ST Marijina hwězda
– HZ Łaz/Běły Chołmc 2:2 (1:1)
Zestawa domjacych: O. Schmidt – Wróbl, T. Škoda, Jurš, Lipič, Winkler (67. Rab), Kuring, O. Hawš, P. Schmidt (46. R. Hawš), Eldor (46. A. Škoda), Pakoßnick
K poslednjej domjacej hrě sezony 2017/2018 pohosćichu koparjo ST Marijineje hwězdy mustwo Hrajneho zjednoćenstwa Łaz/Běły Chołmc. Po wulkim boju dźěleštej so cyłkaj ze sprawnym 2:2. Kaž hižo tydźenja měješe trenar Erwin Kleinmann wšitkich hrajerjow k dispoziciji. Po dewizy „never change a winning team“ započachu kaž při dobyću w Rychbachu.
W prěnich dwaceći mjeńšinach wotměwaše so hra mjez šěsnatkomaj. Wosebje w srjedźnym polu nastachu chětro bojowniske duele. Pančičenjo pospytachu so z dołhimi třělwami, štož wjedźeše k 1:0. Po kopje Matijasa Wróbla njeběštaj sej posledni muž a wrotar hosći přezjednaj. Bul skoči před lěwu nohu Jakoba Pakoßnicka, a hižo domjacy nawjedowachu (23.). Nětko mějachu woni wjace hrajnych podźělow a šansow. Bul pak so do wrotow njenamaka (25., 30., 34.). 1:1 (41.) bě dar hosćićela.
Zestawa hosći: Fa. Wróbl – Omran, Bauer, Henke, Zimmermann, Wjeńka, Nuk, Rachel, Fi. Wróbl (60. Hančik), Šěrak, Schulze (87. Kubitz)
Hižo do partije bě jasne, zo je poslednja dypkowa hra sezony 2017/2018 zdobom tež poslednja hra kapitana Paula Zimmermanna. Wón chce so ze strowotniskich přičin wróćo sćahnyć. Hrajne lěto chcychu koparjo ST Radworja, po słabym wukonje tydźenja w derbyju přećiwo Sokołej Ralbicy/Hórki, z dobyćom krónować.
Awtorka dźensa
Halena Jancyna
Volleyball Nations League je nowosć na polu wolejbula w lěće 2018. W nowym formaće hraje 16 mustwow dohromady šěsć tydźenjow dołho wo titul. Předkoło traje 35 dnjow, finalne sydom. Najprjedy hraje kóždy přećiwo kóždemu, w šestym a zdobom poslednim tydźenju postaji šěsć najlěpšich mustwow dobyćerja.
Pola žonow hraja lětsa narodne mustwa z Němskeje, Brazilskeje, Chiny, Italskeje, Japanskeje, Nižozemskeje, Ruskeje, Serbiskeje, Južneje Koreje, Thailandskeje, Turkowskeje a USA. To su tak mjenowane coreteamy, kotrež tworja jadro. Nimo nich wobsteji polo wobdźělnikow hišće z challengerteamow, kotrež mjenowane wubranki wužaduja. To su Argentinska, Belgiska, Dominikanska republika a Pólska. Pola muži je zestawa trochu hinaša: Argentinska, Brazilska, China, Francoska, Iran, Italska, Japanska, Pólska, Ruska, Serbiska a USA su coreteamy, Awstralska, Bołharska, Kanada a Južna Koreja challengerteamy. Tučasnje je tak, zo hrajetej w Stuttgarće a Ludwigsburgu žónske a muske narodne wolejbulowe mustwo w nations league.
21. swětowe koparske mišterstwa (WM) su so z dobyćom hosćićela zahajili. Ruska přesadźi so w zazběhowej partiji přećiwo Sawdi-Arabskej jasnje z 5:0. Mustwo Sbornaja drje njeje runjewon najlěpši wukon pokazało, za dobyće pak přiwšěm dosahaše, dokelž słuša sawdi-arabska wubranka k najsłabšim wobdźělnikam WM. Hižo w 12. min. widźeše 81 000 ludźi w Moskowskim stadionje Lušniki prěnje wrota. Ruski srjedźopólny hrajer Jurij Gazinskij docpě z hłowu 1:0. Hižo w 24. min. dyrbješe jedyn z najlěpšich hrajerjow Alan Dzagojew zranjenja dla trawnik wopušćić. Tak pósła trenar Stanislaw Čerčesow Denisa Čeryšewa na hrajnišćo, a tón trjechi krótko do połčasa 2:0 (43.). Dokelž přiličeja tež Rusku po swětowej rjadnej lisćinje k słabšim wubrankam, njenasta žadyn porjadny dwubój.
Kónctydźenska kopańca
16.06. 13:00 ST Kinspork/Łužnica II –
SJ Njebjelčicy II
16.06. 15:00 SZ Drježdźany-Strěžin –
SJ Chrósćicy
16.06. 15:00 Sokoł Ralbicy/Hórki –
Rakečanske ST
16.06. 15:00 ST Hnašecy-Dobruša –
ST Radwor
16.06. 15:00 Módro-běli Kulow –
ST Wjelećin
17.06. 15:00 Zeleno-běli Sepicy –
SJ Njebjelčicy
17.06. 15:00 FSV Łuty – SJ Chrósćicy II
17.06. 15:00 Natwar Němske Pazlicy –
ST Marijina hwězda
Turněr stareje gardy
Serbski Sokoł zarjaduje dźensa zhromadnje z koparskim mustwom starych knjezow ST Marijineje hwězdy w Pančicach-Kukowje 22. koparski turněr starych knjezow wo pokal Serbskeho Sokoła. Prěnju hru zahwizda sudnik we 18 hodź. Přeprošene su mustwa zjednoćenstwow SJ Njebjelčicy, SJ Chrósćicy, Sokoł Ralbicy/Hórki, ST Radwor, Zeleno-běli Hórki a ST Marijina hwězda.
Pokalny kónc tydźenja
Wot pjatka, 22. junija, do njedźele, 24. junija, přewjedźe Zapadołužiski koparski zwjazk (WFV) w Němskich Pazlicach kónčne hry w pokalnych kołach sezony 2017/2018. Zarjadowar je WFV, wuhotowar Natwar Němske Pazlicy.
22.06. 18:30 Módro-běli Kulow –
HZ HFC/Wětnica
(stari knježa)
23.06. 10:30 ST Horni kraj Sprjewja –
HZ Wulka Dubrawa
(młodźina B)
23.06. 13:00 ST Liegau-Augustusbad –
SSV 1862 Langburkers-
dorf (žony)
Rjana tradicija na Serbskim gymnaziju Budyšin (SGB) je, zo wučerjo a rozžohnowacy so abiturienća na kóncu šulskeho lěta hišće raz při wysokim saku mocy měrja.
Po jubilejnym 25. duelu muskeje generacije w juniju 2017, kotryž pedagogojo z 2:1 dobychu, dóńdźe minjeny tydźeń k dalšej partiji w sportowni Budyskeho Serbskeho šulskeho a zetkawanskeho centruma. Kónčne 3:0 za aktualneho wokrjesneho mištra wučerjow klinči jasne, ale dwanatkarjo dopokazachu, zo běchu runohódny partner. Při stawje 24:23 w druhej sadźbje skićeše so jim šansa na wurunanje. Woni pak worachu njetrjebawše zmylki. Tak sej pedagogojo z wjetšej rutinu trěbnej dypkaj zawěsćichu. Prěnju sadźbu přěhrachu šulerjo z 17:25, dokelž praskachu hnydom sydom nadaćow do saka abo zwonka pola. W třećim přechodźe bě jich wotebraće nadaćow přenjedokładne a nadběhi wuličomne. Wučerjo so z 25:16 přesadźichu.
Kopańca, krajna klasa
Borea Drježdźany – Laubegast 1:3 (0:0)
Horni kraj-Sprjewja – DD-Strěžin 3:2 (1:0)
FSV Nowosólc-Hródk – ST Ćisk 6:1 (2:1)
Drježdźanski SC – Mužakow 1:4 (0:3)
wokrjesna wyša liga
Großröhrsdorf – Kulow 0:0 (0:0)
Wojerowski FC – Ramnow 2:2 (1:0)
Germ. Budyšin – Hnašecy-Dobr. 4:2 (0:2)
Rakecy – ST Budyšin7:0 (4:0)
Kumwałd – Kinspork/Łužnica 4:0 (3:0)
Hory – Großnaundorf 6:0 (0:0)
Wjelećin – Bukecy1:5 (1:2)
wokrjesna liga, stafla I
Großröhrsd. II – Bud. Budyšink3:0 (2:0)
Germ. Budyšin II – Frankenthal 1:0 (0:0)
Wjernarjecy – Połčnica 1:2 (0:0)
Załom – Porchow1:5 (0:3)
Großharthau – Bretnig-Hausw. 2:1 (0:0)
Huska – Malešecy1:3 (0:1)
Horni kraj-Sprjewja II – Arnsdorf 1:0 (0:0)
Ottendorf-Okrilla – Wachau 0:3 (0:1)
čoło tabulki
1. TSV Połčnica 29 110 : 27 73
2. ST Porchow 29 72 : 24 65
3. Traktor Malešecy 28 71 : 36 58
4. TSV Wachau 29 68 : 22 55
5. TSV Wjernarjecy 29 73 : 45 53
6. Horni kraj-Sprjewja II 29 76 : 45 50
wokrjesna klasa, stafla I
Horni kraj-Sprjewja III – HZ Minakał/Wulka Dubrawa/Radwor 1:2 (1:1)
Hnašecy-Dobruša II – HZ Wjazońca/Wjernarjecy/Załom II 1:5 (1:2)
Hodźij – Njeswačidło 1:2 (0:1)
Bart – Bukecy II8:0 (5:0)
Mały Wosyk – ST Budyšin II 1:1 (0:1)
Wjelećin II – Mały Wjelkow 2:2 (1:2)
čoło tabulki
1. ST Budyšin II 21 80 : 25 53
2. ST Mały Wosyk 21 61 : 21 49
3. ST Bart 21 77 : 25 48
4. ST Mały Wjelkow 21 51 : 50 36
5. Módro-běli Njesw. 21 50 : 36 35
6. ST Hodźij 21 56 : 35 32
7. ST Wjelećin II 21 43 : 54 28
8. ST Hnašecy-Dobruša II 21 34 : 52 24
wokrjesna klasa, stafla II