RBB koncertuje do adwenta

Slepo. Jako jara woblubowane wopokazachu so dotal njedźelne koncerty rozhłosoweho sćelaka RBB. Mjeztym hižo jědnaty koncert w tymle rjedźe wotměje so njedźelu, 29. nowembra, w 15 hodź. w Slepjanskim Serbskim kulturnym centrumje. W nim tež wuměłcy z Hornjeje Łužicy sobu kaž Gerald Schön, Daniela Hazec, Měrćin Weclich a spěwna skupina Po štyrjoch sobu skutkuja. Hižo do koncerta sćelak RBB přichodnu njedźelu wot 12.30 do 14 hodź. ze Slepoho live wusyła. Wurězki z koncerta budu słyšeć 6. a 13. decembra wot 13 hodź. we wobłuku delnjoserbskeho wusyłanja RBB.

Přehladka wo zymskim sporće

Łaz. Lětuša hodowna wustajeńca we Łazowskim Domje Zejlerja a Smolerja wěnuje so zymskemu sportej za čas dźědow­ a wowkow. Wopytowarjam tam znazornja, kak su něhdy lodohokej hrali, sněhakowali a so smykali. Přehladku wotewru njedźelu, 29. nowembra, w 14.30 hodź. a poskića k tomu kofej a wosušk. Zajimcy su wutrobnje witani.

Adwentnička mjezynarodnje