Prašenje „Kak awtentiska je dźensa hišće ludowa kultura?“ rozjimali
700 aktiwnych ludowych wuměłcow z cyłeho swěta zetka so na XI. mjezynarodnym folklornym festiwalu „Łužica 2015“ – tutu šansu dyrbiš wězo tež wužiwać a sej nazhonjenja wuměnjeć. Tak bě Domowina na kolokwij pod hesłom „Folklora na jewišću – kak awtentiska je dźensa hišće ludowa kultura?“ přeprosyła. Něhdźe 30 zajimcow, zwjetša běchu to zastupjerjo wobdźělenych skupin, zhromadźi so w Chróšćanskej hali „Jednota“, zo bychu zajimcam předstajili, što jich kulturu charakterizuje, što je za jich dźěło wažne a kotre ćeže maja. Předsyda kulturneho wuběrka Jan Bělk moderěrowaše zarjadowanje, kotrež traješe dlěje hač dwě a poł hodźiny – tež to znamjo za to, kak wulka potrjeba je folkloru teoretisce rozumić.
Filmowa chłóšćenka z lěta 1925