Na 31. Hušćanskich parkowych běhach je so tež tójšto serbskich běharkow a běharjow wobdźěliło. Romanej Měrćinkej z Baćonja (nalěwo) poradźi so w jeho sk triumf na distancy 14,6 kilometrow. Manuela Jurkowa z Łupoje (srjedźa) doby w starobnej klasy (sk) běh na čarje 7,3 kilometrow. Jurij Nuk z Budyšina (naprawo) je 7,3 km běžał a tohorunja třeće městno w sk wobsadźił a Handrij Bejmak ze Sćijec bu na samsnej čarje třeći w swojej sk.Jörg Stephan

Přećiwnik sylniši był

Montag, 23. Mai 2016 geschrieben von:

Sokoł Ralbicy/Hórki

– LSV Hory 1990 1:2 (0:1)

Zestawa domjacych: Gloxyn – von Köding (74. Matka), St. Bjeńš, Lulak, Korjeńk, Wałda, Schultz, Šewc, Šołta, Bejmak (74. M. Kurjat), Domaška

Wjac hač 100 přihladowarjow dožiwi wčera w Ralbičanskim Stadionje přećelstwa načolnu koparsku hru mjez Sokołom Ralbicy/Hórki a tabulkowym susodom z Horow. Kaž hižo w minjenych tydźenjach dyrbjachu domjacy někotrych hrajerjow zranjenja dla narunać. Tak přewza tež hnydom hósć z Horow komando a daše bul cyle měrnje w swojich rjadach běžeć. Sokoljo njemějachu scyła wulce móžnosć, sej jón wudobyć. Dwójce pak so jim to poradźi a hnydom startowachu strašne kontery. Fabian Korjeńk kaž tež Antonius Wałda pak najlěpše šansy wuwostajištaj. Na tamnym boku zadźěwa Gloxyn z dwěmaj wulkotnymaj paradomaj zastatkej, w 33. min. pak bě bjezmócny. Wotfalšowana flanka docpě swobodnje stejaceho Pohla, kiž z dźesać metrow fulminantnje přetwori.

Tri-team wuspěšny

Montag, 23. Mai 2016 geschrieben von:
Serbscy triatleća Beno Šołta z Miłoćic, Marian Žur a Daniel Matka z Lejna su so na 21. błótowskim duatlonje w Brjazynje nad jazorom wobdźělili. Wšitcy třo startowachu na ludosportowej distancy 5km běhanje – 22km kolesowanje – 2km běhanje. Cyłkownje bě 117 sportowčow a sportowcow cil doc­pěło. Po sylnym běhanskim wukonje na prěnjej a druhej běhanskej čarje zaměstni so Šołta w cyłkownym hódnoćenju na 10. městnje, z čimž bě jara spokojom. „Njejsym dwaj a poł měsaca trenować móhł, dokelž běch w dowolu a mějach nimo toho ćeže z Achillesowym paskom. Hladajo na to sym jara spokojom“, Šołta rjekny. Wón steješe w Błótach samo na podesće, dokelž bu w swojej sk druhi. Tež Marianej Žurej a Danielej Matce poradźi so w jeju sk skok na dobyćerski podest: Žur bu třeći, Matka druhi. Jurij Bjeńš

Po wurjadnych wuslědkach volleyballistow Serbskeho gymnazija Budyšin (SGB) w hali wubědźuja so woni nětko w pěsku, a to we wobłuku wuchodosakskeho finala. W Budyskej Sprjewinej kupjeli započachu so regionalne wurisanja ze starobnej skupinu III, w kotrejž su sej beachvolleyballisća SGB slěbro wuwojowali.

Widźał, słyšał, napisał (23.05.16)

Montag, 23. Mai 2016 geschrieben von:

Awtor dźensa

Toni Ryćer

Što by sport był bjez zahoritych přiwisnikow? Někotryžkuli wuběrny wukon njehodźał so bjez podpěry přihladowarjow docpěć. Tež hdyž je to husto z wulkimi wudawkami zwjazane, wo trěbnym swobodnym času nochcu scyła rěčeć, jězdźa ludźo rady sta kilometry, zo bychu swojim idolam bliscy byli a jim přiwyskali. Podobnje budźe to w juniju, hdyž so Serbja do Južneho Tirola nastaja, zo bychu łužiskej koparskej mustwje pohonjeli. Wězo njeda so to přirunać z wulkimi wubědźowanjemi, kaž na přikład w zwjazkowej kopańcy abo w motorsporće, zmysł pak je samsny a na wotpowědnej euforiji njebudźe falować, toho sym sej wěsty. Nimo toho da so wulět do Italskeje zwjazać z dowolom w krasnej krajinje. Móžu to woprawdźe horco do­poručić. Znaju kónčinu wokoło Puster-Garder- a Ahrntala, hdźež so europeada wotměje, z někotrych zymskich dowolow. Bohužel njemóžu sobu. Sym runje w tym času na motorsportowych wubědźowanjach w Francoskej a Němskej zasadźeny.

Wuslědki (23.05.16)

Montag, 23. Mai 2016 geschrieben von:

Wokrjesna koparska liga, stafla III

Arnsdorf – Marijina hwězda 1:2 (0:1)

Němske Pazlicy – Ottendorf/L. 2:4 (1:2)

Njebjelčicy – Sepicy3:2 (1:1)

Haselbachtal – Hlinowc 4:2 (3:1)

1. Ottendorf/Liegau 22 54  : 22 53

2. Frankenthal 22 66  : 31 52

3. Großnaundorf 23 66  : 31 48

4. Arnsdorf 24 58  : 27 42

5. Großröhrsdorf II 22 42  : 28 39

6. Marijina hwězda 22 67  : 44 36

7. Njebjelčicy 23 44  : 36 35

8. Haselbachtal 23 51  : 54 35

9. Sepicy 22 58  : 55 32

10. Němske Pazlicy 22 35  : 47 27

11. Hlinowc 22 32  : 56 17

12. Wóslink/Skaskow 22 27  : 60 12

13. Großharthau 22 23  : 67 12

14. Großdrebnitz 23 24  : 89 10

Wokrjesna wyša koparska liga

Kulow – Wjelećin3:2 (1:2)

Bukecy – Chrósćicy4:1 (0:0)

Hnašecy – Ćisk1:0 (0:0)

Ralbicy/Hórki – Hory1:2 (0:1)

1. Chrósćicy 30 69  : 30 69

2. Hory 29 72  : 35 56

3. Ralbicy/Hórki 29 67  : 32 52

4. Großröhrsdorf 29 73  : 52 52

5. Rakecy 29 62  : 45 51

6. Hnašecy 29 68  : 40 49

Sport (20.05.16)

Freitag, 20. Mai 2016 geschrieben von:

Hry wo volleyballowy pokal

Regionalny zwjazk Domowiny Delnja Łužica wuhotuje sobotu, 28. meje, w Prjawozu (Fehrow) volleyballowy turněr. Hrać budźe so wo pokal župy Delnja Łužica. Turněr započnje so w 9 hodź. Přizjewjenja su hišće hač do 24. meje pod móžne.

Kolesować po putniskim puću

Kamjenski Bikehouse poskići njedźelu kolesowansku turu po putniskim puću ze Zhorjelca do Kamjenca. Čara je něhdźe 90 km dołha. Wo ćělne derjeměće ma so kóždy sam starać. Start budźe we 8 hodź. w Zhorjelcu. Štóž chce, móže w 7 hodź. z Kamjenca z transporterom sobu jěć.

Koparske dypkowe hry

21.05. 14:00 Budissa – Berlinski AK

21.05. 15:00 Bukecy – Chrósćicy

21.05. 15:00 Arnsdorf – Marijina hwězda

22.05. 15:00 Radwor – HZ Budestecy

22.05. 15:00 Njebjelčicy – Sepicy

22.05. 15:00 Ralbicy – Hory

Parkowe běhi

31. Hušćanske parkowe běhi wotměja so jutře, 21. meje, a to w 16 hodź. Atle­ća wubědźuja so na distancach 1 km/2 km/7,3 km a 14,6 km.

Posledni volleyballowy turněr

Dobry skutk znjewužiwali

Donnerstag, 19. Mai 2016 geschrieben von:

Sokoł Ralbicy/Hórki II

– ST Ćisk II 2:4 (0:2)

Zestawa domjacych: Cyž – Materna, M. Matka, Brězan (65. Serbin), Młynk, Čornak, Šołta, Krawc (46. Šrajer), J. Matka, Šmit

Poprawom měješe so tale koparska hra 1. meje wotměć, tón dźeń pak přewjeduja w Ćisku turněr firmow. Próstwje, hru na swjatki přepołožić, je Sokoł Ralbicy/Hórki wotpowědował. To pak njebě najskerje najlěpši rozsud. Prěnje mustwo měješe wězo swobodne a Ćišćanska rezerwa zesylni so z hrajerjemi U 23. Michał Čóška, trenar koparjow Sokoła, přećiwnika z prěnjeje hry hižo njespózna.

Hosćo hru wot spočatka postajachu. K prěnim wrotam dóńdźe po róžku. Tón bu dosrjedźa wotwobarany a Heinecke prasny bul wolej do hornjeho třiróžka. Cyž njeměješe žanu šansu. W 35. min. njezamó Sokoł wotzamknyć, a tak dóńdźe ke konterej. Heinecke přihra bul spěšnemu Kossowej, kiž k 0:2 do dołheho kuta­ přetwori. Jakubaš měješe jeničku składnosć w prěnim połčasu, tola jeho pospyt dźěše wyše klětki.

Po Ralbičanskim volleyballowym turněrje „Witamy nalěćo“ srjedź apryla slědowaše nětko dalše wubědźowanje při wysokim saku, a to wo pokal spěchowanskeho towarstwa Serbskeho gymnazija Budyšin (SGB). Zwjesela, zo serbscy volleyballisća prawidłownje na šěsć tajkich turněrach wo dypki wojuja. A kaž přeco je wulkotna sportowa atmosfera na hrajnišću a tež pozdźišo při mytowanju zaso rjany wječor zaručiła. Zamołwity za turněr, sportowy wučer SGB Měrko Korjeńk, witaše pjeć cyłkow do sportownje Budyskeho šulskeho a zetkawanskeho centruma a z wosebitym přikleskom pjeć volleyballistkow. Škoda, zo běchu abiturienća lěta 1996 – dobyćerjo lěta 2012 a 2013 – strowotnych přičin dla wotprajili. Tradicionelnje hraješe kóždy přećiwo kóždemu dwě sadźbje, a to po wosom mjeńšinach. Na kóncu juskachu wólnočasni volleyballisća Viktorije Worklecy, kotřiž běchu prěni raz tónle turněr dobyli. Mustwje ST 1922 Radwor a pedagogojo SGB mějachu z 9:7 samsnu ličbu sadźbow, ale při wuličenju diferency wšěch wuhratych dypkow běchu Radworčenjo ći lěpši. Najmłódši team wječora, šulerjo 11.

Koparki SGB slěbro dobyli

Mittwoch, 18. Mai 2016 geschrieben von:

We wurisanju „Młodźina trenuje za olympiju“ wotmě so w Großröhrsdorfje regionalne finale koparkow w starobnej skupinje IV. Šulerki 5. a 6. lětnika Serbskeho gymnazija Budyšin (SGB) podležachu tam holcam Goethoweho gymnazija Biskopicy 1:7 a docpěchu slěbro.

Serbska debata

Neuheiten LND