„Myslu sej nimale, zo so ludźo, kotřiž su do Hornjeje Łužicy přišli, bóle z kónčinu rozestajeja hač ći domoródni. Wšako dyrbja so integrować.“ To je so tež Sabinje Schubert wuběrnje radźiło. Wjele připóznaća je sej w durinskim Bad Liebensteinje rodźena ze swojim angažementom na wuměłskim polu w tudyšej kulturnej scenje zdobyła. W lěće 2005 bu wona ze Zwjazkowym zasłužbowym křižom wuznamjenjena.