Swětło a sćin za Budysku FSG

Mittwoch, 21. Dezember 2016 geschrieben von:

Mixvolleyballisća Budyskeje FSG startowachu 27. mišterstwa na hobbyjowej runinje z třomi dobyćemi a jednej poražku. Aktualnje steja woni mjez wosom cyłkami na druhim městnje.

Spočatk nowembra zahaji so mjeztym 27. sezona w mixvolleyballu w Budyskim wokrjesu. Zwjeselace je, zo zapřimnychu do boja při wysokim saku nowačkaj a po přestawce tež zaso hrajerki a hrajerjo z Biskopic.

Wuslědki (21.12.16)

Mittwoch, 21. Dezember 2016 geschrieben von:

Wokrjesna wyša koparska liga

LSV Hory – Póst Budyšin0:2 (0:1)

1. ST Ćisk  14 51  :  7 40

2. Rakečanske ST 15 43  :  23 31

3. SC Großröhrsdorf 15 20  :  12 25

4. Póst German. Budyšin 15 26  :  24 25

5. Sokoł Ralbicy/Hórki 15 37  :  23 24

6. Módro-běli Kulow 15 32  :  28 22

7. ST Kinspork/Łužnica 15 28  :  23 21

8. ST Hnašecy-Dobruša 14 27  :  28 20

9. Motor Kumwałd 15 24  :  32 20

10. LSV Hory  15 37  :  27 18

11. Wojerowski FC 15 27  :  34 16

12. Drohotka Ramnow 15 25  :  34 16

13. FV Ottendorf-Okrilla 15 24  :  40 16

14. Zeleno-běli Bukecy 15 24  :  47 14

15. TSV Połčnica  15 22  :  36 11

16. ST Wjelećin 15 25  :  54 9

Volleyballisća Serbskeho gymnazija Budyšin­ (SGB) steja w cyłkownym wo­krjesnym hódnoćenju šulow z pjeć prěnimi, dwěmaj druhimaj a jednym třećim městnom znowa na čole.

Stajnje wulkej hołk a tołk knježeštej w minjenymaj měsacomaj pjatk popoł­dnju na volleyballnišćach sportoweje hale Serbskeho šulskeho a zetkawanskeho centruma Budyšin. Šulerjo wjacorych lětnikow přihotowachu so na wokrjesne kónčne koła w bulosportowej družinje, kotrež wotměwaja so pod hesłom „Młodźina trenuje za olympiju“. Wukónc wurisanjow bě z wida SGB znowa zwjeselacy, wšako docpě samsny wurjadny wuslědk kaž minjene šulske lěto.

Ze štyrjomi hólčimi a ze samsnej ličbu holčich zastupnistwow startowaše Bu­dyski Serbski gymnazij w štyrjoch starobnych klasach a wobsadźi pjeć prě­nich, dwě druhej a jedne třeće městno.

Ani hodźinu njetrjebali a dobyli

Dienstag, 20. Dezember 2016 geschrieben von:

VV Žitawa 09 II

– ST Marijina hwězda 0:3

(12:25, 17:25, 18:25)

Před horstku přihladowarjow su sej Pančičansko-Kukowske volleyballistki, Marijine hwězdźički, w Žitawje w jeno 56 mjeńšinach rjany adwentny dar wobradźili. W poslednjej hrě lěta su tam z koncentrowanym wukonom z 3:0 jasnje dobyli. Dominantne­ a chětro sebjewědome postupowanje hwězdźičkow je Žitawskim žonam zadźěwało so prawje do hry namakać.

Trenar Ralf Wachsmann bě ze swojimi chowančemi spokojom a so hižo na dalše hry z nimi wjeseli. Wón pak je jim jenož­ hišće wosom króć poboku, potom budźe kónc. Wachsmann bě so rozsudźił po sezonje­ 2016/2017 jako trenar přestać. Zrudna to powěsć za wšěch, a zdobom wužadanje za hwězdźički, nětko nowe­ho nazwučowarja/nowu nazwučowarku namakać­.

VV Žitawa 09 II – TSV Kundraćicy 0:3 (20:25, 23:25, 23:25)

Tež druha hra dnja bě poměrnje spěšnje nimo. Duel pak měješe wjace na­pjatosće w sebi, dokelž běchu sadźbowe wuslědki wo wjele snadniše. W druhej a třećej sadźbje mějachu holcy ze Žitawy samo móžnosć, partiju za sebje rozsudźić. Ale tomu tak njebě. Poslednja škrička nochcyše přeskočić.

WFV přewjeduje mišterstwa w hali

Dienstag, 20. Dezember 2016 geschrieben von:
Na halowych wokrjesnych mišterstwach Zapadołužiskeho koparskeho zwjazka (WFV) wobdźěleja so tež wjacore cyłki ze serbskimi hrajerjemi. Na wobrazu widźimy Niklasa Šnajdera (při bulu), koparja ST Radworja. Wón je sej z tamnišej młodźinu D w předkole w Załomju druhe městno wubědźił a so z njej za mjezykoło spočatk přichodneho lěta we Wojerecach kwalifikował. Foto: Jörg Stephan

Wo kóždy bul wojowali

Montag, 19. Dezember 2016 geschrieben von:

Volleyballowi přećeljo wědźa, što to rěka, hdyž słyšimy w sportowych halach „sixpack“ abo „pjeć ’šće“. To su domjacy jenož hišće někotre dypki wot dobyća sadźby zdaleni. Znajerjo na polu sporta pod wysokim sakom pak tež wědźa, zo budźe za wobwodneho ligista z Worklec w krajnym pokalnym kole lědma móžno sadźbu dobyć. W tak mjenowanym cupje lutowarnje witaše Viktoria Worklecy sobotu teamaj ze sakskeje ligi w Ralbičanskej sportowni dwě mustwje, kotrejž hrajetej hewak dwě klasy wyše! Přiwisnicy nadźijachu so přiwšěm na wobhladanjahódny volleyball.

Viktoria Worklecy – GSVE Delitzsch II 0:3 (11:25, 12:25, 12:25)

Skupiny za SZ-cup a Landskron-cup

Montag, 19. Dezember 2016 geschrieben von:

Sportowe towarstwo Budissa Budyšin je zhromadnje ze zamołwitymi nowiny Sächsische Zeitung a piwarnje Lands­kron skupiny za koparskej turněraj SZ-cup a Landskron-cup wulosowało. A tele zestawy skupin su nastali.

SZ-cup

27. decembra/17 hodź. sportowa hala na Budyskim Třělnišću

Skupina A     

FSV Budissa Budyšin II

SZ Wjelećin 

Póst Germania Budyšin

Zeleno-běli Bukecy

Skupina B

SZ Horni kraj Sprjewja  

Motor Kumwałd 

SZ Budyšin 

SZ Hnašecy-Dobruša 

Landskron-cup

6. januara 2017/ 18 hodź. sportowa hala na Budyskim Třělnišću

Skupina A     

FSV Budissa Budyšin

BSG Wocl Riesa

Biskopičanske KT 08

Skupina B

FC Hornja Łužica Neugersdorf 

Jednota Kamjenc 

dobyćer SZ-turněra Kilian Hrjehor

Widźał,słyšał, napisał (19.12.16)

Montag, 19. Dezember 2016 geschrieben von:

Awtor dźensa

Toni Ryćer

Turněr Sokoła

Montag, 19. Dezember 2016 geschrieben von:
Interny halowy koparski turněr přewjedźe Sokoł Ralbicy/Hórki wutoru, 27. decembra, wot 17 hodź. w Ralbičanskej ćěłozwučowarni. Mustwa zetkaja so hižo w 16.30 hodź. SN

Chcedźa za štyri lěta zhromadnu europeadu

Montag, 19. Dezember 2016 geschrieben von:

Narodnej mjeńšinje Danow w Němskej (Sydslesvigs danske Ungdomsforeninger SdU) a Němcow w Danskej (Bund Deutscher Nordschleswiger BDN) chcetej so zhromadnje za europeadu 2020 požadać. W tym lěće swjeći danska mjeńšina stote narodniny, kaž piše dźenik Flensborg Avis. Tež Sintow a Romow a Sewjernych Frizow chcedźa woni sobu do europeada-čołma wzać a so jako sylna štyrka před wuběrkom FUEN prezentować, kotryž w meji 2017 w rumunskim Cluju rozsudźi, štó 4. europske koparske mišterstwa narodnych mjeńšin wuhotuje.

Serbska debata

Neuheiten LND