Schmidt kritizuje Rusku ničenja cyrobiznow dla
Kijew (dpa/SN/K). W běłoruskim Minsku w februaru dojednany přiměr na wuchodnej Ukrainje je krjechki. Na juhowuchodźe je hrimot ćežkich bróni słyšeć a dochadźa tam k wobrónjenym nadpadam. Ukrainske knježerstwo rěči wo najćešich bojach wot spočatka přiměra. Po jeho wudawanju proruske mocy pozicije knježerstwowych jednotkow z ćežkimi brónjemi atakuja. Něhdźe 400 separatistow nadběhowaše z podpěru tankow ukrainske stejnišća kołowokoło města Starohnatiwka, něhdźe 50 kilometrow wot ukrainskeho přistawneho města Mariupol zdaleneho. Wojerske wuspěchi pak njejsu separatisća žane docpěli. Ukrainske jednotki zamóchu jich ofensiwu z pomocu artilerije zadźeržeć a teren wróćo zdobyć. Proruske mocy twjerdźenja Kijewa wuwróćeja a ze swojeje strony knježerstwowemu wójsku wumjetuja, zo je z třěleńcu započało.