Wuslědki (01.06.15)

Montag, 01. Juni 2015 geschrieben von:

Kopańca, krajna liga

Biskopicy – Póst Drježdźany 4:1 (2:1)

Döbeln – Zhorjelc 0:3 (0:1)

Hohenst.-Ernstthal – Kamjenc 1:1 (0:0)

Markkleeberg – Heidenau 4:1 (2:1)

FSV Zwickau II – BSG Chemija 2:3 (2:1)

1. BSG Chemija 27 52 : 25 55

2. FC International 27 59 : 33 55

3. Biskopicy 27 47 : 22 54

4. FC Eilenburg 27 42 : 24 48

5. FC Grimma 27 54 : 34 46

6. Wocl Riesa 27 34 : 31 43

7. Zhorjelc 27 43 : 31 41

8. BSC Freiberg 27 50 : 46 38

9. Hohenstein-Ernstthal 27 40 : 44 36

10. Heidenau 27 38 : 39 35

11. FSV Zwickau II 27 41 : 37 34

12. Kamjenc 27 30 : 29 32

13. Markkleeberg 27 43 : 41 31

14. Glauchau 27 50 : 66 27

15. Döbeln 27 24 : 89 11

16. Póst Drježdźany 27 26 : 82 6

wokrjesna wyša liga

Połčnica – Póst Budyšin 4:0 (1:0)

Bukecy – Hnašecy 5:4 (2:3)

Kumwałd – Wachau 6:3 (4:1)

Ramnow – Biskopicy II 0:0 (0:0)

Sepicy – Kulow 3:5 (0:4)

Wojerecy 1919 – Großröhrsdorf 0:3 (0:0)

1. Biskopicy II 27 89 : 28 60

2. Ćisk 27 76 : 30 56

3. Großröhrsdorf 27 72 : 38 56

4. Póst Budyšin 27 66 : 59 52

Widźał, słyšał, napisał (01.06.15)

Montag, 01. Juni 2015 geschrieben von:

Awtor dźensa

Křesćan Korjeńk

„Je kónc, je kónc, je ze wšěm­ kónc ...“ Ně, ně, nochcu tu žanu paniku šěrić. Definitiwnje pak je so po sobotnej pokalnej hrě skónčił čas trenarstwa Jürgena Kloppa pola žołto-čornych z Dortmunda. Emocionalne to wokomiki po wothwizdanju poslednjeje kopar­skeje partije pod jeho zamołwitosću. Ćim bóle hišće, dokelž so nichtó rady z poražku njeroz­žohnuje. Na kóncu běše mustwo z Wolfsburga rezolutniše a je swoje šansy efektiwnje wužiwało. Klopp je šoł – dokal pak póńdźe, wě dotal snano je­ničce wón. Hač drje w tajkich situa­cijach jenič­ce pjenjezy rozsudźa? Bórze smy mudriši, ale spekulacije so wšědnje w medijach šěrja. Mnozy Jürgena Kloppa lubowachu, snano runje telko jeho nje­lubowaše. Wón je wjele zdokonjał, ale to su­ mjeztym wšitko stawizny.

Minjeny pjatk smy w Ralbicach tež pohladali kusk do šulskich stawiznow. 40lětne wobstaće tamnišeje serbskeje šule je tež ze sportom wusko zwjazane. To wědźachu wšelacy hosćo hódnoćić, jako dari­chu kubłanišću sportowe bule.

Sport (29.05.15)

Freitag, 29. Mai 2015 geschrieben von:

Běhi po lěsu a parku

ST Huska přewjedźe njedźelu w tamnišim parku jubilejne 30. parkowe běhi. Wobdźělnicy wubědźuja so na kołokursu po lěsu a parku. Wšelake distancy startuja w slědowacych časach: 1,0 km w 9.30 hodź., 2,0 km w 9.45 hodź., 6,5 km w 10.30 hodź. a 13,0 km w 10.30 hodź.

Beachvolleyballowy turněr

Dekanatne dušepastyrstwo młodźiny přeproša sobotu, 6. junija, wot 15 hodź. na beachvolleyballowy turněr do Ralbic. Mustwa njech so prošu w Don Boskowym domje pod telefonowym čisłom 035796/ 95 995 abo na Facebookowej stronje „Referentka Dekanatna Młodźina Worklecy“ přizjewja. Hry budu, jeli so znajmjeńša štyri mustwa přizjewja.

Beachvolleyballowa liga

W Róžeńće wotměje so zajutřišim, njedźelu, dalši hrajny dźeń serbskeje beachvolleyballoweje ligi. Wot 14.30 hodź. nastupja tam sćěhowace cyłki: Beno Šołta/Metod Šołta, Maćij Šěn/Daniel Gal a Jurij Hantuš/Jakub Langa.

Monarchojo wočakuja Lawy

Footballowy team Dresden Monarchs pohosći sobotu, 6. smažnika, w 15 hodź. doma w Heinza Steyerowym stadionje mustwo New Yorker Lions z Braunschweiga. W teamje Drježdźanskich footbal­listow hrajetaj Serbaj Jan Pjetaš a Magnus Bětka.

Hraje w najwyšej footballowej lize Němskeje

Donnerstag, 28. Mai 2015 geschrieben von:

Mysliš-li tam na wukonowy sport w sakskej stolicy, da mjenuješ zawěsće mustwje Dynamo Drježdźany abo Drježdźanski SC. Wonej běštej hižo po cyłej Němskej wuspěšnej. Mustwo Drježdźany Monarchs, kotrež hraje w najwyšej footballowej lize Němskeje, je wšak jeničce woprawdźitym ekspertam zapřijeće. Młody Serb Jan Pjetaš w nim hraje. Stephan Möller je rodźenemu Chróšćanej někotre prašenja k tróšku eksotiskemu sportej stajił.

Předstajće so prošu najprjedy čitarjam SN. Što činiće powołansce resp. we wólnym času?

J. Pjetaš: Sym 24 lět stary a bydlu tučasnje w Drježdźanach, hdźež studuju na techniskej uniwersiće we wosmym semestrje techniku powětroweho a swětnišćoweho lětarstwa. W swobodnym času podawam kursy za wutworjenje muskulatury w fitnesowym centrumje našeje uniwersity. Fitnesowy sport je zdobom mój wulki hobby.

Njejsće jenož w fitnesowym studiju aktiwny. Hrajeće tež za Drježdźany Monarchs w najwyšej footballowej lize Němskeje. Kak sće runje na tule w kraju jara njepopularnu sportowu družinu přišoł?

48. volleyballowe mišterstwo wučerskich mustwow před rozsudom

Pedagogojo Budyskeho wokrjesa wotměchu minjeny tydźeń třeći hrajny dźeń volleyballoweho mišterstwa w sportowni Serbskeho šulskeho a zetkawanskeho centruma (SŠZC) w Budyšinje. Serbskej cyłkaj wobkrućištej znowa z dobyćemi swoju dominowacu rólu w tutej bulosportowej družinje (hlej tabulku). To zajimawe je, zo rozsudźi direktny duel 24. junija w Lubiju mjez Serbskim gymna­zijom Budyšin (SGB) a kombinowanym cyłkom SŠZC aktualne mišterstwo. Skónči-li so partija 2:1, maja samo wučerjo 5. SŠ-eks/Melanchthonowy gymnazij Bu­dyšin šansu na cyłkowne dobyće, jeli swoju hru 2:0 dobudu. Tak je hižo dźensa brizantny wukónc zaručeny.

SŠZC – 5. SŠ-eks/Melanchthonowy gym­na­zij 2:1 (22:25, 25:19, 15:7)

We wokrjesnym pokalnym finalu

Mittwoch, 27. Mai 2015 geschrieben von:
316 přihladowarjow je minjeny pjatk połfinalnu hru wo wokrjesny ko­parski pokal muži mjez SV Großnaundorfom a Módro-běłymi Kulow widźało. Hižo w 4. min. hosćićel­ nawjedowaše. Hišće do połčasa pak Kulow přez Kubańka a Libša wuruna a na 2:1 zwyši. Módro-běli su nětko w finalu. Tam čakaja na nich koparjo ST Kinspork­/Łužnica, kotřiž su so přećiwo SC Großröhrsdorfej po třělenju jědnatkow z 10:9 přesadźili. Foto: Werner Müller

Z prózdnymaj rukomaj a čerwjenej kartu

Mittwoch, 27. Mai 2015 geschrieben von:

FSV Budissa Budyšin –

BFC Dynamo 0:2 (0:1)

Zestawa domjacych: J. Jakubov – Kolan, Fröhlich, Patka, Kral (35. Johne), Walther, Schikora, Rosendo (66. Kotyza), Reher, Höer, Salewski (68. Schwitzky)

Trenarjej Tomašej Henčlej pobrachowaštaj w hrě zranjenaj koparjej Hoßmang a Vrabec. Najebać to pak chcychu Budyšenjo BFC Dynamo doma přewinyć. 1250 přihladowarjow, kotřiž běchu njedźelu popołdnju na Młynkec łuku přichwatali, dožiwi spodobnu partiju re­gionalneje ligi. Budissa startowaše derje do hry a měješe přez Walthera (3.), Rehera (9.), Krala (10.) a Patku (18.) hnydom wjacore jara dobre składnosće. Po 20 mjeńšinach so Berlinske mustwo po­lěpši. Jakub Jakubov pak njeda so pře­winyć. Jónu wotkopny Kolan bul wot wrotoweje linije (20.). Zmylka w škiće domjac­ych dla dóńdźe k nawjedowanju za BFC (33.). Krótko po tym dyrbješe trenar­ Henčl Krala wuměnić (35.). Njebjelčan bě sej nós złamał.

Wokoło Bjerwałdskeho jězora su swjatki njedźelu zaso běhali a skatowali. Najlěpši Serb na distancy 10 kilometrow bě Jakub Čórlich z Němcow. Wón bu cyłkownje štwórty a w swojej starobnej skupinje (sk) prěni. Beno Šołta z Miłoćic doběža na 14. městnje, w swojej sk na druhim, a Marian Žur z Lejna bu 23cety a w sk třeći. Jurij Nuk z Budyšina je na čarje 10 km startował a w sk 80-84 lět dobył. Klawdija Hejdušcyna z Hory doběža połmarathon jako štwórta a bě w swojej sk druha. Na 5 km docpěštaj Larissa Měrćinkec z Chelna 3. městno w sk a Roman Měrćink z Baćonja druhe.
SN

Wurjadny dźeń za wuhotowarja był

Dienstag, 26. Mai 2015 geschrieben von:

35. swjatkowny turněr kopańcy w Pěskecach

Při najrjeńšim wjedrje – njebě přećopło a nic přezyma – wojowaše wčera, póndźelu, wosom koparskich mustwow w Pěskečanskim „stadionje k dźiwjej rancy“ wo swjatkowny koparski pokal. Jako Jurij Matka-senior, kultowy stadionowy rěčnik, cyłki na turněr witaše, běše po jeho měnjenju hižo 5 000 přihla­do­warjow přitomnych. Na kóncu zliči wón z kapsnym ličakom něhdźe 10 000; hnydo­m pak přizna, zo njeje sej při mnóstwje nulow cyle tak wěsty.

Přewjele chwile k ličenju wšak moderator nje­měješe, wšako dyrbješe hry ze swojim kolegu intensiwnje sćěhować a komentować. Wrota ze zdalenosće 50 metrow, njewšědne zmylki wrotarjow, kuriozne samowrota, přetřělene jědnatki, tójšto krasnych koparskich scenow a napjate duele hač do poslednjeje sekundy – wšo to­ tworješe zakład zajimaweho 35. swjatkowneho turněra w Pěskecach.

Radworscy koparjo derby dobyli

Dienstag, 26. Mai 2015 geschrieben von:
Koparjo ST 1922 Radworja su domjacy derby přećiwo ST Wulkej Dubrawje ze 4:2 dobyli. Wrota trjechili běchu Franc Winar, Daniel Nuk (dwoje) a Tom Schulze, za hosća Maximilian Hoibik (dwoje). Foto: Jörg Stephan

Anzeige