Zajimawa fotowa wustajeńca w Budyskim Serbskim instituće
Mjeno Arnošt Černik je staršej generaciji w Serbach znate, młodej drje mjenje. Rodźeny 1910 w Slepom studowaše wot lěta 1925 do 1930 na wučerskim seminarje w Pólskej a skutkowaše tam hač do 1934 jako wučer. Dokelž Němska jeho diplom njepřipózna, nachwata wón abituru a studowaše wot 1935 do 1940 w Berlinje a Königsbergu a zakónči studij jako diplomowy ludowy hospodar. Po wójnje skutkowaše we wšelakich serbskich institucijach a na Domowinje, promowowaše a bě wot 1951 do 1954 wotrjadnik za planowanje a statistiku w Serbskim zarjedźe kaž tež wědomostny aspirant na Berlinskej Humboldtowej unwersiće. Jako sobudźěłaćer Budyskeho Instituta za serbski ludospyt wot lěta 1954 do 1958 zestaji wón w projekće „Łužiska ludo- a krajowěda“ wobydlersku statistiku serbskeje Łužicy. Černik zemrě 1988 w Berlinje.Arnošt Černik
Fota móža čłowjeka putać a to nic jenož wuměłske, ale tež dokumentariske.