Policija (19.07.18)

Donnerstag, 19. Juli 2018 geschrieben von:

Šofer paduchow njepytnył

Ohorn. Jězbny plan šofera nakładneho awta su njeznaći w nocy na srjedu přemjetali. 39lětny rano pytny, zo bě něchtó za čas jeho přestawki na awtodróhowym parkowanišću pola Ohorna nimale 150 litrow diesela z tanka jeho jězdźidła wotklumpał. Muž je w tym času w šoferskej kabinje spał a njeje wo njeskutku ničo pytnył. Cyłkownu škodu trochuje wodźer Lkw-ja na něhdźe 250 eurow. Nětko pyta policija swědkow, kotřiž su snano něšto podhladneho wobkedźbowali.

Zahaja Łužiske hudźbne lěćo

Donnerstag, 19. Juli 2018 geschrieben von:
Budyšin. Pod nawodom Hansa-Chri­stopha Rademanna wuhotujetej orchester Sinfonietta Drježdźany a Drježdźanski komorny chór jutře, w 20 hodź. w Budyskej tachantskej cyrkwi zahajenski koncert lětušeho Łužiskeho hudźbneho lěća. Start rjada hudźbnych zarjadowanjow pod hesłom „Krajiny“ steji w znamjenju 1 000. róčnicy Budyskeho měra. Zastupne lisćiki při wječornej kasy poskićeja za 20 eurow, potuńšene za 15 eurow.

Hospodarski plan dwělomny

Mittwoch, 18. Juli 2018 geschrieben von:

Wyši měšćanosta Běłeje Wody rozsudej radźićelow znapřećiwił

Běła Woda (CK/SN). K wurjadnemu posedźenju zetka so jutře, štwórtk, Běło­wodźanska měšćanska rada. W juniju bě wjetšina jeje čłonow hospodarski plan 2018 wobzamknyła. Přećiwo tomu pak je wyši měšćanosta Torsten Pötzsch (Klartext) na komunalnym dohladowanskim zarjedźe Zhorjelskeho wokrjesa weto zapołožił. Njerozrisane dypki su přistajenski stop w měšćanskim zarjadnistwje, lisći­na šmórnjenych inwesticijow a přenjesenje dobytka komunalnych firmow na město.

Dobre ideje trěbne

Mittwoch, 18. Juli 2018 geschrieben von:
Wězo knježeše wčera na Worklečanskim šulskim dworje wulke wjeselo, jako dó­stachu tam spěchowanske srědki nimale 1,4 milionow eurow za nowy hort přizwolene. Tónle projekt woznamjenja za tamnišeho wjesnjanostu a gmejnsku radu přichodne měsacy dosć dźěła. Wjele krótkodobnišo dyrbja pak najprjedy raz cyle hi­na­še prašenje rozrisać, mjenujcy te, hdźe a kak w přichodnymaj šulskimaj lětomaj hort zaměstnja, prjedy hač budźe nowy hotowy. Tak kaž dotal, zo su hortowe dźěći­ po wučbje w rjadowniskich rumnosćach zaměstnjene, budu to lědma dale činić­ móc. Zašły čas dźě rjadowniske stwy lědma za šulsku wučbu dosahachu. A hladajo na wjele přizjewjenjow w zakładnej a wyšej šuli drje to přichodnje hinak njebudźe. Tuž budu nětko dobre ideje prašane, kak přechodny čas najlěpje přetrać. Přewjele chwile za to nimaja, wšako su prózdniny za tři a poł tydźenja hižo zaso nimo. Marian Wjeńka

K prózdninskim poskitkam na Rěčičanskim Erlichtec dworje słuša warjenski kurs. Zawčerawšim zetkachu so tam dźěći, zo bychu­ pod nawodom Cariny Buhler mjez druhim běrnjace plincy pjekli. Wězo smědźachu mali kucharjo swoje wudźěłki tež sami­ zjěsć. Přichodny warjenski kurs wotměje so 30. julija. Zajimcy njech so prošu přizjewja. Foto: Joachim Rjela

Wulke přeće so nětko spjelni

Mittwoch, 18. Juli 2018 geschrieben von:

Byrnjež prózdniny byli, knježeše na dwo­rje Worklečanskeje šule wčera popoł­dnju čiłe žiwjenje. Tójšto dźěći, ale tež jich starši a dalši wjesnjenjo su snano nic historiski, ale přiwšěm wažny podawk dožiwili.

Worklecy (SN/MWj). Wšitke ample za twar noweho horta we Worklecach po­kazuja wot wčerawšeho zelenu swěcu. Z rukow statneho sekretara w sakskim wobswětowym a ratarskim minister­stwje dr. Franka Pfeila přija wjesnjanosta Franc Brusk (CDU) přizwolenje za spěchowanske srědki we wobjimje 1,35 milionow eurow. To wotpowěduje 75 procentam cyłkowneje inwesticije nimale dweju milionow eurow. Za Worklečansku gmejnu zbywa 469 000 eurow swójskeho podźěla. Tón financuja ze 169 000 eurami z tak mjenowanych swójskich likwidnych srědkow a z kreditom 300 000 eurow, kaž Franc Brusk wčera rozłoži. Twarsku dowolnosć gmejna hižo ma.

Nowa hala za twarski zawod

Mittwoch, 18. Juli 2018 geschrieben von:

Radwor (SN/MkWj). Radźićeljo Radworskeje gmejny su wčera wječor wuhibki za twar noweho domicila gmejnskeho twarskeho zawoda połožili, přepodawši nadawki twarskim zawodam, kotrež bě­chu­ so na zjawnym wupisanju wobdźělili. Nastać ma nowa hala za nimale 250 000 eurow při wohnjowej woborje. Wjesnjanosta Wincenc Baberška (CDU) wopodstatni přidatne wudawki z njeznjes­liwymi wuměnjenjemi za dźěłaćerjow mjez druhim w sanitarnym wobłuku. Wón pak zdobom na to skedźbni, zo njebychu sej přidatne wudawki dowolić móhli, njeby-­li swobodny stat kóždej gmejnje 70 000 eurow přidatnje přewostajił.

Rozmołwy lěpše hač chłostanje

Mittwoch, 18. Juli 2018 geschrieben von:

Kulow (AK/SN). Po tym zo běštaj w Kulowskim policajskim běrowje dwaj zastojnikaj na wuměnk šłoj, su tam z třomi połnymi městnami zaso dospołnje wobsadźeni.

Jedne z třoch městnow ma Kristin Hänsel, wobydlerska policistka za Kulow a Wóslink. Po wuchodźenju šule wu­­knješe wona na Drježdźanskej policajskej šu­li­. Najprjedy je w Drježdźanach ko­parske hry, koncerty a demonstracije sobu zawěsćiła. Pozdźišo skutkowaše we wšědnej policajskej słužbje we Wojerecach. „Wobchadne njezboža a zadobywanja wob­dźěłać, rozestajenja mjez suso­dami wujednać a přeńdźenja chłostać běchu moje nadawki“, powěda 43lětna policajska hłowna mišterka. Lěpšina bě, zo měješe stajnje kolegu poboku, z kotrymž móžeše so wothłosować.

Krótkopowěsće (18.07.18)

Mittwoch, 18. Juli 2018 geschrieben von:

Tež w Rěčicach spěšny internet

Rěčicy. Statny sekretar a społnomócnjeny krajneho knježerstwa za digitalne Stefan Brangs (SPD) je dźensa w Dubcu wot Swobodneho stata Sakskeje z něhdźe 560 000 eurami spěchowanu syć za spěšny internet oficialnje přepodał. Nowa infra­struktura – 41 kilometrow kablow – zmóžnja 1 200 domjacnosćam gmejny Rěčicy přistup k digitalnemu swětej, a to z hač do 100 Mbit/s.

Namjety za Myto Witkojc prašane

Podstupim. Hač do kónca awgusta přijimuje Braniborske ministerstwo za wědomosć, slědźenje a kulturu namjety za no­wowutworjene Myto Miny Witkojc. Z nim maja so zasłužby na polu serbšćiny počesćić. Wšitke gmejny serbskeho sydlenskeho ruma a serbske towarstwa smědźa wosobiny abo cyłki nominować.

Wikowanju z tigrami zadźěwać

Policija (18.07.18)

Mittwoch, 18. Juli 2018 geschrieben von:

Spinadła zaprajili

Worcyn. Wodźer traktora je so zawčerawšim při wobchadnym njezbožu pola Worcyna ćežko zranił. Na wuskim puću dyrbješe wón borzdźić. Po wšěm zdaću pak spinadła dweju připowěšakow za­prajichu, tak zo wozaj do napřećo při­jěduceho Lkw-ja zrazyštej. Nakładowany rěpik so na jězdnju wusypa.

Anzeige