Na rozmołwje w stolicy
Drježdźany (SN). Předsyda frakcije CDU w Sakskim krajnym sejmje Christian Hartmann a předsyda Domowiny Dawid Statnik zetkaštaj so wčera w Drježdźanach na wuměnu měnjenjow. Kaž Domowina informuje, běštaj sej wobaj přezjednaj, zo stej rěč a kultura Serbow wažny potencial za dalše wuwiće regiona.
„Ze serbskosću ma Łužica něšto jónkrótne, štož ze žiwymi nałožkami zwjazanosć z domiznu posrědkuje a ze swojej rěču mjezsobnosći ludow wosrjedź Europy polěkuje“, rjekny Statnik. Z widom na předstejace wulke wužadanje skedźbni frakciski šef Christian Hartmann na to, zo „dyrbimy při strukturnej změnje we Łužicy serbsku rěč a kulturu bóle do kóždeho nadawka při wuwiću regiona zapřijeć, zo bychmy jónkrótnu identitu regiona wobchowali“.
Dale staj Hartmann a Statnik wukubłanje wučerjow rozjimałoj. Rěčałoj staj tež wo dołhodobnym financnym wuhotowanju Załožby za serbski lud, kotrež měło potrjebje přiměrjene być, a wo lěpšim wothłosowanju terminow mjez wuběrkami krajneho sejma a Radu za serbske naležnosće při Serbow nastupacych temach.
Z Jurjom Grósom so rozžohnowali
Žiwjenje a narodne skutkowanje Jurja Grósa, čas žiwjenja za swój lud zasadźaceho so horliweho Serba, je žarowanski rěčnik Lothar Koban do srjedźišća swojeho wopominanja stajił. Hromadźe z dźowkomaj Boženu a Marinu, dalšimi swójbnymi, přiwuznymi a přećelemi su so pjatk Serbja a Němcy na Budyskim Tuchorju z česćownosću a připóznaćom z čłowjekom rozžohnowali, kiž bě sej jako wjelelětny 1. sekratar Zwjazkoweho předsydstwa Domowiny, zapósłanc Ludoweje komory NDR a po towarštnostnym přewróće jako wokrjesny radźićel a předsydu strony PDS w Budyskim wokrjesu wysoke připóznaće zdobył. Mjez tymi, kotřiž su 28.
Sorabija jubilejne póstnicy swjećiła
Lipsk (mdź/SN). Pod hesłom „Urbi et Orbi – Eksamen za jen Amen“ je Lipšćanske studentske towarstwo „Sorabija“ sobotu do tamnišeho TV-kluba prosyło. Na jubilejne 40. póstnicy studentow je něhdźe 300 hosći přišło. Wšitcy chcychu wědźeć, što jich lětsa wočakuje.
Na małym jewišću běchu so někotři čłonojo Sorabije ze swojimi instrumentami zesydali a zahudźili někotre štučki, prjedy hač z poprawnym programom započachu. Nawal na program najstaršeho Lipšćanskeho studentskeho towarstwa pak bě tak wulki, zo dyrbjachu zamołwići tróšku časa přeprěčić, a su so tuž hižo raz z někotrymi zynkami wo dobru naladu postarali. Jako bě so rynk čakacych před klubom pomjeńšił a kóždy swoje městno našoł, witachu Sorabičenjo rady jědnatkow. Někotre z nich běchu sej samo serbske hesło wumyslili a rapakow na jewišću serbsce wróćo strowjachu.
Wuměnu mjez Łužicomaj zesylnić
Choćebuz (SN/JaW). Třěšny zwjazk serbskich towarstwow Domowina chce wuměnu skupin a towarstwow z Delnjeje, srjedźneje a Hornjeje Łužicy zesylnić. To je jedyn z wuslědkow wčerawšeho zetkanja prezidija Zwjazkoweho předsydstwa Domowiny z předsydstwom župy Delnja Łužica w Choćebuskim Serbskim domje. Nimo zastupnikow wobeju gremijow wobdźěli so na posedźenju nowa předsydka Rady za serbske naležnosće Braniborskeje Katrin Šwjelina. Pozadk prócowanjow wo wjetšu wuměnu je, kaž nowinski rěčnik Domowiny Marcel Brauman zdźěli, za klětu wuwołane lěto župow.
Zwólniwosć za Ćišinskeho budźić
Pančicy-Kukow (SN/MWj). Přednoškaj dr. Tonija Bruka a kapłana dr. Jensa Buliša, wopyt w Njebjelčicach, swójbny swjedźeń na Kukowskim hrodźišću, skupinska jězba do Prahi, dźěło při pomniku Jakuba Barta-Ćišinskeho w Lipju a adwentnička běchu wjerški w lońšim dźěle Domowinskeje skupiny Pančicy-Kukow. Tak bilancowaše předsyda Pětr Korjeńk na wčerawšej hłownej a wólbnej zhromadźiznje skupiny. Do lětušeho plana zapisachu sej nimo wopyta inscenacije NSLDź a přednoška wopyt na serbskich slědach w Kamjencu, wulět do pólskeje Legnicy, čitanski wječor a swójbny swjedźeń. Wjace hač 40 přitomnych je šěsćwosobowe skupinske předsydstwo w jeho zastojnstwje wobkrućiło.
Wobsedźa nětk wuměłsku twórbu
Z młodymi wobličemi
Čłonojo Lipšćanskeje Sorabije woswjeća zajutřišim, 1. februara, ...
Zhromadnosć pokazali
Dlěje hač poł lětstotka w słužbje za serbski lud
W Kanecach swjeći dźensa Trudla Kuringowa wosomdźesaćiny. Njeličomne lětdźesatki je 28. januara 1940 do serbskeje swójby narodźena hižo ze serbskim třěšnym zwjazkom Domowinu zwjazana.
Po šuli we Wotrowje a w susodnych Pančicach kaž tež po wopyće wyšeje šule w Budyšinje nawukny wona najprjedy powołanje tekstilneje chemikarki a wukonješe po wukubłanju swoje powołanje w Limbachu-Oberfrohnje. Žadosć, so z wučerku stać pak běše tak sylna, zo so po dwěmaj lětomaj do Łužicy wróći, zo by na Budyskim Pedagogiskim instituće serbšćinu a němčinu studowała. Wot 1968 do 1991 běše wona wučerka w Pančicach-Kukowje. W mjezyčasu złoži dalokostudij za chemiju. Dalši puć wjedźeše ju hač do lěta 2000 na Budyski Serbski gymnazij.
