Sy rady mjez ludźimi a wěš, što jich zajimuje? Maš kreatiwnu žiłku a njebojiš so, po nowych pućach kročić? Zajimuješ so za nowostki a maš lóšt, wo nich rozprawjeć? Da smy wćipni na Twoje požadanje!

Poskićamy ručež móžno dźěłowe městno jako

reporter (m/ž/d)

w redakciji Serbskich Nowin

Dźěłowe městno je najprjedy hač do 31.12.2024 wobmjezowane, z wotpohladom na njewobmjezowane přistajenje.

Kotre nadawki na tebje čakaja?

  • planuješ, koordinuješ, rešeršuješ a zhotowješ žurnalistiske přinoški, powěsće a reportaže crossmedialnje we wšelakich formatach za rozdźělne zaměrowe skupiny
  • wuwiwaš a zhotowiš nowe informatiwne a zabawne formaty za wozjewjenje w socialnych syćach, předewšěm za młode serbske čitarstwo

Tute kajkosće přinjeseš sobu:

  • maš wysokošulske wotzamknjenje abo přirunajomne powołanske nazhonjenja na polu žurnalizma a/abo rozprawnistwa w socialnych medijach
  • w idealnym padźe maš tež nazhonjenja na polu fotografije/widejografije
  • wobknježiš hornjoserbšćinu ertnje kaž tež pisomnje a sy zwólniwy so dale wukmanjeć
  • maš zajim za lokalne kaž tež młodźinske temy a dobre začuće za podawki a zarjadowanja, kotrež ludźi regiona zajimuja
  • wobknježiš techniske zakłady digitalnych medijow a wěš, po kajkich prawidłach a strategijach so komunikacija w socialnych syćach wotměwa
  • maš dobre rěčne začuće, sylnosć w rešeršowanju a tekstowu wěstosć
  • sy fleksibelnje zasadźujomny
  • maš jězbnu dowolnosć klasy B

Što ći skićimy?

  • dźěłowe městno w kreatiwnym wobłuku z wotměnjawymi nadawkami w přećelnym a nazhonitym teamje
  • mzdu po tarifje, 30 dnjow dowola wob lěto, fleksibelny dźěłowy čas kaž tež móžnosć k mobilnemu dźěłu
  • móžnosće dalšeho wukmanjenja a dalekubłanja

Dźěłowy čas wučinja 31 hodźin wob tydźeń.

Smy-li twój zajim zbudźili, požadaj so hač do 31.07.2022 pola nas.

Maš-li prašenja zazwoń nas abo napisaj nam e-mailku.

telefon: 03591/577-241

Ludowe nakładnistwo Domowina
jednaćel Syman Pětr Cyž
Sukelnska 27

02625 Budyšin

nawěšk

nowostki LND