Porěča wo zastaranju chorych

Dienstag, 12. Dezember 2023 geschrieben von:
Budyšin. „Zastaranje chorych a starych we wjesnych kónčinach“ je tema přichodneho zarjadowanja w rjedźe „Kofej w třoch“ jutře, srjedu, w 15 hodź. w Budyskim Serbskim muzeju. W přednošku so wobswětli, kak je so wobchad ze starymi a chorymi přeměnił a kak je so strowotnistwo w běhu časa wuwiło. W 16 hodź. přizamknje so přednošk Jensa ­Passlacka z centrale pře­trjebowarjow wo aktualnym stawje zastaranju chorych a wo škiće strowoty dźensa. W 17 hodź. přednošk wo zastaranju chorych a starych w němskej rěči wospjetuja.

Seniorojo škotuja

Montag, 11. Dezember 2023 geschrieben von:

Budyšin. Lětuši posledni škotowy turněr serbskich seniorow wotměje so jutře, wutoru, w rezidency seniorow na Budyskej Tschirnerowej 10. Započatk budźe w 14 hodź. Nimo dobyćerjow dnja počesća šěsć najlěpšich škotowarjow lěta z pokalemi a wěcnymi mytami. Kaž hłowny organizator Měrćin Nowak zdźěli, wobkedźbuja při tym wosom wuslědkow wobdźělenych w běhu lěta.

Radźićeljo wuradźuja

Radwor. Zjawne posedźenje Radworskeje gmejnskeje rady wotměje so srjedu, 13. decembra, we 18.30 hodź. w towarstwowym domje wjesneho kluba Lutobč-Měrkow na Parkowej dróze 3 w Lutobču. Mjez druhim wobkruća radźićeljo zamołwiteho za serbske prašenja Radworskeje gmejny. Nimo toho zaběraja so ze zhromadnym ćopłotnym planowanjom gmejnow Radwor, Wulka Dubrawa a Malešecy.

Za dźěłarničku so přizjewić

W hospodźe wo pčołkach

Freitag, 08. Dezember 2023 geschrieben von:

Chrósćicy. We wobłuku 12. kulturneje zymy w Chróšćanskej putniskej hospodźe steja tam jutře, sobotu, pčołki w srjedźišću. W 19.45 hodź. porěči Günter Sodan z Dobrošec pola Malešec na temu „Pčołka a Boža stwórba – z wida serbskeho pčołarja a fararja Hadama Bohuchwała Šěracha“. Zarjadowanje budźe w němskej rěči. Samsny dźeń hižo w 16 hodź, su dźěći přeprošene na serbske dźěćace kino. Hač do klětušeho februara poskićuje Monika Gerdesowa w swojej hospodźe wšelake zarjadowanja za dźěći a dorosćenych w serbskej a němskej rěči.

Zetkaja so w sakskej stolicy

Drježdźany. Přichodne serbske blido w Drježdźanach wotměje so srjedu, 13. ­decembra, we 18 hodź. w korčmje Am Thor na Hłownej dróze 35. Je to blisko cyrkwje Třoch kralow a Albertoweho ­naměsta. Na Hłownej dróze su tež po­wabliwe dohodowne Awgustusowe wiki. Kaž ­organizator Benedikt Dyrlich zdźěli, chcedźa wotputane serbske bjesady w sakskej stolicy dale wjesć, byrnjež jenož mała horstka byli. Při tym móhli sej tež hłójčku łamać, kak móhli pomhać tomu zadźěwać, zo towarstwo Stup dale cyle wusnje.

Přewjedu zaso kurs

Přednošuje wo J. Leisentriće

Donnerstag, 07. Dezember 2023 geschrieben von:

Budyšin. Superintendent na wuměnku Jan Malink přednošuje jutře, pjatk, w 19.30 hodź. w Budyskej Röhrscheidtowej bašće Serbskeho ludoweho ansambla wo Janje Leisentriće (1527–1586). Wšitcy zajimcy su wutrobnje přeprošeni.

Pittkunings koncertuje

Zły Komorow. „Nic jenož folklora“ je ­hesło adwentneho koncerta Bernda ­Pittkuningsa, kotryž dožiwja zajimcy jutře, pjatk, w 16 hodź. w Złokomorowskej radnicy. W swojim repertoiru změje serbski spěwytwórc nimo swojeje hudźby zabawne informacije ze stawiznow a přitomnosće Serbow. K witanju porěči měšćanosta Andreas Pfeiffer.

Literarno-hudźbny wječor

Budyšin. Na literarno-hudźbny wječor přeprošuje Jürgen Maćij zhromadnje ze Serbskim muzejom pjatk, 8. decembra. We 18 hodź. powjedźe kurator Alexander Pólk po wustajeńcy „Jürgen Matschie. Ducy domoj. Unterwegs nach Hause. Fotografije 1972–2022“ w serbskej rěči. Přizamknje so w 19 hodź. literarno-hudźbny wječor na žurli. Měrana Cušcyna, Měrka Mětowa a Róža Domašcyna čitaja teksty z knihow Jürgena Maćija. Hudźbnje wobrubi program Jakub Čornak alias Jacke Schwarz.

TDDK wopytać

Literarno-hudźbny wječor

Mittwoch, 06. Dezember 2023 geschrieben von:

Budyšin. Na literarno-hudźbny wječor přeprošuje Jürgen Maćij zhromadnje ze Serbskim muzejom pjatk, 8. decembra. We 18 hodź. powjedźe kurator Alexander Pólk po wustajeńcy „Jürgen Matschie. Ducy domoj. Unterwegs nach Hause. Fotografije 1972–2022“ w serbskej rěči. Přizamknje so w 19 hodź. literarno-hudźbny wječor na žurli. Měrana Cušcyna, Měrka Mětowa a Róža Domašcyna čitaja teksty z knihow Jürgena Maćija. Hudźbnje wobrubi program Milan Grojlich alias Rokotak. Zarjadowanje je w serbskej rěči. Nadrobniše informacije dóstanu zajimcy pod telefonowym čisłom 03591 2708700 abo e-mailnje pod .

„Serbska biblioteka“ rozšěrjena

Budyšin. Ludowe nakładnistwo Domowina přeproša štwórtk, 7. decembra, na přichodnu knižnu premjeru. W 19 hodź. chce wudawaćelka Marka Maćijowa w Smolerjec kniharni najnowši zwjazk rjadu „Die sorbische Bibliothek“ předstajić. Nowostka rěka „Wie ein Mittelpunkt entsteht“ a wopřijima prozu dohromady 14 awtorkow a awtorow, nastatu po lěće 1990. Mjez přinoškami su tež dotal w němčinje njewozjewjene teksty Jurja Brězana, Bena Budarja a Měrki Mětoweje.

Přezpólni z orchestrom

Dienstag, 05. Dezember 2023 geschrieben von:
Drježdźany. Spěwna skupina Přezpólni wustupi pjatk, 8. decembra, w 19 hodź. w Drježdźanskej Cyrkwi třoch kralow. Wona koncertuja tam hromadźe z dorostowym orchestrom konserwatorija Heinricha Schütza. Spěwarjo kaž tež organizatorojo ze stron konserwatorija bychu so wjeselili, jeli by mjez přihladowarjemi tež wjele Serbow było.

„Serbska biblioteka“ rozšěrjena

Montag, 04. Dezember 2023 geschrieben von:
Budyšin. Ludowe nakładnistwo Domowina přeproša štwórtk, 7. decembra, na přichodnu knižnu premjeru. W 19 hodź. chce wudawaćelka Marka Maćijowa w Smolerjec kniharni najnowši zwjazk rjadu „Die sorbische Bibliothek“ předstajić. Nowostka rěka „Wie ein Mittelpunkt entsteht“ a wopřijima prozu dohromady 14 awtorkow a awtorow, nastatu po lěće 1990. Mjez přinoškami su tež dotal w němčinje njewozjewjene teksty Jurja Brězana, Bena Budarja a Měrki Mětoweje.

SKI poskićuje dźěłarnički

Freitag, 01. Dezember 2023 geschrieben von:

Budyšin. Serbska kulturna informacija je na adwentnych sobotach přidatnje wot 10 do 15 hodź. wočinjena a skići kóždu sobotu móžnosć, sej rjane hodowne dariki zhotowić. Tak přewjedu jutře dźěłarničku zhotowjenja debjenkow ze Sofiju Hejduškec. 9. decembra slěduje dźěłarnička paslenja słomjanych hwězdow z Mariju Šefrichowej a 16. decembra budu zajimcy z Annelie Rjelkec hodowne kule debić móc.

Přeprošuja na adwentne wiki

Njebjelčicy. Po adwentnym nyšporje njedźelu w 14 hodź. přeprošuja Njebjelčanske domizniske a kulturne towarstwo, młodźinske towarstwo a młodźinska wohnjowa wobora na małe wiki na parkowanišćo při „Bjesadźe“. Wopytowarjo smědźa so na tradicionelny adwentny kofej ze samopječenym tykancom wjeselić. W 15.30 hodź. předstaja pěstowarske dźěći swój program. Tež rumpodich je swój wopyt připowědźił.

Młynk nakraje wosušk

Čorny Chołmc. Adwentne wiki přewjedu njedźelu na Čornochołmčanskej nawsy. W 14 hodź. chce Dieter Klimek jako Čorny młynk wulki wosušk nakrać. Po programje pěstowarskich dźěći předstaja w 15.15 hodź. bajku wo złotej husycy

Kühn dobył a dale nawjeduje

Donnerstag, 30. November 2023 geschrieben von:

Kozarcy. Škotowarka a 26 škotowarjow je so wutoru na lětušim předposlednim turněrje serbskich seniorow w Kozarcach wobdźěliło. Dobył je Wolfgang Kühn z 2 725 dypkami před Pětrom Młynkom (2 595) a Pětrom Čornakom (2 475). Cyłkownje nawjeduje dale Wolfgang Kühn před Eberhardom Kroschkom a Herbertom Krječmarjom. Posledni lětuši turněr wotměje so 12. decembra w Budyskej residency seniorow.

Wšědnje woknješko wočinić

Budyšin. Čitarjam Serbskich Nowin a wosebje wšitkim dźěćom poskića redakcija wot jutřišeho wšědnje na 4. stronje dźenika adwentne woknješko. Z pomocu šmóratka móža zajimcy pohladać, što ­so za QR-kodom chowa. Přejemy při tym wjele wjesela! Srjedu, 6. decembra, a pjatk, 22. decembra, kiwa dźěćom po wuspěšnym wuhódanju hódančka mała překwapjenka!

Radźićeljo wuradźuja

Mittwoch, 29. November 2023 geschrieben von:

Worklecy. Twarski plan za „Přemysłowy park při jězoru“ budźe jedna z temow přichodneho posedźenja Worklečanskeje gmejnskeje rady jutře, štwórtk, we 18 hodź. we Worklečanskej šuli. Dale přepodadźa radźićeljo prěnje nadawki za twar pawiljona na Worklečanskej kupje. Nimo toho zaběraja so z próstwu wo twar noweje hale při produkciskim twarjenju w Smječkecach.

Njebjelčicy. Tohorunja jutře, ale we 18.30 hodź. zetka so Njebjelčanska gmejnska rada k wuradźowanju w posedźenskej rumnosći w Njebjelčicach. Jedna z temow budźe saněrowanje a wutwar bywšeje předawarnje w Miłoćicach na wjesne zetkawanišćo. Nimo toho póńdźe wo zasadny rozsud gmejny k fotowoltaikowej připrawje. Na wobě posedźeni su zajimcy wutrobnje witani.

Moler a kowar wustaja

Serbska debata

Neuheiten LND