Skónčnje dypki přećiwo Altgliniecke

Dienstag, 26. September 2023 geschrieben von:

VSG Altglienicke –

FC Energija Choćebuz 1:2 (1:2)

Zestawa hosći: Sebald – Slamar, Hildebrandt, Campulka, Borgmann, Hofmann, Putze (63. Juckel), Hasse, Heike, Thiele, Halbauer (63. Euschen)

slěd wrotow: 0:1 Heike (22.), 1:1 Abu-Alfa (36.), 1:2 Heike (40.)

Dlěje hač štyri lěta njeporadźi so FCE přećiwo Altglienicke ani jenički dypk.

Najbóle drje wyskaše Tim Heike, kotremuž so wobhladanjahódne wrota poradźichu. Tak sadźi so nadběhowar FCE ze swojimi sezonowymi wrotami sydom a wosom na čoło třělcow regionalneje ligi sewjerowuchod.

Po 22 hratych mjeńšinach bě 23lětny přihrawku Tobija Hasse direktnje wzał a wot hranicy šěsnatki trjechił. Něhdyšemu Choćebuskemu Ali Abu-Alfa poradźichu so po tym wrota z nimale 35 metrow zdalenosće k 1:1. Timmy Thiele, kotryž w centralnej ofensiwje z jara dobrymi idejemi napadny, połoži hrajny nastroj hišće do přestawki na Heika a tón zwyši na 1:2.

Po přestawce Choćebuz hru kontrolowaše. Na woběmaj stronomaj nastachu hišće někotre šansy. Domjacy pak zwrěšćichu přeco zaso na wulkotnej hrě škitarja Jonasa Hildebrandta.

Tři dypki přećiwo zestupnikej

FC Energija Choćebuz –

FSV Zwickau 3:1 (1:1)

Serbska koparka wicemišterka

Dienstag, 26. September 2023 geschrieben von:

Nic jenož šulerjo Serbskeho gymnazija Budyšin wobdźělichu so minjeny tydźeń na zwjazkowym finalu „Młodźina trenuje za olympiju“ w Berlinje, ně tež holče koparske mustwo 1. FFC Turbiny Podstupim bě so za to skwalifikowało. Wone zastupowaše Braniborsku jako elitowa sportowa šula „Friedrich Ludwig Jahn“ Podstupim. Mjez nimi bě Serbowka Johana Wjeselic z Radworja. Holcy wubědźowachu so na­přećo 15 druhim zwjazkowym krajam.

Na prěnim dnju wuńdźechu bjez jeničkich napřećiwnych wrotow jako skupinski dobyćer a móžachu tuž wutoru do połfinala zaćahnyć. Tam porazychu mjez druhim mustwo z Berlina po napjatym třělenju ­jědnatkow. Z tym skwalifiko­wachu so za kónčnu finalnu hru srjedu. Přećiwnik běše mustwo z Jeny. A hačrunjež bě cyłk z Podstupima lěpše a mócniše mustwo, so holcam Turbiny njeporadźi, bul do saka trjechić. Holcy z Jeny pak wužichu njetrjebawši zmylk braniborskich holcow a dobychu duel 1:0.

Chětro přesłapjene Turbinjanki pak móža přiwšěm jara hordźe być na swój wukon, dokelž smědźa so wicedobyćerki Němskeje mjenować.

Sylwija Wjeselina

W ofensiwje přesłabi

Dienstag, 26. September 2023 geschrieben von:

HZ Ralbicy/Marijina hwězda II –

Jednota Kamjenc 1:2 (1:0)

Zestawa domjacych: J. Bjeńš – Hantsch, Kobalc, Jakubaš, Hübner (75. L. Hoge), Materna, Kunze, Ladewig, Čornak, Kurjat (10. Kral), Žur (70. Zimmermann)

Kaž kóždy tydźeń dyrbješe hrajne zjednoćenstwo rezerwow z Ralbic a Pančic-Kukowa zestawu zaso mócnje změnić. Poprawom hižo wotzjewjenaj Markus Kobalc a Jurij Bjeńš na přikład wupomhaštaj a stajni hrajerjo kaž Handrij Jakubaš njehrajachu na zwučenych pozicijach, ale tam wupomhachu, hdźež bě trjeba. Dewiza domjaceho mustwa rěkaše tuž přećiwo faworitej z Lessingoweho města dołho nulu dźeržeć a spytać z pomocu konterow k wuspěchej dóńć.

W prěnim połčasu so tole tež wulkotnje poradźi. Defensiwa hosćićela steješe jara wěsće a Jednota bě jenož z třělwow zwonka šěsnatki strašna. Tola stoprocentna šansa při tym njewuskoči. Z ničeho domjacy potom nawjedowachu. Tomaš Čornak sflankowa z lěweho křidła do šěsnatki, hdźež přiwza škitar z Kamjenca bul njezbožownje z ruku. Jasnu jědnatku Jakubaš z niskej třělwu pře­twori a tak dźěchu domjacy z nawjedowanjom do kabiny.

Wuslědki (26.09.23)

Dienstag, 26. September 2023 geschrieben von:

Kopańca, regionalna liga muži

Berlinski AK – Kamjeničanski FC 0:1 (0:1)

Babelsberg – Luckenwalde 1:2 (0:2)

Zwickau – BSG Chemija Lipsk 0:0 (0:0)

Eilenburg – Erfurt0:0 (0:0)

Carl Zeiss Jena – Viktoria Berlin 1:2 (1:1)

Lok Lipsk – BFC Dynamo 1:1 (0:0)

Altglienicke – FCE Choćebuz 1:2 (1:2)

Greifswaldski KK – Hertha BSC II 5:2 (1:1)

Meuselwitz – Hansa Rostock II 4:2 (3:2)

1. Greifswaldski KK 8 18 : 6 20

2. FC Energija Choćebuz 8 17 : 8 17

3. FC Čerwjeno-běli Erfurt 8 17 : 7 15

4. BFC Dynamo 8 14 : 7 15

5. Viktoria Berlin 8 7 : 4 15

6. Hertha BSC II 8 20 : 15 14

7. SV Babelsberg 8 10 : 9 13

8. BSG Chemija Lipsk 8 7 : 8 12

9. ZFC Meuselwitz 8 13 : 12 11

10. VSG Altglienicke 8 14 : 15 10

11. Lok Lipsk 8 11 : 14 10

12. FSV Luckenwalde 8 15 : 19 10

13. FSV Zwickau 8 11 : 17 8

14. Kamjeničanski FC 8 4 : 11 8

15. FC Carl Zeiss Jena 8 10 : 11 6

16. FC Eilenburg 8 9 : 14 6

17. F. C. Hansa Rostock II 8 14 : 18 4

18. Berlinski AK 8 1 : 17 3

wokrjesna wyša liga

TSV Wachau – Módro-běli Kulow 4:4 (2:2)

Ćisk – ST Hnašecy-Dobruša 3:3 (2:2)

Großnaundorf – Ottend.-Okrilla  1:0 (0:0)

ST Radwor – TSV Połčnica 3:4 (0:3)

Hlinowc – ST Horni kraj-Sprjewja 2:1 (0:1)

Ramnow – Sokoł Ralbicy/Hórki1:2 (1:1)

Biskopicy II – Němske Pazlicy 0:2 (0:1)

1. ST Horni kraj-Sprjewja 5 18 : 1 15

2. Biskopičanske KT II 5 18 : 3 12

3. Sokoł Ralbicy/Hórki 5 12 : 5 12

4. TSV Połčnica 5 13 : 9 12

5. Módro-běli Kulow 5 13 : 6 11

6. ST Hnašecy-Dobruša 5 26 : 9 10

7. SG Großnaundorf 5 11 : 12 10

8. Drohotka Ramnow 5 14 : 12 5

9. TSV Wachau 5 17 : 20 5

10. Natwar Němske Pazlicy 5 12 : 23 5

11. SC 1911 Großröhrsdorf 5 6 : 7 4

12. Hlinowski SK  5 10 : 12 4

13. ST Radwor 5 6 : 19 4

14. HZ Łaz/Běły Chołmc 5 3 : 12 3

Prěnje dypkiza Chróšćanow

Montag, 25. September 2023 geschrieben von:

VfB Běła Woda – SJ Chrósćicy 1:3 (1:1)

Zestawa SJC: Králíček – Mark, F. Cyž, B. Cyž, Šmalcl, L. Zahrodnik, G. Zahrodnik, M. Zahrodnik (90. Wornar), Młynk (73. Matješk), Bogusz (88. Wencel)

Chróšćenjo podachu so sobotu na wonkownu hru do Běłeje Wody. Domjacy běchu z třomi dobyćemi a poražku do sezony startowali, hosćo ze štyrjomi ­poražkami. Běła Woda bě za SJC přećiwnik, hdźež w zašłosći přeco dyp­kowachu. To chcychu Chróšćenjo po dotalnych wuslědkach tež na hrajnišću ­pokazać.

Hladajo na sadźbowej wuslědkaj 28:30 a 25:27 w prěnimaj sadźbomaj prěnjeje hry z wida Worklečanskich wolejbulistow čita so zazběhowa poražka 0:3 Worklečanow sobotu doma přećiwo VFL Pirna-Copitz hižo hinak. Třeću sadźbu hosćićeljo potom jasnje 15:25 wotedachu. Druhu partiju dnja přećiwo Kobličanam z Radworčanom Dawidom Wowčerjom mustwo Viktorije Worklecy potom 3:0 doby. Nětko pak bě to woprawdźe jasna naležnosć (25:14, 25:16, 25:10) za Worklečanow. Foto: Jörg Stephan

Zajimawy derby w Delanach

Montag, 25. September 2023 geschrieben von:

HZ Sokoł Ralbicy/Hórki II/ST Marijina Hwězda II – SJ Njebjelčicy 2:1 (1:0)

Zestawa hosćićela: Žur – Hübner (69. Hoge), Šiman (69. Zimmermann), Seiler, T. Čornak, Lulak, Kubic (44. Kral), Ričel, Materna, Jakubaš, Budar

Zestawa SJ Njebjelčicy: Hahn – Reinecke, Reinelt, Wagner (21. Korjeńk, 81. Šram), Hanuza, Domš, Matješk, T. Čornak (34. O. Domš), Rudolf (81. G. Čornak), Herrmann, Rachela (46. Hölzel)

Nowowutworjene hrajne zjednoćenstwo witaše k serbskemu derbyjej SJ ­Njebjelčicy. Hosćo jako zestupnik do wokrjesneje klasy běchu na papjerje za mnohich zawěsće faworit, ale tajki serbski derby ma swójske zakonje.

Domjacy namakachu so derje do hry a mějachu wjetše hrajne podźěle. Najwjetšu šansu za Njebjelčanow měješe Ronny Hanuza, tola jeho třělwu Bosćij Lulak na wrotowej liniji wotwobara. Na tamnym boku bu krótko do połčasa Paul Seiler w šěsnatce potorhnjeny. Postajeny pokutny kop přetwori Pascal Budar. Tak dźěchu domjacy ze snadnym předskokom do kabiny.

Awtor dźensa Beno Šołta

Dźensa kopamy zaso do bula a pohladamy što so w pozadku wšitko hiba. Julian Nagelsmann je nětko nowy zwjazkowy trenar. Předołho pytanje trało njeje. Kaž je Nagelsmann na Flicka pola Bayerskich w Mnichowje sćěhował, sćěhuje nětko Flickej pola narodneho mustwa muži. Za to je nětko najskerje najmłódši, kiž je hdy na němskej ławce sedźał – jako nazwučowar. Za njeho rěči, zo njemóže najskerje přewjele wopaki činić, wuslědki minjenych hrow a turněrow su wšak hižo jara špatne. To móže so jenož polěpšić. Ja sym wćipny a napjaty. To maš prawje lóšt sej přichodnu hru němskich koparjow wobhladać. USA rěka přichodny přećiwnik, to budźe 14. oktobra.

Sport (22.09.23)

Freitag, 22. September 2023 geschrieben von:

Kopańca jutře a zajutřišim

Do Biskopic přijědźe jutře, sobotu, VfB 1921 Kśišow. To je koparski cyłk, w kotrymž je w zašłej hrajnej dobje rodźeny Sulšečan Leon Šołta hrał. Nětko je Šołta kopar Biskopičanskeho KT 08 a tak zawěsće jutře wosebje motiwowany.

23.09.  13:00  Biskopičanske KT 08 –

  VfB 1921 Kśišow

23.09.  15:00  VfB Běła Woda 1909 –

  SJ Chrósćicy

24.09.  12:30  HZ Ralbicy II/Pančicy II –

  Jednota Kamjenc

24.09.  14:00  ST Porchow –

  ST Marijina hwězda

24.09.  15:00  SJ Njebjelčicy –

  HZ Halštrow/Hlinowc II

24.09.  15:00  ST Wjelećin –

  SJ Chrósćicy II

24.09.  15:00  ST Radwor –

  TSV Połčnica

24.09.  15:00  Drohotka Ramnow –

  Sokoł Ralbicy/Hórki

Dwójce doma we Worklecach

23.09. 14:00  Viktoria Worklecy –

  VfL Pirna-Copitz (m)

23.09.  16:00  Viktoria Worklecy –

  Wolejs Koblicy (m)

30.09.  14:00  Viktoria Worklecy II –

  Nysa wolejs (ž)

30.09.  16:00  Viktoria Worklecy II –

  VV Žitawa 09 II (ž)

Wulki sportowy swjedźeń

Chróšćenjodale bjez dypka

Donnerstag, 21. September 2023 geschrieben von:

SJ Chrósćicy – BSV Sebnica 0:1 (0:1)

Zestawa domjacych: Králíček – B. Cyž, F. Cyž (76. C. Handrik), Runt, Šmalcl, L. Zahrodnik, Hawš, G. Zahrodnik (71. Matik), Matješk (46. Młynk), Bogusz (87. Mark), M. Zahrodnik

Při rjanym nazymskim wjedrje běchu sej njedźelu koparjo ze Sebnicy do Chrósćic dojěli. Po špatnym starće do sezony chcychu domjacy w tutej hrě na kóždy pad dypkować.

Serbska debata

Neuheiten LND