Z pomocu noweje knižki sej swět zwěrjatow zbližić

srjeda, 10. junija 2015
artikl hódnoćić
(0 )
Jadwiga Wejšina a Janina Mikławškowa (wotlěwa) wobhladujetej sej zhromadnje z dźěćimi a maćerjemi nowu zajimawu knižku. Foto: Alfons Handrik Jadwiga Wejšina a Janina Mikławškowa (wotlěwa) wobhladujetej sej zhromadnje z dźěćimi a maćerjemi nowu zajimawu knižku. Foto: Alfons Handrik

Smjerdźaca (aha/SN). Rjane dožiwjenje mějachu dźensa dopołdnja młode ma­ćerje ze swojimi dźěćimi w Smjerdźe­čanskim kubłanskim srjedźišću LIPA. Jadwiga Wejšina předstaji tam runje w Ludowym nakładnistwje Domowina wušłu dźěćacu knižku „Moje najlubše powědančka wo zwěrjatach“.

Pozadk nowostki je, zo bu lektorka LND Janina Mikławškowa na lońšich nalětnich wikach w Koćinje narěčana, hač njehodźi so wudać nowa wobrazowa knižka za předšulske dźěći. Jako znajerka tež němskich edicijow namjetowaše wona­ tuž nakładnistwu, wudać knižku z pjera němskeje awtorki Christy Kemp­ter a z přewšo rjanymi wobrazami Antje Flad. Nakładnistwo Thienemann-Esslinger w Stuttgarće je licencu přizwoliło.

wozjewjene w: Kultura
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND