Při Bjerwałdskim jězorje a we wokolinje

pjatk, 10. julija 2015
artikl hódnoćić
(0 )
Bjerwałdski jězor z pohladom na Hamorsku milinarnju Bjerwałdski jězor z pohladom na Hamorsku milinarnju

Po kraju po puću

Bjerwałdski jězor je nowa turistiska atrakcija. W jeho bliskosći pak namakamy dalše, starše wopytahódne městnosće, kotrež su tež za nas Serbow zajimawe. A mamy tež tajke, kiž hižo njeeksistuja, dokelž su so přez wuhlowe jamy zhubili.

Wopušćimy Budyšin po zwjazkowej dróze B 156, kotraž wjedźe do Běłeje Wody­. Hač k našemu prěnjemu cilej pohibujemy so po njej přez Delnju Hórku, Zdźěr, Komorow pola Klukša a Delni Wujězd. W Delnim Wujězdźe by hódno było pozastać, ale to sej schowamy za wosebitu wuprawu. Tu smy tež hižo blisko Bjerwałdskeho jězora. Dale jědźemy přez něhdy nimale njeskónčnu serbsku holu. Z praweho boka dróhi stej ležałoj něšto kilometrow zdalenej mjeztym dawno wotbagrowanej wsy Šepšecy (Schöpsdorf) a Łućo (Merzdorf). Z Łuća pochadźa naš wuznamny wótčinc Jan Arnošt Smoler­. Hdyž wopominamy klětu jeho 200. narodniny – tak sej wuwědomjamy –, njebudźe wjace składnosć, wopytać jeho ródnišćo. Ale mamy wězo Dom Zej­lerja a Smolerja w njedalokim Łazu, kotrehož­ muzej je tež žiwjenju a skutkowanju Smolerja wěnowany.

wozjewjene w: Předźenak

Galerija

dalši wobraz (1) Drjewjana cyrkwička, natwarjena z kładźitych hrjadow bjez hozdźow, w Sprjowjach SN/Maćij Bulank
dalši wobraz (2) Kamjeń-błudźenk pokazuje na to, zo bu dźěl wulkeje wosadneje wsy Wochoz mjez 1984 a 1993 wotbagrowany.
dalši wobraz (3)
Prošu přizjewće so, chceće-li komentar podać

Serbska debata

nowostki LND