Schrift vergrößern
Pascal Maiwald z Budyšina, Luka Domladovac z chorwatskeho Jastrebarsko kaž tež Njebjelčance Lea Šefrichec a Nina Krawčikec (wotlěwa) su so na lětušej 5. mjezynarodnej młodźinskej dźěłarničce w Njebjelčicach wobdźělili. Helmut Schippel
Kóždej dwě lěće zarjaduje gmejna Njebjelčicy w lětnich prózdninach z podpěru Domizniskeho a kulturneho towarstwa na młodych ludźi wusměrjenu mjezynarodnu dźěłarničku. Mnohe partnerske a přećelske styki do wukraja zawěsćeja stajnje tež dosć wulku ličbu wobdźělnikow. Lětsa witachu tam wot 19. do 26. julija młodostnych z Pólskeje, Čěskeje, Słowakskeje, Chorwatskeje a Ruskeje. Ze serbskimi a němskimi wobdźělnikam bě to sydom narodnosćow.
Luka Domladovac je drjewjane hrjady do noweje hrajkanskeje wěže zatwarił.
Rusowka Eliza Kotelnikowa je domčk na zahrodźe pěstowarnje z wobrazom Krabata pomolowała.
