Lětuša BUGA z pjeć stacijemi

pjatk, 26. junija 2015
artikl hódnoćić
(0 )
W Optikowym parku w Rathenowje eksperimentuja na zajimawe wašnje ze swěcu a najwšelakorišimi barbami, kotrež we wječornych hodźinach wosebje derje skutkuja. W Optikowym parku w Rathenowje eksperimentuja na zajimawe wašnje ze swěcu a najwšelakorišimi barbami, kotrež we wječornych hodźinach wosebje derje skutkuja.

Wšu zwjazkowu zahrodnu přehladku (BUGA) w Braniborskej sej lětsa na jeničkim dnju wobhladać njeje prosće móžno. Wopytowar ma sej znajmjeńša dwaj dnjej za to­ zaplanować, wšako dyrbi so k cyłkownje pjeć wšelakim městnosćam podłu rěki Habole podać – do Brandenburga, do Premnitza, do Rathenowa, do Stöllna a do Havelberga. Na kóncu je kóžde wustajenišćo wosebite dožiwjenje, swědčace wo fantaziji kaž tež wo prócy a pilnosći zarjadowarjow.

Wosrjedź města zapołožena je zahrodna přehladka w Brandenburgu. Wot wulkeho parkowanišća přińdźeš po zdźěla nowych mostach k přistawej, wokoło kotrehož je přehladka natwa­rjena. We wulkim parku su cyłkownje 33 temowych­ zahrodow připrawili. Wustajenišća w formje stilizowanych łódźow w něhdyšej łódźnicy wěnuja so z wjele fantaziju wšelakim temam. Tam na přikład zhoniš, kak dekoratiwne móže stare drjewo w zahrodce skutkować, je-li wotpowědnje wobdźěłane, abo kak fantazi­jepołnje hodźa so betonowe elementy zasadźić.

wozjewjene w: Předźenak

Galerija

dalši wobraz (1) Atrakcija Rathenowskeje wotnožki BUGA je nowy 360 metrow dołhi ekstrawagantny móst za pěškow nad Habolu, kotryž dwaj dźělej wustajeńcy zwjazuje. Marko Wjeńka/BUGA-Thomas Uhlemann
dalši wobraz (2) Originalne lětadło IL-62 z časa NDR je do swojorazneho wustajenišća we wsy Stöllnje zapřijate. W nim stej dźensa stawnistwo a wustajeńca zaměstnjenej.
dalši wobraz (3) Bismarckowa wěža w Rathenowje je zjawnosći zaso přistupna a skići krasny wuhlad na zahrodnu přehladku.
Prošu přizjewće so, chceće-li komentar podać

Serbska debata

nowostki LND