Röttgen kontra Friedrichej

pjatk, 11. septembera 2015
artikl hódnoćić
(0 )

Berlin (dpa/SN/K). Předsyda wonkowneho wuběrka zwjazkoweho sejma Norbert Röttgen (CDU) wuwróća kritiku něhdyšeho nutřkowneho ministra Hansa-Petera Friedricha (CSU), zo je zwjazkowe knježerstwo nastupajo ćěkansku krizu kontrolu zhubiło. Postupowanje němskeho knježerstwa a kanclerki ma wón město toho za jedyn z dotal najwjetšich jeju wukonow, zwurazni Röttgen dźensa rano w telewizijnym sćelaku ARD.

Friedrich bě w nowinje Passauer Neue Presse hódnoćił, zo nawal migrantow njeje hižo wodźomny. „Smy kontrolu zhubili“, wón w dźeniku sudźi, pokazujo na dźesaćitysacy ludźi, kotřiž so bjez kóždeježkuli kontrole po Němskej a Europje hibaja. Z Madźarskeje ćěkancam dać bjez registrowanja do kraja připućować, je „politiski lapsus zwjazkoweho knježerstwa bjez přikłada“ a změje pozdźišo hišće zahubne sćěhi. Tak hodźi so jeno zwjeršnje trochować, kelko je mjez přichadźacymi ludźimi bojownikow Islamskeho stata abo islamistiskich spancow. Pječa su hižo wjacorych syriskich wojowarjow zwěsćili.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND