Nowosće z přirodoškitneje stacije w Njeswačidle

Donnerstag, 11. Januar 2024 geschrieben von:

Njeswačidło (SN/AN). Nowe lěto je so lědma zahajiło a sobudźěłaćerjo přirodoškitneje stacije w Njeswačidle maja hižo protyku połnu terminow. Madlena Mičkec dźěła tu wot nazymy lěta 2020. „Hač do decembra 2021 sym w Njeswačanskej staciji mjez druhim na polu wobswětoweho kubłanja dźěłała. Nětko sym koordinatorka za přirodoškitne naprawy we wo­krjesu Budyšin w projekće MoSaiKTeiL. Planuju a koordinuju na přikład dźěłowy projekt, w kotrymž błóta z hatow wuwožujemy. Runje činimy to při Radworskim Łučinskim haće (Litzenteich) a při Kobanec haće w Dubrawce. W dalšim projekće zaběramy so z natwarom nowych dožiwjenskich šćežkow, na přikład kołowokoło Njeswačidła.“

Policija (11.01.24)

Donnerstag, 11. Januar 2024 geschrieben von:

Wjacore delikty zwěsćili

Biskopicy. Dobry čuch mějachu policisća wutoru wječor w Biskopicach, jako tam wodźerku Škody kontrolowachu. Pola 46lětneje zwěsćichu hnydom wjacore delikty. Žona scyła žanu jězbnu dowolnosć njeměješe. Drogowy test wunjese, zo je wona amfetaminy brała. Nimo toho jeje awto zawěsćene njebě a měješe so tuž wotzjewić. Policisća přewodźachu žonu k „darjenju“ kreje.

Poslednje předstajenje

Donnerstag, 11. Januar 2024 geschrieben von:

Njebjelčicy. Štóž njeje dotal hišće inscenaciju Kulowskeho Bratrowstwa „Tónkróć něšto z niwowom!“ widźał, změje njedźelu, 14. januara, w Njebjelčicach poslednju składnosć to nachwatać. Hrajerki a hrajerjo předstaja swoju komediju w 16.30 hodź. w Njebjelčanskej „Bjesadźe“. Wšitcy lubowarjo serbskeho lajskeho dźiwadła su wutrobnje přeprošeni.

Mjenje porodow

Budyšin. W lěće 2023 je so w Budyšinje 621 dźěći narodźiło. To bě mjenje hač w lětomaj do toho (2022: 740; 2021: 820). Najwoblubowaniše mjena pola holcow běchu Frieda (8), Emilia a Mia (wobě 6) kaž tež Charlotte, Emma, Lina a Lotta (stajnje 5). Pola hólcow běštaj Emil a Finn (wobaj 6) wosebje woblubowanaj, na dalšich městnach běchu Konstantin a Luca (stajnje 5) kaž tež Aaron, Anton, Leo, Lio, Louis, Milo a Oskar (stajnje 4).

Pěstowarnju lětsa dotwarja

Donnerstag, 11. Januar 2024 geschrieben von:

W Slepom planuja medicinski zastaranski centrum

Slepo (AK/SN). Nowotwar Witaj-pěstowarnje „Milenka“ w Rownom, kotraž je w nošerstwje Slepjanskeje gmejny, chcedźa po móžnosći lětsa zakónčić. Tónle cil wuzběhny wjesnjanosta Jörg Funda (CDU) wutoru na posedźenju gmejnskich radźićelow. Woni přepodachu metalo­twarske dźěła kaž tež zatwar woknow a durjow we wobjimje 180 000 eurow Wojerowskej firmje.

Z cyłkownje dźesać poskitkow, kotrež su po wupisanju dóstali, je Wojerowske předewzaće najlěpši zapodało, rozłoži twarski nawoda Slepjanskeje gmejny Steffen Seidlich. Sumy jednotliwych poskitkow sahachu wot 180 000 hač do 275 000 eurow. Hodźinska mzda saha wot 52 eurow hač do 80 eurow. A časowy wobjim za wšitke dźěła sahaše wot 1 369 hodźin hač do 1 600 hodźin. Kaž Seidlich dale rjekny, bě poskitk Wojerowskeje ­firmy 13 procentow pod wot planowanskeho běrowa wobličenymi kóštami. Tak móže gmejna něhdźe 26 000 eurow zalutować.

Tež w zymje dale dźěłaja

Donnerstag, 11. Januar 2024 geschrieben von:

Wóspork (UM/SN). Při twarskich dźěłach za nowy móst statneje dróhi S 112 nad Lubatu we Wodowej Korčmje (Wasser­kretscham) pola Wósporka žane wjetše přetorhnjenja w zymskich měsacach planowane njejsu. „Chcemy po móžnosći bjez wulkeje zymskeje přestawki dale dźěłać“, praji nowinski rěčnik Krajneho zarjada za dróhotwar a wobchad Franz Großmann. Stary móst je mjeztym wottorhany a fundamenty za nowy su přihotowane. Móst samy ma tak spěšnje kaž móžno slědować. Dołhož njeje wšitko hotowe, dyrbja šoferojo wupisanu wobjězdku dale wužiwać. Jeničce při zatwarje hotowych betonowych dźělow móže ke krótkodobnym poćežowanjam nadróžneho wobchada na statnej dróze S 111 dóńć.

Dźakowano krutemu a wobstajnemu zmjerzkej móžeš nětko na mnohich městnach swoje smykače wućahnyć a so z nimi po lodźe suwać. Nic jenož na hatach kaž w Šunowje so dźěći a młodostni wčera smykachu, ale tež tule na łuce mjez Hrańcu a Hatami. Wjele dešća dla je so tam mały jězor wutworił, kiž nětko na zymske wjeselo přeprošuje. Foto: Anja Nowakowa

Krótkopowěsće (11.01.24)

Donnerstag, 11. Januar 2024 geschrieben von:

Zrěčenje podpisałoj

Kamjenc. Wokrjes Budyšin a město Kamjenc stej runohódnej partneraj w zaměrowym zwjazku za natwar noweje Lessingoweje kupjele w Kamjencu. Krajny rada Udo Wićaz (CDU) a wyši měšćanosta Roland Dantz (njestronjan) staj wotpowědne zrěčenje wčera w tamnišej halowej kupjeli podpisałoj. Zazběh twarskich dźěłow je za lěto 2026 planowany.

Nowa doba spěchowanja OHTL

Rakecy. Leaderowy region Hornjołužiska hola a haty (OHTL) je druhu projektowu namołwu za spěchowansku periodu Europskeje unije 2023–2027 wozjewiło. Požadanski čas za projekty skónči so 4. měrca. W cyłku maja 790 000 eurow spěchowanskich srědkow za přesadźenje lokalnych wuwićowych strategijow w LEADER-regionje za wšelke naprawy z dźesać wobłukowo k dispoziciji.

Digitalnje dźěłaca uniwersita

„Pozitiwny wothłós“ a „sprawne wjeselo“

Mittwoch, 10. Januar 2024 geschrieben von:

Wotrow (SN/bn). Pod hesłom „Merles mystische Abenteuer“ je awtorka Stefanie Domašcyna dotal dwaj romanaj wudała (SN rozprawjachu). Wobě wotbłyšćujetej fiktiwne dyrdomdeje młodeje holcy, kotraž zhromadnje z přećelemi najwšelakoriše wužadowanja zmištruje. Serbska resp. łužiska mytologija twori w tym zwisku takrjec rjap jednanja. Minjeny pjatk je spisowaćelka swojej knize w něhdyšej Wotrowskej šuli předstajiła, přečitawši wurězki z prěnjeho zwjazka „Die Krone des Schlangenkönigs“.

Wothłós publikuma – přichwatało je něhdźe 50 zajimcow – bě po słowach Domašcyneje „přewšo pozitiwny. Mějach zaćišć, zo su so ludźo sprawnje nad tym wjeselili, zo sym tu była a knize předstajiła, kotrejž sym na zakładźe serbskich powěsćow napisała“ a kotrejž matej nastupajo jednanje geografisce „jasne regionalne ćežišćo“.

Wjesnjenjo zhromadnje pućowali

Mittwoch, 10. Januar 2024 geschrieben von:
Kóždolětny ritual je pućowanje Mułkečanskeho wjesneho zhromadźenstwa w prěnich dnjach noweho lěta. Tak wobdźělnicy jenož změny w swojej wokolinje nje­spóznawaja, ale tež zhromadny čas přežiwja a sej mjez sobu nowosće wuměnjeja. ­Minjenu sobotu wjedźeše pućowanje na kromje Wochožanskeje brunicoweje jamy k włóžnemu biotopej. Tón bu ekstra připrawjeny, zo bychu rostlinam a zwěrjatam žiwjenski rum skićili. Móžnosće k posydnjenju přeprošuja k wotpočnjenju. Wuchodźowanje skónči so při lěhwowym wohenju, hdźež sej wobdźělnicy zasłužene horce wino popřachu. Foto: Joachim Rjela

Policija (10.01.24)

Mittwoch, 10. Januar 2024 geschrieben von:

Awto pokradnjene a namakane

Pančicy-Kukow. Sobudźěłaćer twarskeje firmy dyrbješe dźensa rano w Pančicach-Kukowje zwěsćić, zo bě něchtó jeho zamknjeny firmowy transporter pokradnył. W 4.50 hodź. zahajene pytanje za Citroënom Jumperom bě hižo po ani ­połdra hodźinje wuspěšne. W 6.10 hodź. wuhladachu policisća transporter w Mužakowje. Paduchej bě so bohužel poradźiło twochnyć.

Serbska debata

Neuheiten LND