wsow
Mehr in dieser Kategorie: « Nowa fotowa wustajeńca
Bitte anmelden, um einen Kommentar zu posten

Anzeige

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.