Wustajeńca nětk w Slepom

štwórtk, 27. awgusta 2015
artikl hódnoćić
(1 )
Wobrazy wo zničenju łužiskeje krajiny přez wotbagrowanje a citaty, wosebje z wustawow krajow Sakskeje a  Braniborskeje, wo škiće serbskeje rěče a kultury tworja zakład wustajeńcy Karla Vouka, kotruž wotewru sobotu w Slepom. Zdobom předstaja tón dźeń w tamnišej cyrkwi „Rekwiem za Mata Starika“, kiž bě hižo w Budyšinje widźeć.  Foto: Joachim Rjela Wobrazy wo zničenju łužiskeje krajiny přez wotbagrowanje a citaty, wosebje z wustawow krajow Sakskeje a Braniborskeje, wo škiće serbskeje rěče a kultury tworja zakład wustajeńcy Karla Vouka, kotruž wotewru sobotu w Slepom. Zdobom předstaja tón dźeń w tamnišej cyrkwi „Rekwiem za Mata Starika“, kiž bě hižo w Budyšinje widźeć. Foto: Joachim Rjela

Zhromadny wuměłski projekt słowjenskich a serbskich wuměłcow „Přechod Übergang-Prehod“, kotryž bu loni w Korutanskej zahajeny, su lětsa wot spočatka meje do awgusta w Budyšinje a Choćebuzu dele wjedli. Nětko nańdźe přehladka w Slepom swoju poslednju městnosć we Łužicy.

Zajutřišim, sobotu, wotewru w Slepjanskej cyrkwi mjeztym w Serbach šěroku diskusiju zbudźacu wustajeńcu fotoweho cyklusa słowjenskeho tworjaceho wuměłca z Korutanskeje Karla Vouka pod hesłom „Satkula. (S)twor(jen)a krajina. Oder die Wa(h)re Landschaft“. Přehladka je hižo w Serbskimaj muzejomaj w Budyšinje a Choćebuzu dobry wothłós mjez wopytowarjemi našła, kotřiž běchu sej ju w nahladnej ličbje wobhladali a so wo njej pozbudźejo wuprajili. Wšako wustajene fota wo zničenju łužiskeje krajiny, jeje kultury a identity přez wotbagrowanje serbskich wsow runje to napřećiwne wuprajejo, hač to, štož z tam zdobom po­datych citatach, wosebje z wustawow krajow Sakskeje a Braniborskeje, wo škiće serbskeje rěče, kultury, serbskeho rěčneho ruma a přirodźe wuchadźa.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND