Čitaš rady serbske teksty, dźiwaš na dobru serbšćinu a chceš na wuwiwanju našeje maćeršćiny sobu dźěłać? Pytaš nowe wuža­danje? Potom so požadaj!

Poskićamy wot 1. awgusta 2022 abo ručež móžno

wotměnjawe dźěłowe městno jako

 

korektor (m/ž/d)

w redakciji Serbskich Nowin.

 

Kotre nadawki na tebje čakaja:

  • korigować manuskripty a wozjewjenja za ćišćane a digitalne wudaća Serbskich Nowin w hornjoserbskej a němskej rěči
  • nowe serbske wopřijeća za wužiwanje w serbskich digitalnych a printmedijach tworić
  • swoje nazhonjenja a dopóznaća na rěčnym polu dokumentować a sposrědkować (mjez druhim w Hornjoserbskej rěčnej komisiji)

Slědowace kajkosće trjebaš:

  • wotzamknjeny wysokošulski studij slawistiki a/abo sorabistiki abo přirunajomne wotzamknjenje
  • jara dobre ertne a pisomne wobknježenje hornjoserbskeje a němskeje rěče kaž tež kmanosć, z hornjoserbšćinu tworićelsce wobchadźeć

Što ći skićimy:

  • wulku swójsku zamołwitosć
  • mzdu po tarifje, 30 dnjow dowola wob lěto
  • dźěłowe městno w Budyšinje w přećelnym a nazhonitym teamje
  • fleksibelny dźěłowy čas kaž tež móžnosć mobilnje dźěłać
  • dołhodobnu perspektiwu a přiležnosć, so dale kubłać

 

Dźěłowy wobjim wučinja 39 hodźin wob tydźeń. Dźěłowy čas skrótšić je w mjezsobnym dorozumjenju móžno.

Smy-li twój zajim zbudźili, požadaj so! Zapodaj nam swoje digitalne požadanske podłožki hač do 28. julija 2022 na e-mailowu adresu.

 

Maš-li prašenja, zazwoń nas (tel. 03591/577-241) abo napisaj nam e-mailku na:

 

Ludowe nakładnistwo Domowina

jednaćel Syman Pětr Cyž

Sukelnska 27

02625 Budyšin

nawěšk

nowostki LND