Testowa koparska hra prěnjeho koparskeho mustwa Sportoweho towarstwa Wulka Dubrawa přećiwo prěnjemu zastupnistwu Biskopičanskeho KT 08 sobotu popołdnju we Wulkej Dubrawje je so z jasnym wuslědkom 12:0 (5:0) za hosći skónčiła. Tež partiju pjatk w Radebergu běchu Biskopičenjo z 12:0 dobyli. Tež tam steješe k połčasej 5:0. We woběmaj hromaj bě tež Biskopičanski nowopřichad Leon Šołta (srjedźa, Biskopicy) zasadźeny. Foto: Konstantin Hrjehor

Festiwal wrotow w Žylowje

Montag, 10. Juli 2023 geschrieben von:

SJ Žylow – FC Energija Choćebuz 0:28 (0:13)

Zestawa Energije: Pischon – Bröse, Slamar, Campulka, Hasse, Pelivan, Hofmann, Oesterhelweg, Ndualu, Thiele, Bektas / druhi połčas: Pischon – Borgmann, Campulka, Juckel, Milde, Slamar, Putze, Kujović, Halbauer, Euschen, Hildebrandt.

třělcy wrotow: Euschen (5), Hildebrandt (5), Thiele (4), Ndualo (3), Oesterhgelweg (2), Bektas (2), Hofmann, Putze, Borgmann, Campulka a Kujović (1), a dwoje samowrota wokrjesneho wyšeho ligista

Zo je SJ Žylow před 1 125 přihlado­warjemi, jako zastupjer pjeć klasow hłubšo zasydleneje wokrjesneje wyšeje ligi ­zwoprědka absolutnje bjezwuhladnje do testoweje hry startował, bě kóždemu jasne. Tola jako bě wuslědk spóznajomny, kotryž njeběchu do toho wočakowali, prawowaše (hadern) trenar Uwe Kleemann potom tola ze swojim hrajerjemi: „Kak jednorje my tu wrota dóstawamy, je ­lědma móžno a nimale njepřijomne. Ale sezona je ke kóncej, dźensa mamy ni­male 30 stopnjow, a Energija měješe drje tak prawy lóšt, nas tu blamować!“

Awtor dźensa Michał Nuk

Měsac julij steji w znamjenju kolesowanja. Před 120 lětami, w juliju 1903, přewjedźe so prěni raz w Francoskej „najwjetše kolesowarske wužadanje swěta“. Tak připowědźi to nowina L’Auto, wudawana wot Henrija Desgrange. Dźensa je so jeho Tour de France wuwiła ke, kaž Wikipedija praji, třećemu najwjetšemu sportowemu zarjadowanju na swěće. Wažnej přičinje drje stej, zo je to sprěnja jedne z mało wubědźowanjow, kotrež je za přihladowarjow zadarmo. A fanojo přińdu sportowcam při čarje tak blisko kaž nihdźe druhdźe. Sam smědźach jónkrótnu atmosferu 2017 při starće w Düsseldorfje w prěnim rynku dožiwić. Zdruha je Tour de France w běhu lětdźesatkow tójšto dramow a skandalow produkowała, kotrež zaběrachu cyły swět. Bohužel skutkuje w Němskej hač do dźensnišeho stawizna wěsteho Jana Ullricha, kiž je najprjedy do kolesowarskich njebjes spěł a potom hłuboko do kolektiwneje njehnady padnył. Swój dopingowy image njeje kolesowanje w Němskej z toho časa přeco hišće dospołnje wotbył.

Sport (07.07.23)

Freitag, 07. Juli 2023 geschrieben von:

Lěćny turněr 3x3

Sportowe towarstwo Budyšin Tigers zarjaduje a wuhotuje jutře, sobotu zaso swój lěćny basketballowy turněr. Za wšě starobne skupiny so něšto planuje, tak zo móže kóždy, stary a młody, swoje techniki testować abo prosće basketbul trochu bliže zeznać. 10 eurow płaća młodostni, 15 eurow dorosćeni wobdźělnicy. Přihladowarjo dóstanu darmotny zastup. Hrać budźe so třo přećiwo třomi, a to w sportowej hali Serbskeho šulskeho a zetkawanskeho centruma Budyšin na Friedrich Listowej dróze 8.

Přihotowanske koparske hry

Prěnje koparske mustwa su hižo z přihotami na nowu hrajnu dobu 2023/2024 započeli. Nimo treningow přewjeduja stajnje tež testowe hry. Prěnju tajku změje jutře prěnje mustwo z Biskopic we Wulkej Dubrawje.

08.07.  15:00  ST Wulka Dubrawa –

  Biskopičanske KT I

Koparski camp při wulkim haće

Změny porjada koparskeho zwjazka

Donnerstag, 06. Juli 2023 geschrieben von:
Sakski koparski zwjazk (SFV) je wjacore změny w swojim porjedźe předstajił, kotrež wot 1. julija płaća. Hry na poslednimaj hrajnymaj dnjomaj dyrbja so w kóždej lize runočasnje wuhrać. Wotchilenja su we woprawnjenych wuwzaćnych padach móžne. Kontingent změnow kóždeho mustwa powyši so wot štyrjoch na pjeć hrajerjow, pola žonow, muži a tež w młodźinje A. Za to pak w partijach z móžnym podlěšenjom žana přidatna změna wjac móžna njeje. Oficialni zamołwići mustwa su wotnětka nastupajo płaćiwosće wosobinskich chłostanjow hrajerkam/hrajerjam kompletnje runostajeni. Jednu hru wusadźić dyrbiš nětko tež po druhim chłostanju w hrě halowych mišterstwow. Wot 1. junija su partije mustwow młodźiny B přećiwo žónskim mustwam dowolene, ale juniorojo starobneje klasy młodźina C we wotpowědnym mustwje młodźiny B sobu hrać njesmědźa. Dale so wotběh po kóncu koparskeje hry precizuje. Wotběh je: zapis wuslědka přez sudnika, kontrola wobeju mustwow, wopodstatnjenje sudnika, wopodstatnjenje wobeju mustwow hač do 18 hodź. (nanajpozdźišo hač do 60 min. po hrě).

Serbske mustwo w Delanach hrało

Donnerstag, 06. Juli 2023 geschrieben von:
Serbske mustwo muži je njedźelu přeprošenju Sokoła Ralbicy/Hórki sćěhowało a skład­nosć hnydom wužiło, zo by dwójce za Europeadu 2024 testowało. Zady wotlěwa steja: Hubertus Ćórlich, Patrik Woko, Paul Šnajder, Jan Bogusz, Dominik Krötel, Feliks Hrjehor, Jakub Škoda a Maksimilian Zahrodnik. Deleka wotprawa kleča: Oskar Hawš, Gabriel Zahrodnik, Michał Młynk, Jonas Krawčik, Lucijan Zahrodnik a Martin Dabow. Prěnju hru dnja přećiwo něhdyšim koparjam Sokoła dobychu hrajerjo trenarja Franka Ričela z 3:0, druhu pak z 0:1 přećiwo prěnjej Ralbičanskej gardźe přěhrachu. Foto: Jan Hrjehor

11. firmowy běh z přizjewjenskim rekordom

Mittwoch, 05. Juli 2023 geschrieben von:

W Budyšinje wotmě so minjenu srjedu 11. firmowy běh (SN informowachu). Organizował bě jón MSV Budyšin 04 z.t. Wuhotowarjo móžachu so zdobom nad rekordnej ličbu starterow wjeselić, wšako běše so lětsa 1 396 sportowcow za běh přizjewiło. Tež sydom sobudźěłaćerjow a sobudźěłaćerkow Serbskeho instituta bě nastupiło. Na swojich specielnje za běh naćisnjenych zelenych T-shirtach běše bukowy štom widźeć, pod kotrymž steješe mjeno mustwa – „Serbske heje“. Ideja za motiw, kotryž bě Marleen Schindler naćisnyła, wuchadźa z lětsa w instituće załoženeje iniciatiwy „Zeleny institut“. Z iniciatiwu chcedźa so sobustawojo za naslědnosć w najwšelakorišich wobłukach w instituće zasadźić.

Nowe zestawy staflow

Mittwoch, 05. Juli 2023 geschrieben von:

Přez prezidij Zapadołužiskeho koparskeho zwjazka bu staflowe rozdźělenje mužace cyłki za nowu sezonu wobkrućeny. Hrajny wuběrk skedźbnja hišće raz na to, zo su na 1. hrajnym dnju změny hrow z přihłosowanjom přećiwnika darmotne. Staflowe hrajne plany wozjewja so w přichodnych 14 dnjach, ručež je přidźěło Sewjerowuchodneho a Sakskeho koparskeho zwjazka dóšło. Jurij Bjeńš

Wokrjesna wyša liga 2023/2024

1. ST Horni kraj Sprjewja

2. Módro-běli Kulow

3. Biskopičanske KT II

4. KT Ottendorf-Okrilla

5. ST Radwor

6. Hlinowske SC

7. Sokoł Ralbicy/Hórki

8. SC Großröhrsdorf

9. ST Hnašecy-Dobruša

10. TSV Połčnica

11. Natwar Němske Pazlicy

12. SZ Großnaundorf

13. Drohotka Ramnow

14. TSV Wachau

15. ST Ćisk

16. HZ Łaz/Běły Chołmc

Jubilejny koparski turněr

Dienstag, 04. Juli 2023 geschrieben von:

We wobłuku stotych narodnin sportoweho towarstwa Sokoł Ralbicy/Hórki kopachu njedźelu popołdnju tři cyłki wo dobyće. Nimo prěnjeho mustwa delanskich koparjow a Serbskeho mustwa, namaka so tež 15 něhdyšich hrajerjow Sokoła Ralbicy/Hórki a tworješe z tym třeće mustwo. Sudniski kolektiw z Měrćinom Ćóšku, Pascalom Budarjom a Enricom Försterom wjedźeše wšitke tři partije à 45 min.

Za Sokoł Ralbicy/Hórki hrajachu: Christoph Gloxyn, Titus Žur – Pius Šołta, Křesćan Bejmak, Florian Ričl, Balthasar Heidorn, Aleksander Wałda, Pětr Domaška, Dawid Šołta, Stani Šewc, Denny Gloxyn, Tomaš Rawš, Paul Rachela, Michał Matka, Antonius Wałda, Filip Šiman, Toni Kunze, Měrćin Kurjat, Fabian Korjeńk a Adrian Woko

za něhdyšich Sokołow hrajachu: Willi Schöne – Stefan Bjeńš, Pětr Hajdan, Uwe Młynk, Frank Młynk, Fabian Pöpel, Alexander von Köding, Martin Schöne, Michał Šrajer, Fabian Ćěsla, Matijas Möller, Damian Matik, Jeffrey Raab a Antonius Škoda

We wobłuku 45. ADAC motocrossa je němsko-francoska dwójka Tim Brümmer/Rodolphe Lebreton njedźelu w Jaworje na motocrossowej čarje „Při Kaponicy“ wobaj běhaj lětušeho němskeho mišterstwa pobóčnych wozow dobyła. Pjatu z cyłkownje wosom stacijow dominowaše tež pólski kwadpilot Roman Gwizda na swojim Yamahakwadźe. Na woběmaj dnjomaj sćěhowaše w Jaworje běhi krajnych młodźinskich hrow a němskeho mišterstwa 3 700 přihladowarjow. Foto: Konstantin Hrjehor

Serbska debata

Neuheiten LND