Pokiwy (11.12.15)

pjatk, 11. decembera 2015
artikl hódnoćić
(0 )

Breakdance-festiwal

Budyšin. Wot dźensnišeho do njedźele wotměwa so w Budyskim Kamjentnym domje breakdance-festiwal. Pod hesłom „breakdance pod jědlinu“ so tak mjenowany Senftown-festival dźensa w 20.30 hodź. z koncertom skupiny Lemur zahaji. Jutře, 12. decembra, wot 17 hodź. budu wubědźowanja rejwanskich akrobatow. Njedźelu přewjedu rejwanske dźěłarnički w „zetkanišću w pincy“ TiK.

Wiki na dworje klóštra

Wostrowc. Jutře a njedźelu přeproša klóšter Marijiny doł we Wostrowcu wot 11 do 19 hodź. na nětko hižo 14. adwentne wiki. Tež lětsa su so klóšterske sotry a dalši zaso wo to starali, zo maja tam wopytowarjo bohaty poskitk domjacych wudźěłkow. Nimo toho so wudani, do loni noworestawrowaneje klóšterskeje cyrkwje załožić a sej tam tróšku dušineho měra popřeć.

Adwentny koncert brigady

Budyšin. Na swój tradicionalny adwen­tny koncert přeproša 1. serbska kulturna brigada jutře, 12. decembra, w 17 hodź. do Budyskeje Michałskeje cyrkwje. Nimo znatych serbskich spěwow zaklinča pólske a ruske pěsnje kaž tež instrumentalne twórby. Wuměłski nawod změje Friedemann Böhme.

wozjewjene w: Pokiwy
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND