Wuslědki (05.01.23)
kopańca, wokrjesna klasa, stafla III
1. HZ Nadrózna Hrabowka 9 36 : 13 19
2. HZ Łaz/Běły Chołmc II 9 24 : 13 19
3. Běła/Cunners./N. Paz. III 9 16 : 14 14
4. ST Lubuš II 9 21 : 20 13
5. Ralbicy II/Njebjelčicy II 9 13 : 12 13
6. HZ Halštrow/Hlinowc II 9 20 : 21 13
7. Módro-běli Njeswačidło 9 22 : 26 12
8. Jednota Kamjenc II 9 19 : 18 11
9. Mały Wosyk/Pančicy II 9 17 : 25 9
10. W. Dubrawa II/Radw. II 9 7 : 33 3
Liški z triumfom lěto zakónčili
Łužiske lodohokejowe liški –
EC Bad Nauheim 6:4 (1:0, 5:1, 0:3)
Po třoch poražkach w zašłych třoch partijach, bě poslednja hra w lěće 2022 tola hišće dobry wukónc za Liški wzała. Běła Woda startowaše z wjele hněwom zašłeje hrě w brjuše. Tak dyrbješe hakle 17lětny wrotar hosći Leon Willerscheid hižo w prěnich 180 sekundach tři dobre třělwy parěrować. A dołho njetraješe to wuwojowa sebi kapitan Clarke Breitkreuz tačel z róžka a suny ju do haski, z kotrejež Hunter Garlent k 1:0 trjechi. Tute nawjedowanje bě jasnje zasłužene. Wězo hosći nětko wjele wjace inwestowachu, tola snadny 1:0 dale wobsteješe.
Interny turněr skónčnje zaso přewjesć móhli
Po tym, zo přewjedźechu so w Ralbičan ćěłozwučowarni hižo wot ranja tři dorostowe koparske turněry, zhromadźichu so po tym wječor wot 18 hodź. koparjo Sokoła Ralbicy/Hórki k internemu turněrej. Tón wšak so hižo tradicionelnje kóžde lěto mjez hodami a silwestrom přewjedźe.
Dokelž hišće tójšto dźěći a tež staršich po turněrje młodźiny D w hali wosta, běše trawersa Ralbičanskeje tribuny tež derje pjelnjena. Prjed hač so turněr zahaji, wulosowa trenar prěnjeho mustwa Krystof Gloxyn w kabinje dwaj teamaj muži. Tak nasta čerwjeny a žołty team. Tež stare knjezy stajištaj dwě mustwje a nimo toho tworichu hišće trenarjo juniorow kaž tež młodźina B dalšej cyłkaj.
Liški w Landshuće podleželi
EV Landshut –
Łužiske lodohokejowe liški 5:3
(2:2, 1:0, 2:1)
55. Budyski silwesterski běh
Wospjet tójšto serbskich sportowcow posledni dźeń lěta w měsće
Budyski silwesterski běh 2022 měješe nimale zaso ličbu wobdźělnikow kaž w lěće 2017. Tehdom bě so 325 běharkow a běharjow na nim wobdźěliło, loni, potajkim 2022, cyłkownje 307. Bjerješ-li statistiku zašłych lět jako zakład, by ličba wjetša być móhła. Zamołwići sportoweho towarstwa Čerwjeno-běli 90 Budyšin pak běchu přiwšěm jara spokojom. Tež w lěće 2022 běštej start a cil zaso w stadionje Młynkec łuka.
Halowe koparske turněry dorosta
Mjeztym je hižo z tradiciju, zo přewjeduja so w Ralbicach mjez hodami a nowym lětom halowe koparske turněry serbskich juniorowych mustwow starobnych klasow F, E a D. Tak přeprosychu sej Ralbičanscy Sokoljo na tute tři wubědźowanja koparske cyłki z Njebjelčic, Chrósćic, Pančic-Kukowa a Radworja. W modusu „kóždy přećiwo kóždemu“ wuhrawachu tak stajnje 15 partijow. Tule małe zjeće wšěch wubědźowanjow.
Turněr młodźiny F
Hač na koparjow Marijineje Hwězdy, kotřiž pak lětsa tež z młodźinu F scyła wonka na trawniku wo dypki njewojuja, wšitke mustwa dypkownje k prěnjemu turněrej do Ralbičanskeje ćěłozwučowarnje přichwatachu. Klóšterskich koparjow narunachu mali koparjo z Wóslinka/Skaskowa. Za někotrych z přitomnych hrajerkow a hrajerjow běše to prěni koparski turněr w hali a tuž bě wjeselo na mjezwočach jednotliwcow jara widźeć. Wšitke hry běchu napjate a dosć wurunane. Žana partija so z wjac hač třomi wrotami rozdźěla njeskónči. Zasłuženy dobyćer turněra běchu na kóncu Chróšćenjo, wosebje dobreje defensiwy dla.
Kónčny wuslědk:
1. Chrósćicy 8:2 13
2. Ralbicy běli 9:4 11
29. halowy koparski turněr wo pokal CDU we Worklecach
Chróšćenjo třeći króć dobyćerjo – smědźa sej pokal zdźeržeć
Po dwěmaj lětomaj přestawki přeprosychu sej Worklečenjo 30. hodownika zaso na tradicionelny halowy turněr wo pokal gmejnskeho zwjazka CDU do tamnišeje sportownje. Přeprošenju běchu mustwa z Róžanta, Noweje Wjeski, Serbskich Pazlic, Chrósćic, Pěskec a Worklec sćěhowali. W prěnjej stafli přesadźištej so mustwje Worklecy młodźina II a Worklecy ženjeni do połfinala. W druhej stafli wuwojowachu sej Chróšćenjo a Pěskečenjo tiket za semifinale. Tak nastupichu w prěnim połfinalu Chróšćenjo přećiwo ženjenym Worklečanam a w druhim połfinalu Pěskečenjo přećiwo druhemu mustwu Worklečanskeje młodźiny. Chróšćenjo zamóchu połfinale z 4:0 jasnje za sebje rozsudźić. Dalšu hru wo zaćah do semifinala mustwo z Pěskec snadnje z 2:1 doby. W małym finalu sej Worklečanska młodźina II potom třeće městno zdoby. Hra skónči so z 5:2 za hosćićela.
Widźał, słyšał, napisał (02.01.23)
,,Strowe nowe lěto a njech so wam wšike waše přeća a předewzaća spjelnja“, to přeju wam, lubi čitarjo našeje póndźelnišeje sportoweje kolumny, w mjenje sobustawow Sportoweje jednotki Widźał-Słyšał-Napisał lěta 2023. A slubju wam, zo budźemy so stajnje prócować wěrjepodobne přinoški napisać, tež hdyž so pola někotrych hdys a hdys poslednje słowo druhdy ,,wuměni“. Potajkim žane fake news!
Wěrne nažel je, zo zemrě před něšto dnjemi drje najznaćiši swětowy kopar Pelè. W poslednich dnjach mnozy wo nim rozprawjachu a na njeho spominachu. Sym raz za tym pytał, čehodla rěkaše Pelè runje Pelè? Cyle jasne drje so to dopokazać njemóže, ale w swojej awtobiografiji pisa sam, zo bě wobdźiwar ,,Bilè“, wrotarja mustwa Vasco Sao Lorenco. Měješe pak ćeže při wurjekowanju mjena a tak nasta z ,,Pilè“ skónčnje ,,Pelè“. Připódla prajene, znaju serbskeho koparja z přimjenom ,,Pile“. Zwažu sebi prajić, zo z njeho žadyn Pelè njebudźe.
Sport (30.12.22)
Silwesterske běhi w Budyšinje
Na poslednim dnju lěta 2022 přewjedu so w Budyšinje 55. silwesterske běhi. Zamołwići Budyskeho lochkoatletiskeho sportoweho towarstwa Čerwjeno-běli 90 maja tři čary w poskitku: 2,6; 5,4 a 10,8 kilometrow. Start a cil wšitkich běhow budźetej zaso w stadionje na Młynkec łuce, a to wot 9.30 hodź. Přizjewjenja su tež jutře na městnje hišće móžne.
Liški hraja dźensa doma
Po poražce 3:5 pola EV Landshut srjedu su so Łužiske lodohokejowe liški zaso do Běłeje Wody wróćili, zo bychu dźensa po seriji třoch poražkow zaso raz dypkowali. Do Łužicy přijědźe štwórty z DEL2 EC Bad Nauheim. Budźe to prěnja z třoch domjacych hrow w běhu jednoho tydźenja.
30.12. 19:30 Łužiske liški –
EC Bad Nauheim
03.01. 19:30 Łužiske liški –
LP Crimmitschau
06.01. 19:30 Łužiske liški –
Wjelki Selb
Wukubłaja nowych sudnikow
Žane dypkik hodam
Łužiske lodohokejowe liški – EHC Freiburg 0:4 (0:0, 0:2, 0:2)
