Čitaš rady serbske teksty, dźiwaš na dobru serbšćinu a chceš na wuwiwanju našeje maćeršćiny sobu dźěłać? Pytaš nowe wužadanje? Potom so požadaj!

Poskićamy wotměnjawe dźěłowe městno w redakciji Serbskich Nowin jako

korektor (m/ž/d)

Kotre nadawki na tebje čakaja?

  • korigować manuskripty a wozjewjenja za ćišćane a digitalne wudaća Serbskich Nowin w hornjoserbskej a němskej rěči
  • nowe serbske wopřijeća za wužiwanje w serbskich digitalnych a printmedijach tworić
  • swoje nazhonjenja a dopóznaća na rěčnym polu dokumentować a sposrědkować (mjez druhim w Hornjoserbskej rěčnej komisiji)

Slědowace kajkosće trjebaš:

  • wotzamknjeny wysokošulski studij slawistiki a/abo sorabistiki abo přirunajomne wotzamknjenje
  • jara dobre ertne a pisomne wobknježenje hornjoserbskeje a němskeje rěče kaž tež kmanosć, z hornjoserbšćinu tworićelsce wobchadźeć

Što ći skićimy?

  • wulku swójsku zamołwitosć
  • mzdu po tarifje, 30 dnjow dowola wob lěto
  • dźěłowe městno w Budyšinje w přećelnym a nazhonitym teamje
  • fleksibelny dźěłowy čas kaž tež móžnosć mobilnje dźěłać
  • dołhodobnu perspektiwu a přiležnosć, so dale kubłać

Dźěłowy wobjim wučinja 39 hodźin wob tydźeń.

Dźěłowy čas skrótšić abo alternatiwne formy organizowanja dźěła (na př. Jobsharing) su w mjezsobnym dorozumjenju móžno.

Smy-li twój zajim zbudźili, požadaj so! Zapodaj nam swoje digitalne požadanske podłožki hač do 8. januara 2023 na e-mailowu adresu.

Maš-li prašenja zazwoń nas abo napisaj nam e-mailku.

telefon: 03591/577-241

Ludowe nakładnistwo Domowina
jednaćel Syman Pětr Cyž
Sukelnska 27

02625 Budyšin

słowo lěta 2022

nawěšk

nowostki LND