Sy rady mjez młodostnymi a wěš, kak woni z nowymi medijemi wobchadźeja?
Maš kreatiwnu žiłku a njebojiš so po nowych pućach kročić?
Zajimuješ so za nowostki a maš lóšt, serbske rozprawnistwo w digitalnych medijach wutwarić?
Da smy wćipni na Twoje požadanje!
Poskićamy dźěłowe městno jako redaktor za młodźinu & online (m/ž/d) w redakciji Serbskich Nowin
Kotre nadawki na tebje čakaja?
- planuješ, koordinuješ, rešeršuješ a zhotowješ žurnalistiske přinoški we wšelakich formatach za rozdźělne cilowe skupiny
- wuwiwaš nowe informatiwne a zabawne formaty za wozjewjenje w socialnych syćach, wosebje wusměrjene na młode serbske čitarstwo
- natwariš a nawjeduješ młodźinsku redakciju kaž tež nowe digitalne kanale za rozprawnistwo
Tute kajkosće přinjeseš sobu:
- maš wysokošulske wotzamknjenje abo přirunajomne powołanske nazhonjenja na polu žurnalizma, social media, marketinga abo fotografije/widejografije
- pisaš rady a wobknježiš hornjoserbšćinu ertnje kaž tež pisomnje
- maš zajim za młodźinske a lokalne temy a dobre začuće za podawki, kotrež ludźi regiona zajimuja
- wobknježiš techniske zakłady digitalnych medijow a wěš, po kajkich prawidłach a strategijach so komunikacija w socialnych syćach wotměwa
- maš dobre rěčne začuće, sylnosć w rešeršowanju a tekstowu wěstosć
Što ći skićimy?
- dźěłowe městno w kreatiwnym wobłuku z wotměnjawymi nadawkami w přećelnym a nazhonitym teamje
- mzdu po tarifje, 30 dnjow dowola wob lěto, fleksibelny dźěłowy čas kaž tež móžnosć k mobilnemu dźěłu
- móžnosće dalšeho wukmanjenja
Dźěłowy čas wučinja 39 hodźin wob tydźeń, mjenje je po dorěčenju móžno.
Smy-li twój zajim zbudźili, požadaj so pola nas.
Při prašenjach zazwoń na nas abo napisaj mejlku.
telefon: 03591/577-241
Ludowe nakładnistwo Domowina
jednaćel Syman Pětr Cyž
Sukelnska 27
02625 Budyšin
