Wuprudźacy regionalny běrow

Dienstag, 19. Mai 2015
Artikel bewerten
(0 Stimmen)

Slepo (SN/MiR). Slepjanski regionalny běrow Domowiny za wobłuk Běła Woda/Niska je so spočatk apryla wo dalšu wosobu rozšěrił. Pěskowčanka Franciska Wroblowa skutkuje tam tři dny wob tydźeń. Wona zaběra so wosebje ze serbskorěčnej animaciju w dźěćacych dnjowych přebywanišćach, a to předewšěm w Rownjanskim kubłanišću „Milenka“ kaž tež w Trjebinskej pěstowarni „Lutki“ a w horće Slepjanskeje zakładneje šule „Marja Grólmusec“. Tež rěčne dalekubłanje Rownjanskich kubłarkow słuša do jeje dźěłowych wobłukow. „Franciska Wroblowa so tuchwilu do nadawkow zadźěła. Sym jara wjesoła, zo mamy nětko dalšu sobudźěłaćerku, kotraž so wo wuwiwanje a nałožowanje serbšćiny w našim regionje stara“, rjekny regionalna rěčnica Diana Maticowa. Franciska Wroblowa stara so tež wo wuwiwanje tematiskich programow w dźěćacych kubłanišćach w Rownom, Slepom, Trjebinje a Brězowce, wosebje we wobłuku pěstowanja serbskich nałožkow. Runje tam su zwiski k Julianje Kaulfürstowej, kotraž hižo wjacore lěta w regionje skutkuje, bjezpo­srědne.

Veröffentlicht in Towarstwa
Bitte anmelden, um einen Kommentar zu posten

Anzeige