Policija (15.08.18)

Mittwoch, 15. August 2018 geschrieben von:

Po kolijach do města chcył

Kubšicy. Štož njeje druhdźe na swěće žadyn problem, w Němskej dawno hišće dowolene njeje. To drje njewědźeše Indičan, kiž zawčerawšim po železniskich ­kolijach z Kubšic do směra na Budyšin nóžkowaše. Muža lepichu zastojnicy zwjazkoweje policije blisko železniskeho přechoda w Rabocach. 26lětneho dyr­bjachu powučić, zo njejsu železniske kolije pućowanska šćežka. Na zbožo so młodemu mužej ničo stało njeje, při­wšěm dyrbjachu policisća přizjewjenje wupisać. Zo njeby Indičan znowa na ideju přišoł so po kolijach do směra na Budyšin orientować, su jeho zastojnicy po zwjazkowej dróze B 6 hač na kromu Budyšina dowjezli.

Chórowa hudźba zaklinči

Mittwoch, 15. August 2018 geschrieben von:

Ochranow. Ze swojim najnowšim rjadom koncertow „Mišterske twórby chóroweje hudźby“ budźe Serbski ludowy ansambl zajutřišim, pjatk, w Ochranowje a přichodnu njedźelu w Lutorjecach (Leutersdorf) z hosćom. Pod nawodom chóroweho direktora Andreasa Pabsta jewja so w koncertomaj kruchi serbskich, němskich a mjezynarodnych komponistow baroka, romantiki kaž tež moderny. Koncert w Ochranowskej cyrkwi započnje so pjatk w 19 hodź., tón w Lutorječanskej katolskej cyrkwi njedźelu w 16 hodź.

Předstaja alternatiwnu šulu

Běła Woda. Spočatk šulskeho lěta 2019/2020 chcedźa w Běłej Wodźe swobodnu alternatiwnu zakładnu šulu wu­tworić. Projekt čłonojo załoženskeje iniciatiwy přichodny tydźeń trójce předstaja, a to wutoru w 19 hodź., srjedu w 17 hodź. a štwórtk w 15.30 hodź., stajnje w rumnosćach Běłowodźanskeje perspektiwy w zetkanišću při bulwarje na Hasy Rosy Luxemburg 21. Štóž chce so wobdźělić, dyrbi so e-mailnje pod přizjewić.

Předsydka frakcije přijědźe

Bydli hišće w chěžce železnicarja

W druhej połojcy 19. lětstotka za čas industrializacije twarjachu tež w Hornjej Łužicy železniske čary. Runočasnje nastachu dwórnišća, stražniske chěžki a wuhibkarnje. W lětnjej seriji so rozhladujemy, kak trěbne wone něhdy běchu a što je so z nimi stało. (15)

Nowa wobjězdka dźělnje swobodna

Dienstag, 14. August 2018 geschrieben von:
Wčera su prěni dźěl noweje wobjězdki Wojerec za wužiwanje přepodali. Tak móža šoferojo z Budyskeho směra přijěducy hnydom dale na Grodk jěć, bjez toho zo dyrbja so přez Wojerecy tłóčić. Přizamknyć dyrbja twarscy dźěłaćerjo hišće přijězd z noweje wobjězdki do Ćiska a Spal. Wottam nětko móžno njeje so na dróhu do Mučowa ­dóstać, štož su někotři šoferojo přepozdźe pytnyli a su so na kromje Ćiska zawróćić dyrbjeli. Tuchwilu je přijězd do Ćiska jeno přez Kinajcht móžny. Zaraćena wostanje dale tež kolesowarska šćežka z Ćiska do Mučowa. Tam pobrachuje hišće kónc pokrywa jězdnje. Foto: Gernot Menzel

Kino dóstanje tři dalše žurle

Dienstag, 14. August 2018 geschrieben von:

Budyski filmowy palast za tójšto pjenjez wobšěrnje rozšěrja

Budyšin (SN/MWj). Štóž sej w kinje rady dobry film wobhlada, smě so wjeselić. Přetož w Budyskim kinje budźe za to bórze hišće wjace składnosćow. Tam su dźensa zakładny kamjeń za wobšěrne rozšěrjenje filmoweho palasta połožili. Na nawodu domu Andreasa Schneidera a jeho wjace hač dwaceći sobudźěłaćerjow čaka nětko čas połny napjatosće, ale tež předwjesela.

Něhdźe 3,5 milionow eurow chcetaj Marlis a Heiner Kieft jako wobhospodarjerjej do filmoweho palasta inwestować. Planowany je nowotwar na łuce za tuchwilnym twarjenjom. Tam ma nowa žurla za hač do 100 wopytowarjow nastać. Dwě dalšej matej hosćom 87 a 72 městnow skićić. Tež w tuchwilnym kinje samym so něštožkuli změni. Tak chcedźa wobstejace štyri žurle runje tak ponowić kaž foyer z předawanišćom lisćikow, zakuskow a napojow. Inwestować budu tohorunja do noweje techniki.

W fabrice mineralije měnjeli

Dienstag, 14. August 2018 geschrieben von:
14. raz su wuchodosakscy přećeljo mineralogije a geologije minjenu sobotu w Hórnikečanskej Energijowej fabrice měnjensku bursu najwšelakorišich mineralijow organizowali. Něhdźe 40 wustajerjow je tam swoje namakanki prezentowało. Zwjetša so woni kóžde lěto znowa wobdźěleja, rjekny organizator Frank Sauer. Lětsa zličichu trochu mjenje wopytowarjow, dokelž puć z Mučowa do Hórnikec přeco hišće hotowy njeje. Mjez wustajerjemi bě Jörg Hendrich z Dobruše. Wón pokazowaše na swojim stejnišću zwjetša eksponaty z blišeje wokoliny, mjez druhim z Wóslinka, ale tež ze skały blisko čěskeho Ústíja nad Labem. Foto: Gernot Menzel

Krótkopowěsće (14.08.18)

Dienstag, 14. August 2018 geschrieben von:

Kedźbu! Šulscy nowačcy po puću

Pirna. Sakske ministerstwo za nutřkowne naležnosće zahaji dźensa rano kampanju k škitej šulskich nowačkow. Pod hesłom „Šula je so započała“ je nimo policije tež Krajny zwjazk sakskeho wobchadneho přemysła wobdźěleny. Tak su wot dźensnišeho mjez druhim wjacore policajske jězdźidła a busy, z mjeno­wanym hesłom nastupajo start noweho šulskeho lěta polěpjene, po puću.

Poćežowanja na A 4

Porchow. Na awtodróze A 4 mjez Porchowom a Hornim Wujězdom su dźensa wjacore dnjowe twarnišća zarjadowali. Přičina je horcoty a poćežowanja wobchada Lkw-jow dla skóncowana jězdnja. Kaž krajny zarjad za dróhotwar a wobchad informuje, dyrbja dróhotwarcy škałbu mjez jězdnjomaj po wjacorych kilometrach A 4 zwuporjedźeć. Hač do pjatka chcedźa najwjetše škody wotstronić.

Keltiski wodowód namakali

Policija (14.08.18)

Dienstag, 14. August 2018 geschrieben von:

Susod wina njebył

Hbjelsk. Wuhladawši w haće na swojej ležownosći mortwej rybje wołaše wobydler Hbjelska njedźelu dopołdnja policiju, dokelž tukaše, zo bě susod snano škódnu maćiznu do hata kidnył. Zastojnicy tuž proby wody sobu wzachu. Ničo pak na to njepokazowaše, zo móhł susod z tymle „padom“ něšto činić měć. Jako wobsedźer mjenujcy wjace powětra do hata wjedźeše, běchu ryby nadobo widźomnje agilniše. Dwěmaj bě w ćopłej wodźe po wšěm zdaću kislik wušoł.

Porjedźenka

Montag, 13. August 2018 geschrieben von:
W 13. dźělu našeje lětnjeje serije wo łu­žiskich dwórnišćach, kotryž wěnowaše so 7. awgusta Rakečanskemu, je awtor mylnje pisał, zo bě objekt Lipšćan Markus Brüss kupił a bydli tam nětko zhromadnje z młodej Nowowješćanku. To nje­wot­powěduje cyle wěrnosći. Prawje je, zo je wobsedźerka Rakečanskeho bywšeho dwórnišća z Noweje Wjeski pochadźaca Judith Zarjeńkec. Wona bě objekt kupiła a bydli tam ze swojim přećelom Markusom Brüssom. Dalša swójba w objekće bydlenje wotnaja. Awtor prosy wo wodaće za misnjenje. Redakcija SN

Na Boršći swójbna seklowa čara

Montag, 13. August 2018 geschrieben von:

Kamjenc hotuje so na lětušu tradicionalnu Boršć, kotraž so tam přichodny pjatk zahaji a 23. awgusta zakónči. Měrćin­ Weclich je so w tym zwisku w zarjadnistwje Lessingoweho města naprašował a so z nowinskim rěčnikom Thomasom Käpplerom rozmołwjał.

Kajki je staw přihotow Boršće?

T. Käppler: Tónkróć so něhdźe 1 400 šulerjow na póndźelnym wućahu wobdźěli. To je wjele a zaleži na tym, zo je to w šulskim času. Ze stawom přihotow smy jara spokojom. Wězo stej rekordna ličba wobdźělnikow na swjedźenskim ćahu­ a tuchwilne wjedro zahrodkarjam a kwětkarnjam města wulke wužadanje. Wšitcy pak so najebać napjatu situaciju prócuja, naprašowanjam za kwětkowej pychu wotpowědować.

Što na hosći noweho čaka?

Anzeige