Jasna poražka bjez wulkich šansow
SC Wulke Rědorjecy –
Sokoł Ralbicy/Hórki 5:0 (4:0)
Zestawa hosći: Schöne – Heidorn, Šewc, P. Woko – Mikławšk (60. P. Šołta), A.Woko (36. Schultz), D. Šołta, Mjechela (36. Bejmak), N. Šnajder (66. L. Heidorn) – R. Šnajder (36. Korjeńk), Hicka
Zeleny štwórtk wječor dyrbjachu delanscy koparjo we Wulkich Rědorjecach šwarne fiasko dožiwić. Poprawom měješe so wony duel hižo w februarje wotměć, zmjerzka dla pak běchu jón na zeleny štwórtk přesunyli. Sokoljo drje dyrbjachu toho abo tamneho zranjeneho hrajerja narunać, najebać to pak ze sylnej zestawu startowachu.
Serb z Parisa do Roubaixa kolesował
Šunowčan Stefan Möller je zašłu sobotu w Francoskej kolesowarsku jězbu profikolesowarjow, tak mjenowanu „helu sewjera“, zabsolwował. Po starće w Parisu je serbski wutrajnostny sportowc 175 kilometrow dołhu čaru ze wšěmi 30, z horbatym plestrom wukładźenymi pasažemi do Roubaixa zmištrował. Lětuša tura Paris-Roubaix bě 123. nakład francoskeho dnjoweho kolesowarskeho wubědźowanja. Wone je dźěl UCI WorldTour 2026. Jězba Paris-Roubaix słuša kaž Mailand-Sanremo, kołojězba
po Flandernskej, Lüttich-Bastogne-Lüttich a Il Lombardia k tak mjenowanym monumentam kolesowarskeho sporta. Foto: Stefan Möller
Zamołwići koparskeho dorosta so zešli
Młodźinscy koordinatorojo Zapadołužiskeho koparskeho zwjazka (WFV) su so njedawno, kaž kóžde lěto, zešli. W Małym Wjelkowje je so team hosćićelskeho sportoweho towarstwa Mały Wjelkow 1920 wo wuběrne wuměnjenja postarał. Tón abo tamna z nimale 60 přitomnych z 45 towarstwow so nad ponowjenymi rumnosćemi dźiwaše. Wšitcy pak so dźakowano wutrobnej hospodliwosći jara derje čujachu. Prezident WFV Carsten Bergk a nawoda zetkanja, předsyda młodźinskeho wuběrka Andreas Lischke posedźenje z wutrobnymi postrownymi słowami zahajištaj a dźakowaštaj so wšitkim za jich čestnohamtske dźěło a sportowym přećelam we wšěch towarstwach za dźěło z dorostom. We wobłuku tři hodźiny trajaceho zetkanja wobrěčachu kaž přeco mjez sobu ramikowe wuměnjenja, kotrež maja přichodnu sezonu 2026/2027 za hrajny zawod zwjazowace być. Za to budźe młodźinski wuběrk WFV w bórze wšitke přihoty dorěčeć a rjadować.
Dźakujemy so wšitkim přitomnym za kaž přeco zaměrnu diskusiju z porjadnymi wuslědkami. Prosymy wuraznje wo daledawanje informacijow w towarstwach.
Wuslědki (14.04.26)
3. liga
Waldhof Mannheim – Duisburg1:4 (0:2)
Viktoria Köln – Wiesbaden 2:1 (2:0)
TSV Havelse – 1. FC Saarbrücken 2:0 (0:0)
Alemannia Aachen – Stuttgart II 3:1 (1:0)
Essen – Ingolstadt 04 4:1 (1:1)
Hansa Rostock – SSV Ulm 1846 5:1 (2:0)
Osnabrück – Energija Choćebuz 1:0 (0:0)
FC Rudne horiny Aue – SC Verl 1:1 (0:1)
1860 Mnichow – Regensburg 2:2 (1:2)
Skónčnje tři dypki za Chróšćanow
SJ 1981 Chrósćicy – KT Ottendorf-Okrilla 2:0 (0:0)
Zestawa domjacych: Škoda – L. Zahrodnik (90.+ 2 S. Handrik), Mark, Dźisławk, Zynda, Wićaz, G. Zahrodnik, F. Bjeńš (42. Graf / 71. Donat), Bogusz (85. Šiman), Hawš, C. Handrik (82. Wornar)
Kónctydźenske wuslědki (13.04.26)
Wyši koparski ligist, Biskopičanske KT, dyrbješe so sobotu doma w Biskopicach přećiwo poslednjemu tabulki, 1. FC Heiligenstadtej, z dypkom spokojić, byrnjež hosćićel hižo po dźewjeć hratych mjeńšinach 1:0 (1:0) nawjedował. W kónčnej fazy pak hosćo 1:1 (82.) wurunachu. Budissa Budyšin je wčera popołdnju přećiwo VFC Plauenej tohorunja 1:1 (1:1) hrała. Třělc hosćićelskich wrotow bě Steve Schröder (42.). Dwě klasy niže, w krajnej klasy stafla wuchod, su Němskopazličenjo doma přećiwo FSV Oderwitzej 0:2 (0:1) přěhrali.
We wokrjesnej wyšej lize Zapadołužiskeho koparskeho zwjazka zamóchu so Chróšćenjo z pincy tabulki wuswobodźić a přećiwo hosćom z Ottendorfa-Okrille 2:0 (0:0) dobyć (hlej rozprawu). Sobotu nastupja Chróšćenjo w Połčnicy přećiwo nowemu susodej w tabulce. Dalšej wuslědkaj nachwatanskeju hrow z wokrjesneje wyšeje ligi: Kulow – Hlinowc 2:0 (1:0) a Großnaundorf – Rakecy 2:3 (2:1).
Widźał,słyšał, napisał (13.04.26)
Je wutora do jutrow, wječor krótko po wosmich a sedźu w barje wosrjedź Roma. Běch sej na někotre dny do italskeje stolicy do dowola dojěł a so wonu wutoru dopomnich, zo wojuja wšako Italčenjo w Bosniskej a Hercegowinje wo jedyn z poslednich kwalifikaciskich lisćikow za lětuše swětowe mišterstwo w tutej wosebitej hrě. Domoródni wokoło mje komentuja kóždu akciju swojeje Squadra Azzurra – tak so narodne mustwo Italčanow tež mjenuje. Někotři maja samo italsku chorhoj na ramjenjomaj, hdyž hru slěduja. Italčenjo třěla prěnje wrota, kasěruja pak hišće w prěnjej połojcy čerwjenu kartu. Bosničenjo hišće krótko do kónca wurunaja. „Mamma mia“ – je husćišo słyšeć a mnoho dalšich wurazow, kotrež pak njemóžu falowacych rěčnych znajomosćow w italšćinje identifikować. Nimale wšitcy w barje sej w tutym wokomiku za hłowu přimaja. Tomu slědowace podlěšenje wostanje bjez wrotow. W třělenju jědnatku so na kóncu Bosničenjo přesadźichu. Euforija w barje a zawěsće nic jenož tam, ale runje tak na mnohich dalšich městnach kraja, so cyle spěšnje zhubi.
Wuslědki (13.04.26)
Wokrjesna wyša liga
Kulow – Hlinowski SK 1931 2:0 (1:0)
SJ Chrósćicy – Ottendorf-Okrilla 2:0 (0:0)
Großnaundorf – Rakečanske ST 2:3 (2:1)
1. Póst Germania Budyšin 21 53 : 2348
2. ST Hnašecy-Dobruša 21 47 : 26 48
3. Sokoł Ralbicy/Hórki 21 38 : 36 40
4. Rakečanske ST 21 49 : 34 39
5. SG Großnaundorf 21 50 : 33 38
6. SC Wulke Rědorjecy 21 57 : 3337
7. LSV Hory 21 57 : 5133
8. Módro-běli Kulow 21 42 : 3830
9. Zeleno-běli Bukecy 21 49 : 4628
10. Drohotka Ramnow 20 27 : 4522
11. TSV Połčnica 20 25 : 4421
12. SJ Chrósćicy 21 38 : 3819
13. Hlinowski SK 1931 21 43 : 60 19
14. FV Ottendorf-Okrilla 21 30 : 49 18
15. ST Horni kraj-Sprjewja 21 26 : 4915
16. TSV Wachau 21 27 : 53 13
Sport (10.04.26)
Dypkowe koparske hry
We wyšej koparskej lize budźe to dźensa, jutře a njedźelu obligatoriski hrajny dźeń. W nišich klasach pak dyrbja so hišće dalše dypkowe hry nachwatać. W Biskopicach nastupi jutře posledni tabulki a w Budyšinje njedźelu štwórty wyšeje ligi. We wokrjesnej wyšej lize změja Chróšćenjo znowa tak mjenowanu šěsćdypkowu hru přećiwo zestupej, hdyž přijědźe sobotu do Chrósćic tabulkowy susod z Ottendorfa-Okrille.
11.04. 14:00 Biskopičanske KT 08 –
1. SC 1911 Heiligenstadt
11.04. 13:00 Módro-běli Kulow –
Hlinowski SK
11.04. 15:00 SJ Chrósćicy –
KT Ottendorf-Okrilla
12.04. 14:00 Budissa Budyšin –
VFC Plauen
Wokrjesne pokalne koło
Sobotu a njedźelu přewjedu so w Lubušu, Porchowje, Pančicach kaž tež w Bretnigu-Hauswalde štwórćfinalne hry we wokrjesnym pokalnym kole Zapadołužiskeho koparskeho zwjazka. Z Pančičanami a Ralbičanami stej hišće dwaj serbskej cyłkaj mjez poslednimi wosmjomi. Wšitke finalne hry přewjedu so lětsa kónc junija w Ralbicach.
11.04. 15:00 ST Lubuš –
Póst Germania Budyšin
12.04. 14:00 ST Porchow –
Sokoł Ralbicy/Hórki
12.04. 14:00 ST Marijina hwězda –
ST Hnašecy-Dobruša
12.04. 15:00 Bretnig-Hauswalde –
TSV Połčnica
FC Energija wulkotnje wustupowała
FC Energija Choćebuz –
TSV 1860 Mnichow 3:0 (2:0)
FC Energija Choćebuz: Funk – Straudi (87. Lucoqui), Manu, Awortwie-Grant, Borgmann, Pelivan, Tolcay Ciğerci, Boziaris (60. Butler), Michelbrink (78. Cvjetinović), Engelhardt (78. Tattermusch), Hannemann (60. Rorig)
wrota: 1:0, 2:0, 3:0 Erik Engelhardt (29., 33., 66.)
Po wonkownym wuspěchu 3:0 w Havelse je FC Energija Choćebuz tři dny po tym znowa zasłužene dobyće docpěła a sej z tym wšitke šansy na postup do druheje zwjazkoweje koparskeje ligi zachowała.
Hra Choćebužanow přećiwo Mnichowčanam 15 500 domoródnych fanow Energije zahori. FC Energija pokaza wulkotne kombinacije, perfektnje agěrowaceju nutřkowneju škitarjow a jara wariabelne srjedźopólne akcije Yannisa Boziarisa a Dominika Pelivana. Wusahowacy hrajer na tutym koparskim wječoru bě nadběhowar Erik Engelhardt, kiž wšitke tři wrota docpě a kiž swoju kwotu wrotow sezony z tym na 19 zwyši.
