Hdyž so wot 1. do 3. měrca dny archiwow wotměja, móhła so na nich ...
Pozdatny zapaler zasudźeny
Prawiznik wobskorženeho chcył rozsud sudnistwa pruwować dać
Budyšin (dpa/SN). W procesu wotpaleneje cyrkwje we Wulkich Rědorjecach (Großröhrsdorf) dla su wobskorženeho ćežkeho zapalerstwa dla k dźewjeć lět trajacemu jastwu zasudźili. Sudnistwo měješe při wozjewjenju wusuda wčera za dopokazane, zo je 41lětny 4. awgusta 2023 woheń w Božim domje wotpohladnje zamiškrił. K tomu bě wón w baroknym twarjenju bencin zapalił, kotryž je přez rozbite wokno w domje wukidał. Při tym bě so muž zranił. Cyrkej so dospołnje wupali. Wěcna škoda wučinja něhdźe 32 milionow eurow.
Krótkopowěsće (28.02.24)
Politkarjow komunow škitać
Drježdźany. Wěstota komunalnych politikarjow bě hłowna tema konferency wutoru na Drježdźanskim lětanišću. Tam wuradźowachu zastupjerjo komunow, policije a swobodneho stata wo tym, kak móhło so wěstotne połoženje zjawnych politiskich wosobow hladajo na přiběracu agresiwitu jim napřećo polěpšić. W přichodźe chcedźa jich lěpje škitać a za to wšě trěbne srědki nałožować.
Rakečanscy finale docpěli
Radwor. Prěnje koło wokrjesneje pěstowarskeje olympiady wotmě so wčera w Radworskej sportowej hali „Slavia“. Na wubědźowanju wobdźělichu so wjacore skupiny pěstowarnjow mjez druhim z Radworja a Chrósćic. Prěnje městno wudoby sej skupina dźěći Rakečanskeje pěstowarnje, druhe městno docpěchu dźěći kubłanišća ze Zemic-Tumic. Wobě cyłkaj kwalifikowaštej so za finale.
Nowak ministerstwo wopušći
Mjadrje chětro rozdźělnej
„Posłuchaj lěkarja, prjed hač jeho trjebaš!“, serbske přisłowo namołwja.
Tuž wěnuje so student mediciny Pětr Dźisławk znatym a mjenje znatym chorosćam, zo by je čitarjam trochu bliže rozłožował (39).
W starobje ludźo zwjetša špatnišo widźa. To móže wšelke přičiny měć, wot prosteje degeneracije brónicy hač ke kompleksnym syndromam. Často jewitej so w tym konteksće tež wopřijeći šěre a zelene mjadro. Lědma štó pak wě wonej chorosći rozeznawać, byrnjež jara rozdźělnej byłoj. Šěre mjadro mjenujemy w medicinje tež katarakt, na swěće z cyłkownje 95 milionami potrjechenych rewersibelna přičina čisło jedyn za woslepjenje. Rewersibelne rěka wobroćomne, sleposći da so potajkim terapeutisce zadźěwać. Šěre mjadro wšak wopisuje zamućenje čóčki, zwjetša spomaleneje wuměny maćiznow w starobje dla.
Na korjenju štoma bě jězba nimo
Policija (27.02.24)
Pos njeskutki wuslědźił
Biskopicy. Policajski pos je njedźelu w Biskopicach wjacore njeskutki wuslědźił. Najprjedy bě so na Neustadtskej wobchadne njezbožo stało, při kotrymž motorski do awta zrazy. Po zražce wodźer motorskeho ćekny. Při wobdźěłanju njezboža zasadźichu mjez druhim policajskeho psa. Tón wjedźeše zastojnikow do zahrodkownišća, hdźež bě so 36lětny zawinowar zražki schował. Wón přizna, zo bě njezbožo zawinił. Kaž so wukopa, njebě motorske přizjewjene a tež nic zawěsćene. Hamtske čisło njebě płaćiwe. Jězbnu dowolnosć muž njeměješe. Nimo toho steješe wón pod wliwom drogow.
Wječor wo twarskim inženjerje
W přirodźe serbsce wuknyli
Pućowanje wjedźeše wokoło Brězowskeho jězora
Brězowka (AK/SN). Jara dobry wothłós měješe sobotu přeprošenje rěčneje motiwatorki Juliany Kaulfürstoweje na zymske pućowanje wokoło Brězowskeho jězora. „19 wobdźělnikow je přišło. Telko hišće ženje njeběchmy“, so wona wjeseleše. Dwě hodźinje trajace pućowanje wjedźeše po 6,5 kilometrach wokoło jězora. Kóždy wobdźělnik dósta łopjeno z wokablemi, sadami a pućowanskimaj spěwomaj. Dźakowano QR-codej móžachu sej wobdźělnicy doma słowa a sady hišće raz naposkać.
Štwórty raz je Juliana Kaulfürstowa tajke pućowanje organizowała. Loni w měrcu nóžkowachu wot Trjebina do Běłeje Wody. W juliju slědowaše lětnje pućowanje wokoło Dźěwina a w nowembru běchu Mułkecy wuchadźišćo. „Mój zaměr je, zo ludźo na hinaše wašnje kontakt k serbšćinje nazhonja hač w rěčnym kursu abo w kulturnym programje. Na pućowanju móžeš nawuknjene słowa hnydom praktisce nałožować. W přirodźe a w zhromadnosći serbsku rěč lěpje wuknješ“, motiwatorka měni.
Swójske kmanosće wuslědźić
W bywšim Wojerowskim ličenskim centrumje móža šulerjo wupruwować, kotre powołanje by jich zajimam najbóle wotpowědowało. Za to maja moderne fachowe kabinety z realnymi wuměnjenjemi.
Wojerecy (SiR/SN). Wot minjeneje nazymy je na delnim poschodźe bywšeho Wojerowskeho ličenskeho centruma na Lipowym puću 43 kubłanski skutk dźěłaćerskeho dobroćelstwa AWO zaměstnjeny. Towaršnosć za hladanje a zastaranje je jedyn z najwjetšich dźěłodawarjow regiona a nošer wšelakich zarjadnišćow, w kotrychž ludźi hladaja, wukubłuja a přewodźeja. Z kubłanskim skutkom chcedźa swojim partneram při wupytanju powołanja profesionelnje pomhać a dorost za swójske předewzaće dobywać.
