Na wšelakich městnach dźěłaja rjemjeslnicy w domicilu Serbskeho ludoweho ansambla na Budyskej Wonkownej Lawskej. Dosć derje postupił a nimale dokónčeny je přetwar wulkeje žurle, w pozadku je nowe jewišćo widźeć. Hans-Jürgen Wendschuh (prědku) z blidarnje Heide w Čornjowje wukonja hišće zwostawace blidarske dźěła. Foto: SN/Maćij Bulank
Prěni koncert na ponowjenej žurli SLA budźe krótko do hód
Budyšin (SN/at). Dokładnje dźensa za měsac přeprošuje Serbski ludowy ansambl (SLA) na hodowny koncert do swojeho dospołnje ponowjeneho domicila. Budźe to prěnje zarjadowanje w přetwarjenej přihladowarskej žurli.