Naročne zynki Jana Cyža zaklinčeli

póndźela, 07. septembera 2015
artikl hódnoćić
(0 )
Serbski komponist Jan Cyž dźakuje so hudźbnikam  Foto: SN/Maćij Bulank Serbski komponist Jan Cyž dźakuje so hudźbnikam Foto: SN/Maćij Bulank

Lichań (bn/SN). Pod hesłom „Wot tradicije hač k modernje“ zaklinča sobotu na žurli Lichańskeho hrodu portretowy koncert z twórbami Jana Cyža. Hudźbny wječor bě mjez druhimi zapósłanča Němskeho zwjazkoweho sejma Marja Michałkowa (CDU) tež składnostnje njedawnych 60. narodnin komponista w ramiku Lichańskeho­ lětnjeho kulturneho programa organizowała. Čłonaj Berlinskeje komiskeje opery Gerald Gnausch na křidle, Lutz Kohl na saksofonje a klarineće a jako docentka w Berlinje skutkowaca sopranistka Anna Korondi předstajichuwe so wotměnjacych so wobsadkach titulej­ zarjadowanja wotpowědny zajimawy zarys dotalneho tworjenja Jana Cyža. Wosebje wusahowachu kruchi „Joy – Stück I“ za klarinetu, „Gedanken über …“ za basklarinetu a prěni raz hrata „Krydowana njewjesta“. W srjedźišću koncerta stejaca, připosłucharjow nimale dźesać mjeńšin putaca kompozicija za sopran­, alt-saksofon, basklarinetu a pask „Skoki přez Š“ na tekst Róže Domašcyneje bě wjeršk wječora. Spěwarka Anna Korondi přeswědči z kedźbyhódnym serbskim wurjekowanjom.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND