Wopytowarjo Praskeho etnografiskeho muzeja dožiwichu zańdźenu sobotu serbsku folkloru. Slepjanski ansambl bě sej do čěskeje stolicy dojěł a tam zabawny program poskićił.
Praha (WK/SN). 32 ludowych wuměłcow Serbskeho folklorneho ansambla Slepo je minjenu sobotu w etnografiskim muzeju čěskeje stolicy wustupiło. Sobu wzali běchu tež kulinariske wosebitosće z regiona. Najprjedy dojědźechu sej do Kinski-parka wysoko nad centrumom města. Wšitcy a wužiwachu składnosć, sej prezentaciju muzeja wobhladać, při čimž zwěsćichu paralele k serbskim nałožkam.