Pokiwy (22.01.16)

pjatk, 22. januara 2016
artikl hódnoćić
(0 )

Rozprawja wo dalokim kraju

Chrósćicy. Cyle w znamjenju Papuwa-Noweje Gineje steji přichodne zarjadowanje w Chróšćanskej putniskej hospodźe jutře, 23. januara, w 19.45 hodź. Z filmom rozprawja Njebjelčan Tomaš Čornak wo swojich dožiwjenjach w tymle třećim najwjetšim kupowym staće swěta w Pacifiku. Serbsko-němski wječor skići tohorunja składnosć k rozmołwje z přednošowarjom. Wšitcy zajimcy su wutrobnje přeprošeni.

Wodźenje a dźěłarnička

Budyšin. Zajimcam wuměłstwa a kreatiwneho dźěła poskići Budyski Serbski muzej jutře, sobotu, dźěłarničku pod hesłom „Zwuraznjeja wobrazy wjace hač słowa?“ Nawodnica R. Ellen Spengler chce wobdźělnikam eksperimentalne two­rjenje zbližić. Dźěłarnička započnje so w 14.30 hodź. z wodźenjom po wustajeńcy „Wuzwolene – Nowonakupjene twórby tworjaceho wuměłstwa“. W pedagogiskim kabineće muzeja přizamknje so dźěło z barbami. Wobdźělnicy płaća nimo zastupa euro za material.

Kokula zaso woła

wozjewjene w: Pokiwy
Prošu přizjewće so, chceće-li komentar podać

Serbska debata

nowostki LND