Wuslědki (05.12.16)
Wokrjesna koparska wyša liga
Ćisk – Kulow5:0 (1:0)
Bukecy – Großröhrsdorf 2:2 (1:1)
Hnašecy-Dobruša – Kumwałd 1:1 (0:1)
Rakecy – Ralbicy/Hórki 4:1 (4:1)
Ramnow – Wojerecy3:2 (2:2)
Ottendorf-Okrilla – Połčnica 4:3 (3:1)
Kinspork/Łužnica – Wjelećin 0:2 (0:1)
1. ST Ćisk 13 50 : 6 39
2. Rakečanske ST 14 39 : 22 28
3. SC Großröhrsdorf 14 19 : 11 24
4. Sokoł Ralbicy/Hórki 14 35 : 21 23
5. Póst Germania Budyšin 13 24 : 24 21
6. ST Kinspork/Łužnica 14 28 : 23 20
7. Motor Kumwałd 14 24 : 28 20
8. Módro-běli Kulow 14 26 : 26 19
9. ST Hnašecy-Dobruša 13 25 : 26 19
10. Wojerowski FC 14 26 : 30 16
11. Drohotka Ramnow 14 23 : 28 16
12. LSV Hory 13 33 : 25 15
13. FV Ottendorf-Okrilla 14 21 : 37 15
14. TSV Połčnica 14 22 : 35 11
15. Zeleno-běli Bukecy 14 23 : 47 11
16. ST Wjelećin 14 22 : 51 8
krajna liga
Eilenburg – Kamjenica 4:0 (1:0)
Hohen.-Ernstthal – Wocl Riesa 3:1 (2:0)
Grimma – Glauchau3:2 (0:0)
Zwenkau II – Niska0:3 (0:0)
Lößnitz – Reichenbach 1:1 (1:1)
Freiberg – Taucha2:1 (1:0)
1. FC Eilenburg 14 39 : 10 36
2. Jednota Kamjenc 14 34 : 13 32
3. FC Grimma 13 27 : 14 30
4. Wocl Riesa 14 30 : 25 25
5. Hohenstein-Ernstthal 14 33 : 21 23
6. VfL Pirna-Copitz 13 25 : 18 23
7. Rapid Kamjenica 14 26 : 26 18
8. Niska 13 18 : 17 16
9. Glauchau 14 25 : 30 14
10. Markkleeberg 12 21 : 27 14
11. FC Reichenbach 14 13 : 21 13
12. FC Lößnitz 14 12 : 25 13
13. SG Taucha 14 16 : 33 9
14. Freiberg 14 22 : 44 9
15. Zwenkau II 13 14 : 31 6
16. Žołto-běli Zhorjelc 0 0 : 0 0
Sport (02.12.16)
Šlagrowy koparski duel žonow
Žonjace mustwo krajneho koparskeho ligista, Biskopičanskeho KT, hraje njedźelu wot 14 hodź. doma na kumštnym trawniku přećiwo holcam RB Lipska. Druhi tabulki, pola kotrehož hraja tež někotre žony Serbskeje koparskeje wubranki, wočakuje prěnjeho. Wobaj cyłkaj stej hišće bjez poražki.
Volleyballowy turněr
Póndźelu, 5. decembra, wuhotuje wólnočasny volleyballowy cyłk SJ Chrósćicy Mikławšowy volleyballowy turněr za mustwa, kotrež hraja na ludosportowym niwowje. Přeprosył je sej pjeć cyłkow z Budyšina, Kulowa, Radworja, Worklec a měšany cyłk abiturneho lětnika 1996. Prěnja hra započnje so w 19.15 hodź.
Dalekubłanje sudnikow
Zapadołužiski koparski zwjazk poskići wukubłanym koparskim sudnikam dźensa wot 19 hodź. w Frankenthalu dalše, mjeztym třeće zarjadowanje, kotrež sudnicy za spjelnjenje respektiwnje podlěšenje licency trjebaja.
Showprogram ćěłozwučowarkow
Njedźelu, 4. decembra, pokazaja ćěłozwučowarki Jednoty Kamjenc w sportowej hali při lětanišću hodowny showprogram, kotryž započnje so w 15 hodź. a ma něhdźe dwě hodźinje trać.
Hórka poražka pola nowačka
Tydźenja podachu so volleybalisća ST Marijineje hwězdy do Chróstawy. Tam čakaše nowačk wokrjesneje klasy na nich a na Budyskich Sokołow. To bě potajkim prěnje zetkanje z ST Chróstawu, ale zdobom tež serbski derby mjez Pančičanami a Sokołami.
ST Chróstawa – Sokoł Budyšin 2:1 (25:21, 23:25, 15:6)
Nowačk wokrjesneje klasy bě jara motiwowany, jako započa z prěnjej hru dnja. Sokoljo pak nochcychu so podać a móžachu po zastatku 4:11 hišće na 13:14 skrótšić. Wothladajo wot toho pak mějachu problemy při nadběhu a nadaćach, tak zo hosćićel prěnju sadźbu doby. W druhej so Budyšanscy hrajerjo hišće bóle napinachu, móžachu z młodym mustwom sobudźeržeć a na kóncu dźakowano někotrym zmylkam hosćićela sadźbu samo dobychu. W tiebreaku pak njedachu so Chróstawčenjo zamylić. Sylne nadběhi a nadaća njemóžachu Sokoljo wotwobarać a podležachu 6:15.
Sokoł Budyšin – ST Marijina hwězda 0:2 (16:25, 18:25)
Wuslědki (01.12.16)
Wokrjesna wyša koparska liga
1. ST Ćisk 12 45 : 6 36
2. Rakečanske ST 13 35 : 21 25
3. Sokoł Ralbicy/Hórki 13 34 : 17 23
4. SC Großröhrsdorf 13 17 : 9 23
5. Póst Germ. Budyšin 13 24 : 24 21
6. ST Kinspork/Łužnica 13 28 : 21 20
7. Módro-běli Kulow 13 26 : 21 19
8. Motor Kumwałd 13 23 : 27 19
9. ST Hnašecy-Dobruša 12 24 : 25 18
10. Wojerowski FC 13 24 : 27 16
11. LSV Hory 13 33 : 25 15
12. Drohotka Ramnow 13 20 : 26 13
13. FV Ottendorf-Okrilla 13 17 : 34 12
14. TSV Połčnica 13 19 : 31 11
15. Zeleno-běli Bukecy 13 21 : 45 10
16. ST Wjelećin 13 20 : 51 5
Z dypkom móža spokojom być
Ochranowske volleyfantki
– ST Marijina hwězda 3:2
(20:25, 25:19, 18:25, 25:16, 15:7)
Tydźeń po domjacymaj dobyćomaj podachu so Marijine hwězdźički do Ochranowa. Adwentne hwězdy wšak sej tam kupić nochcychu, ale běchu hósć Ochranowskich volleyfantkow, znateho přećiwnika z wobwodneje klasy. Z trochu zesłabjenym mustwom dyrbješe trenar Ralf Wachsmann tónraz wuńć. Wšako pobrachowaštej sylna hrajerka Susi Glücklichowa a přistajerka Caroline Todt. Bě to napjata a wurunana hra. Hwězdźički nowu zestawu mustwa derje kompensowachu. Přistajerka Jana Kralowa hraješe za Susi Glücklichowu. Marijine hwězdźički móža tuž z wuslědkom 2:3 a dypkom spokojom być.
Dołhu přestawku Pančičanki nětko nimaja, dokelž pojědu přichodnu sobotu do Žitawy. Wšojedne, kak tam hra wuńdźe. Hižo nětko so wšitke aktiwne a pasiwne hrajerki prěnjeho mustwa kaž tež trenar, na zhromadny adwentny wječor w Budyskim „Wjelbiku“ wjesela.
Wobwodna volleyballowa liga wuchodneje Sakskeje – žony
1. ST Chróstawa 7 21:22 0
2. Ochranowske volleyfantki 6 15:7 14
3. JTVG Fitnes Koblicy 7 16:10 14
4. MSV Budyšin 04 7 14:9 13
5. TSV Kundraćicy 7 13:14 9
6. ST Marijina hwězda 7 13:17 8
7. ST Kupoj-Nowa Łuka 6 8:14 6
Napjata pokalna partija
Traktor Malešecy
– Rakečanske ST 6:7 (2:2, 1:1, 1:0)
po třělenju jědnatkow
Zestawa domjacych: Riedesel – Meier, Swakon, Ludwig, Hasse, Reck, Zichel, Koksch (117. Wunsch), Unger, Benad (115. Finke), Hoferichter (76. Seiler)
We wokrjesnej wyšej lize hrajace koparske mustwo z Rakec bě so k pokalnej hrě w Malešecach předstajiło a z wulkim zbožom dalše pokalne koło docpěło. Před nimale sto přihladowarjemi hósć wot spočatka hru a spěšnosć postajowaše. Dobru móžnosć k wrotam pak Bjarnat Korch njewužiwa. Lěpje sčinichu to Malešenjo. Marco Benad předrě so w srjedźnym polu a wothra na Jana Hoferichtera, kiž bul bjez prócy k połčasnemu 1:0 (30.) do wrotow třěli.
Wuslědki (30.11.16)
Wokrjesne koparske pokalne koło
Hermsdorf – Kulow4:6 (1:3)
Großröhrsdorf II – Arnsdorf 3:1 (0:0)
Großnaundorf – Ottend.-Okrilla 4:2 (1:2)
Hnašecy-Dobruša II
– Steinigtwolmsdorf 20:0 (10:0)
Budyšin II – Załom1:5 (0:2)
Wehrsdorf – Ramnow 1:4 (0:1)
Bukecy II – Łaz/Běły Chołmc 0:4 (0:2)
Malešecy – Rakecy6:7 (1:0)
Wětnica/Hola – Wojerecy 0:3 (0:2)
Łaz/Běły Chołmc II – Liegau-Aug. 1:4 (1:1)
Wachau II – Lomnitz/Großna. II 5:0 (1:0)
Hory II– Wjazońca 1:2 (0:1)
Drjewnica – Sepicy0:3 (0:1)
Germania Budyšin – Ćisk 0:4 (0:1)
Tradicionelne běhi při Brusniku
Wšitcy serbscy wobdźělnicy na prědnich městnach
Při poslednim lětušim běhu, kiž hódnoćeše so hišće za rjadnu lisćinu Drježdźanskeho wobwoda, za lětušej rjadnej lisćinje Delnjołužiski cup a za Pokal wjercha Pücklera, je so w Běłej Wodźe na mjeztym hižo 24. tradicionalnym běhu při Brusniku (Braunsteichlauf) na pjeć distancach 0,8 km, 2 km, 4,5 km, 9 km a 13,5 km dohromady 317 wobdźělnikow wubědźowało. Najmłódši starter bě štyri lěta, najstarši 97 lět. Młodostni a dorosćeni startowachu w swojim wotpowědnym běhu na idyliskej 4,5 kilometrow dołhej kołočarje tohole jězora, mjez kotrymiž bě tež lětsa zaso horstka Serbow.
Na 13,5 km rěkaštaj cyłkownaj dobyćerjej Daniel Seibt (Drježdźany/51:41 min) a Franziska Kranich (Niska/58:30 min). Cyłkowne 2. městno a dobyće w swojej starobnej skupinje (sk) 45-49 wubědźi sej Silvio Schade z Budyšina (54:14 min). W sk 50-54 lět zmištrowa Handrij Bejmak ze Starych Ratarjec tři koła w spěšnych 1:00:16 h, štož rěkaše 3. městno na podesće.
Dwójce hrali, dwójce dobyli
Na druhim domjacym hrajnym dnju witachu Marijine hwězdźički volleyballistki z Budyšina a Kupoje-Noweje Łuki w Pančičansko-Kukowskej sportowni. Wězo chcychu wobě hrě dobyć.
ST Marijina hwězda
– MSV Budyšin 04 3:0
(25:21, 25:19, 26:24)
Prěnju partiju žony wokoło kapitanki Christin Opicec suwerenje dobychu. Wone startowachu koncentrowane a pokazachu sylny mustwowy wukon. Wariabelnje nadběhujo a ze stabilnymi přiwzaćemi móžachu na wukony minjenjeje sezony nawjazać. Hrajerki MSV Budyšina 04 njejsu tón dźeń prawje do hry namakali a předskok přeco zaso z rukow dali. Njeběchu tež dosć sebjewědome.
ST Marijina hwězda
– ST Kupoj-Nowa Łuka 3:2
(13:25, 25:17, 18:25, 25:10, 15:5)
Łužičenjo doma po słabej hrě tola dobyli
FC Energija Choćebuz
– FSV Luckenwalde 2:1 (1:1)
Zestawa domjacych: Spahic – Svab, Matuwila, Stein, Baude, Kruse (46.Gehrmann), Viteritti, Putze, Ziegenbein (69.Mamba), Weidlich, Förster (93. Schlüter)
Koparjam FC Energije Choćebuz, kotřiž honja načolnika tabulki, mustwo Carl Zeiss Jena, pobrachowaše w partiji přećiwo cyłkej FSV Luckenwalde prawa suwerenita. Jim drje poradźi so přez Marcela Baude w 34. min. nawjedowanje, to pak bě před 4 500 přihladowarjemi hižo wšitko, štož domjacy w prěnim połčasu pokazachu. Krónowanje běše do přestawki jich amaterske zadźerženje škita při róžku přećiwnika. Jonas Schmidt steješe dospołnje swobodny a zhłójčkowa bul k 1:1 do wrotow.
Po změnje stron nadźijachu so přiwisnicy FC Energije na koncentrowane hosćićelske mustwo. Tele přeće pak so jim njespjelni. Hižo dołho njeběchu fanojo tajki słaby wukon čerwjeno-běłych widźeli. Hakle jako bě so přidatny hrajny čas započał, třěli Streli Mamba bul tola hišće k 2:1 (90.+1) do wrotow hosći. Tři dypki a wulke zbožo to za Choćebužanow po tak słabej hrě. Georg Zielonkowski
