Klětu z kofejom w foyeru poručenje

wutora, 22. decembera 2015
artikl hódnoćić
(0 )
Dźěła na nowych načasnych konturach Budyskeho Serbskeho muzeja postupuja. Tak ma blidar Michał Kokla z Wotrowskeje Wjenkec blidarnje tuchwilu ruce połnej dźěła z přesadźenjom sćěnow na druhim poschodźe. Tam wobnowjeja galeriju tworjaceho wuměłstwa, zo bychu wobrazy runje tak kaž přihladowarjo wjace městna měli. Foto: SN/Maćij Bulank Dźěła na nowych načasnych konturach Budyskeho Serbskeho muzeja postupuja. Tak ma blidar Michał Kokla z Wotrowskeje Wjenkec blidarnje tuchwilu ruce połnej dźěła z přesadźenjom sćěnow na druhim poschodźe. Tam wobnowjeja galeriju tworjaceho wuměłstwa, zo bychu wobrazy runje tak kaž přihladowarjo wjace městna měli. Foto: SN/Maćij Bulank

Budyski Serbski muzej dźěła dale na nowych konturach

Budyšin (SN/CoR). Negatiwny turistiski trend w Sakskej so tež na Budyski Serbski muzej wuskutkuje. Tak su lětsa dotal jenož­ 10 615 hosći (staw 6. decembra) witać­ móhli. „Přerěznje mějachmy w minjenych lětach přeco 12 000 wopytowarjow, lětsa trochu mjenje. Budyšin a cyła Sakska měještej mjenje přenocowanjow. To je cyłkowny trend, kotryž so tež w kulturnych zawodach wotbłyšćuje“, rozłožuje nawodnica muzeja Christina Boguszowa. Poskitkow bě lětsa dosć – dohromady su 49 swójskich zarjadowanjow přewjedli (bjez wodźenjow) a publikumej štyri wosebite wustajeńcy pokazali. Běchu­ to přehladce wo Kašubach a jutrownych nałožkach w Europje, Karla Voukowa „Satkula“ kaž tež prezentacija nowonakupjenych twórbow tworjaceho wuměłstwa. „Nam pak lětsa klasiska kubłansko-wobydlerska klientel wotwonka pobrachuje, kotraž hewak kónc tydźenja muzej pjelni. Samsny problem maja tež Statne wuměłstwowe zběrki w Drježdźanach“, direktorka podšmórnje.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND